Éxodo 6:8 - Biblia Enxet

⁸ Alya'aksek sa' nahan ma'a apkelókxa séltennassamakxa axta ko'o agkések ma'a Abraham, Isaac, tén han ma'a Jacob. Agkések sa' ko'o yaqwayam kóltéhek kélagkok kélagko' ma'a. Ko'o sekteme Wesse'.

Éxodo 6:8 Iomraidhean Croise

Génesis 14:22

Aptáhak axta apchátegmowágkokxo Abram se'e: —Naqsók ko'o ektemessásak Wesse' egegkok, Dios meyke nak ekhémo, ektáha nak apkelane néten tén han keso náxop,

Génesis 15:18

Cháxa ekhem apkelanakxa axta han ekhémo mók apkelpaqhetchásamákpoho Wesse' egegkok ma'a Abram. Aptáhak axta apcháneya s'e: —Agkések sa' ko'o aptawán'ák neptámen se'e xapop nak, eyeynamo m'a wátsam nak Egipto, ekweykekxoho m'a wátsam ekyawe nak Éufrates,

Génesis 26:3

exa sa' aqsa sekxók makham se'e yókxexma nak, axek sa' chá'a ko'o xamo' xép, kataqmalmakha sa' chá'a ewáxok alano', hakte agkések sa' ko'o exchep se'e ekyókxoho xapop nak, tén han ma'a aptawán'ák neptámen. Keñe sa' alának ma'a séltennassama axta alának ma'a apyáp nano' Abraham.

Génesis 28:13

Apwet'ak axta han apkenmáncha'a xamo' Wesse' egegkok ma'a apkenmágkaxa axta apwanmagko, keñe han aptáha apcháneya s'e: “Ko'o sekteme Wesse', Dios apagkok nak ma'a apyáta' Abraham, tén han ma'a apyáp Isaac, agkések sa' ko'o exchep se'e xapop apyetnakxa nak, ekweykekxoho m'a aptawán'ák neptámen.

Génesis 35:12

Agkések sa' xépxa m'a xapop sekméssama axta m'a Abraham, tén han Isaac, keñe sa' aptawán'ák neptámen agkések neptámen xép.”

Nehemías 9:15

Apkelméssegkek axta han aptéyak éleñama néten, yaqwayam enxoho emasséssesek élnapma meyk, tén han aptekkessessama yegmen ma'a meteymog, yaqwayam kamasseksek hem élnapma. Tén axta apkeltémo elántexek elhók ma'a apchókxa apkeltennassamakxa axta.

Éxodo 13:5

cháxa eyéméxko nahan chá'a kéxegke kóllának kélessawássessamo xa pelten nak, apkelya'asa sa' Wesse' egegkok ma'a yókxexma ényahamakxa nak weyke nagkeygmenek tén han ma'a yányawhéna' apyegmenek ektémól'a kanyehek yegmen, cham'a apkelókxa nak cananeos, hititas, amorreos, heveos tén han ma'a jebuseos, cham'a apkeltennassamakxa axta egkések kéxegke nanók axta m'a kélyapmeyk nano'.

Éxodo 32:13

Kaxénwakxoho hana apwáxok ma'a apkeláneykha Abraham, Isaac tén han ma'a Israel, cham'a apteméssessama axta xeyep apagko' ekmámnaqsoho aptéma apkelanagkama s'e: ‘Axámassásekxak sa' ko'o kéltawán'ák kélnentámen kéxegke, sa' exhok apxámokma m'a apweykenxal'a apxámokma yaw'a néten, keñe sa' se'e ekyókxoho xapop séltennassamakxa axta chá'a ko'o agkések kéxegke, agkések sa' yaqwayam etnehek apagkok meyke néxa.’

Éxodo 6:2

Appaqhetchessek axta Dios ma'a Moisés. Aptáhak axta apcháneya s'e: —Ko'o sekteme WESSE'.

Éxodo 6:4

Élánéssegkek axta anhan ko'o xama ekhémo mók nélpaqhetchásamáxkoho m'a, tén séltennassama nahan agkések xapop ma'a Canaán, cham'a yókxexma apheykegkaxa axta sekxók aptamheykegko m'a aptémól'a énxet apkeleñama nak mók apkelókxa.

Éxodo 6:6

Cháxa keñamak séltamho nak ko'o exog eltennaksek israelitas sekmako almallahanchesek ko'o ektémakxa nak kélásenneykha naqsa tén han ektémakxa nak ekyentaxno apkeltamheykha apmésso chá'a m'a egipcios, ko'o sektáha nak Wesse' kélagkok. Axekmósek sa' ko'o sekmowána. Alwagkasek sa' nahan teyp ekyetlómo sélane ekwányam agko' sellegassáseykegkoho ekwokmoho sélántekkesa.

