Éxodo 7:1 - Biblia Enxet

¹ Keñe axta natámen Wesse' egegkok aptáha apcháneya Moisés se'e: —Elano, agkések sa' ko'o exchep yaqwayam heyaqmagkasek sektémakxa nak ko'o nápaqtók ma'a faraón, tén sa' ma'a apepma Aarón epaqmétek exének ma'a aptáhakxa appeywa.

Éxodo 7:1 Iomraidhean Croise

Génesis 19:21

Keñe axta aptáha apcháneya s'e: —Hoy, tase', atnehek sa' ko'o m'a aptáhakxa nak sélmaxneya, mamasséssemek sa' ko'o m'a tegma apketchetse apxénakxa nak.

1 Reyes 17:23

Yetlókok axta apmeykekxa makham Elías ma'a sakcha'a apya'ásento m'a apwáxok tegma kóneg nak, keñe apmeyásekxo m'a egken, axta aptáhak apcháneya s'e: —¡Keso étche s'e, apxátekhágwokme'!

2 Reyes 6:32

Apheyk axta apxagkok ma'a Eliseo yetlo m'a apkelámha apmonye'e nak. Apcháphássek axta eyke apkeláneykha m'a wesse' apwányam nak. Aptáhak axta han Eliseo apkeláneya m'a apkelámha apmonye'e, amonye' axta yaqwayam emmok ma'a wesse' apwányam apkeláneykha: —Apcháphássek xama énxet apkeltamho eyaqtennek eyespok ma'a tekyawa yáp nak. Kólleyxmakha sa', apwa'ak sa' agkok ma'a apchápháseykha nak, kólápekxa sa' átog kólyennaqtések sa' kélméyak yaqwayam sa' metxehe', hakte étlógmohok sa' ma'a wesse' apagkok.

Salmos 78:12

Apkeláneyak axta chá'a aqsok sempelakkasso agwetak Dios nápaqta'awók apyapmeyk nano' ma'a yókxexma Soan, ekpayho nak Egipto:

Salmos 82:6

Ekxénchek ko'o kéxegke kélteme dios'ák; kélyókxoho kélteme Dios Meyke Ekhémo apketchek.

Éxodo 16:29

Kólya'asagkoho hana ko'o, Wesse' kélagkok, sekméssama kéxegke xama ekhem kéllókassamakxa kélyampe; cháxa keñamak sekméssama nak chá'a ko'o kéltéyak ekhem seis yaqwayam kammohok ma'a ánet ekhem. Tén sa' ma'a ekhem siete nak kéméxcheyk kólhakha aqsa chá'a kéxegke kélxama m'a kélxanák nak tén han megkólántephek xa ekhem nak.

Eclesiastés 1:10

Megkatnehek chá'a metne appeywa xama énxet se'e: “¡Keso aqsok axnagkok se'e!” Nanók eyke han ekteyapma xa, cham'a mólánteyapmakxa axta negko'o.

Jeremías 1:10

“Ekpekkenchessek ko'o exchep apátog sekpeywa. Sakhem sekmésa ko'o exchep apmopwána nepyeseksa m'a apyókxoho énxet'ák nak keso náxop tén han ma'a apkelókxa, yaqwayam sa' esawhohok aqsok ma'a kañe' tén han elyaqnegkesagkok, yaqwayam sa' emasséssók tén han etnéssásekxak nápakha'a apketkók, tén han yaqwayam enaqxétekhasagkokxak makham, tén han eknekxak makham aqsok aktek.”