Éxodo 6:9 - Biblia Enxet

⁹ Apkelánekxók axta eykhe apkeltennasso Moisés israelitas xa amya'a nak, maxta eyke elyahakxoho', hakte apkelháxexchagweykmók apagko' axta eñama ekyentaxno agko' kélásenneykha naqsa.

Éxodo 6:9 Iomraidhean Croise

Job 21:4

Háwe ko'o énxet xamo' sélátegmómaxko nak chá'a; cháxa keñamak may'áseykegko nak chá'a sektémakxa.

Éxodo 1:14

Apkelméssegkek axta élmáske agko' apyempe'ék apkeltemessáseykencha'a ekyentaxno agko' apyelpagkasso m'a yelpa', tén han apkelánéyák ma'a yátaphémekcha'ák apwetek, tén han ma'a ekyókxoho ektémakxa nak apkeltamheykha ekyentaxno m'a yókxexma. Kélnaqtawáseykegkók axta chá'a m'a israelitas.

Éxodo 14:12

Axta nentemék eykhe chá'a neganagkama exchep neyseksa negheykha axta Egipto s'e: ‘Hẽgho aqsa ólteméssesha negko'o m'a egipcios. ¡Tásek axta aptéma aqsa sẽlásenneykha m'a, megkaxnawok se'e peyakxa nak agmassegwa', yókxexma meykexa nak énxet!’

Éxodo 2:23

Kelyekheykegkek axta nahan ekhem, tén axta apketsapa nahan ma'a wesse' apwányam Egipto, keñe axta m'a israelitas, maxta elwáteseykegkok apkelpaqméteykha élleklámeykegko m'a ektémakxa kélásenneykha naqsa, hakte yentexek axta m'a ektémakxa apkeltamheykha. Aplegayók axta nahan Dios ma'a ektémakxa apkelápagqánamap,

Éxodo 5:21

Aptáhak axta apkeláneya s'e: —Wesse' egegkok sa' étak aqsok kéllánéyak kéxegke, tén sa' ellegássesagkoho'. Kéxegke keñamak sẽltaqnaweykegko negko'o m'a faraón tén han ma'a apkeláneykha nak. Kéxegke kélagko' nahan kélmeyásegkok sókwenaqte yaqwayam negko'o hẽlnápok.

Éxodo 6:10

Tén axta m'a Wesse' egegkok aptáha apcháneya Moisés se'e:

Proverbios 14:19

Elháxahagkok sa' chá'a énxet'ák élmasagcha'a nak apkeltémakxa' apmonye'e m'a énxet'ák éltaqmalma nak apkeltémakxa'; keñe sa' ma'a melya'assáxma nak, elpaqmésmakha sa' átog apagkok eltamhok epasmok ma'a énxet'ák élpéwomo nak apkeltémakxa.

Proverbios 18:14

Énxet apháxamap nak, awanchek kagkeyásekxak makham apyennaqte m'a ekxeyenma nak makham apwáxok eweynchamha, agkok kaxénak chá'a apwáxok eweynchamha, méko kagkeyásekxak apyennaqte.

Números 21:4

Apkelxegákxeyk axta makham israelitas apkeleñama m'a egkexe Hor, axta apkelpéwók ma'a ekpayho nak Wátsam Ekwányam Ekyexwase, aphaxnenchámeykxeyk axta m'a yókxexma Edom, yaqwayam enxoho melpéwók ma'a neyseksa nak. Apkelyampágwokmek axta nahan náxet ámay ma'a énxet'ák,