Ezequiel 20:15

“Axta éltennaksohok nahan ko'o, peya malántaxnések apkelókxa m'a yókxexma meykexa nak énxet, cham'a apkelókxa sekméssamakxa axta, apkelókxa ektaqmalma agko' nak, megkaxnawo nak ma'a ekyókxoho apkelókxa, ényahamakxa nak ma'a weyke nagkeygmenek tén han ma'a yányawhéna' apyegmenek ektémól'a kanyehek ma'a yegmen,

Ezequiel 20:23

Axta ekxénhok nahan ko'o, cham'a yókxexma meykexa nak énxet, sekmáheyo waxpánchesek ekyókxoho apkelókxa keso náxop,

Ezequiel 20:28

Xama axta séltémo ko'o kólántexek ma'a xapop séltennassamakxa axta ekmámnaqsoho agko' agkések, yohók axta kéltáha kélseykekxexa chá'a aqsok kélnapma kélwet'a m'a egkexe netno nak tén han ma'a yámet ekxámokma nak áwa', kéllánegweykekxeyk axta nahan chá'a aqsok kélmésso naqsa kélagkok sektaqnagkamo ahagko' nak ko'o m'a; kélnegkenweykekxeyk axta chá'a m'a aqsok ekmátsa nak ekpaqneyam, kélyegkenweykekxeyk axta nahan chá'a m'a anmen yámet égmenek kélmésso naqsa kélagkok nak.

Ezequiel 20:42

“Élántaxnéssek sa' agkok ko'o kéxegke m'a Israel, cham'a apkelókxa séltennassamakxa axta ekmámnaqsoho agko' agkések ko'o m'a kélyapmeyk nanók axta kéxegke, keñe sa' kólya'ásegwók ko'o sektáha Wesse'.

Ezequiel 36:7

Ekeso éñamakxa sekteméssesa nak ko'o naqsók sektáha nak Wesse', peya elmegqáwhok apagko' ma'a énxet'ák apheykha nak kélnepyáwa'.

Ezequiel 47:14

Naqsók axta ko'o ekteméssessók sekmáheyo agkések kélyapmeyk nanók axta kéxegke s'e apchókxa nak. Kólhésho sa' mók kélyápetchesamaxche xapop kélagkok. Keso apchókxa nak, katnehek sa' kélxaweykekxa'.

Números 10:29

Xama ekhem axta aptáhak apcháneya apepye Moisés se'e, cham'a Hobab, Reuel apketche, apteme nak Madián énxet: —Peyk negko'o ólmahagkok ma'a apchókxa sẽltennassamakxa nak hegmések ma'a Wesse' egegkok, hẽlyetlow sa', antaqmelchesek sa', hakte apxeyenmeyk Wesse' egegkok eltaqmelchesek yetlo apkelásekhayo m'a énxet'ák Israel.

Números 11:12

¿Ko'oya apyáp essenhan egken xa énxet'ák nak, apkeltémo nak aleynagkok, ektémól'a sakcha'a étchetse megkayamasmal'a makham neme, ekweykmoho m'a apchókxa apkeltennassamakxa axta egkések xép ma'a apyapmeyk nano'?

Números 14:30

Megkólántexek sa' kélxama enxoho kéxegke m'a xapop séltennassamakxa axta ko'o alhéssók, wánxa sa' aqsa m'a Caleb tén han Josué.

Números 23:19

Maghawok negko'o m'a Dios nentáha nak énxet néletsapmo nak chá'a, metnehek apmopwána amya'a, meyaqmagkassemek nahan mók ma'a aqsok apxeyenma. Apxénchek agkok xama aqsok, elának nahan. Apxénchek agkok nahan élanak xama aqsok, elának nahan.

Deuteronomio 32:40

Ekya'ássek sa' agkok ko'o néten émek, ekxénchek sa' agkok ekmámnaqsoho agko' sektáha mamassegwayam,

Deuteronomio 4:31

mekxáyhek sa' chá'a kélxakcha'awo', memasséssemek sa' nahan, hakte cha'a apteme Dios apmopyósa henlanok ma'a, megkalwánaqmék sa' nahan ma'a ekhémo mók nélpaqhetchásamáxkoho apkelánésso axta m'a kélyapmeyk nanók axta kéxegke, tén han apxeyenma axta naqsók agko' elána'.

Josué 24:13

Ekméssegkek axta ko'o kéxegke xapop megkólyampe kéltamheykha, tén han tegma apkelyawe megkatnaha nak kélláneyak. Kélheykha kaxwo' kéxegke xa, kélteykegkek ma'a anmen yámet ekyexna tén han olivo ekyexna megkatnahakxoho kélcheneykekxa. Aptáhak axta makham Josué:

1 Samuel 15:29

Hakte metnehek apmopwána amya'a m'a Dios apcheymákpoho nak Israel, meyaqmagkassemek han appeywa, hakte háwe énxet eyaqmagkassók mók appeywa.