Éxodo 4:21 - Biblia Enxet

²¹ Tén axta Wesse' egegkok aptáha apcháneya Moisés se'e: —Apwákxeyk sa' agkok ma'a yókxexma Egipto, etaqmelchesho sa' elának nápaqto' faraón ma'a aqsok sempelakkasso nak agweta', cham'a sekmésso axta exchep apmopwána yaqwayam elána'. Ko'o sa' eyke eynaqtéssesek apwáxok ma'a, yaqwayam sa' megyohok elántépok ma'a israelitas.

Éxodo 4:21 Iomraidhean Croise

Génesis 6:3

Keñe axta Wesse' egegkok aptáha s'e: “Magwohok sa' kaxwók kawegqohok apha énxet, hakte megkatnehek chá'a megyetsapma m'a. Ciento veinte apyeyam sa' aqsa chá'a néxa apha.”

1 Reyes 22:22

Tén axta apchátegmowágko espíritu apxéna etnéssesek apkelmopwancha'a amya'a m'a apyókxoho apkellegasso nak amya'a apagkok ma'a wesse' apwányam. Keñe axta Wesse' egegkok aptáha apcháneya s'e: Exeg, elyexanchesha sa' ma'a, katnehek sa' xa apmakókxa nak etnehek.

Salmos 105:25

Apkeltémok axta elenmexek egipcios ma'a énxet'ák apagkok, tén han elyexanchesha m'a Dios apkeláneykha nak.

Salmos 78:43

apkelánéssama axta aqsok ekyawe agko' ma'a yókxexma Soan, ekyetnama nak Egipto, tén han ma'a aqsok segyegwakkassamo nak agweta';

Éxodo 10:1

Aptáhak axta Wesse' egegkok apcháneya Moisés se'e: —Emyekxa sa' aphakxa faraón, ko'o eyke sekteméssesso chá'a ekyennaqte apwáxok ma'a tén han ma'a apkeláneykha nak, yaqwayam enxoho axekmósek chá'a sekmowána alának ma'a ekyawe agko' nak aqsok ekpelakkasso agweta',

Éxodo 10:20

Wesse' egegkok axta eyke apyennaqtessásak makham apwáxok ma'a faraón tén han apkeltamho megyohok makham elxog ma'a israelitas.

Éxodo 10:27

Wesse' egegkok axta eyke apyennaqtessásak apwáxok ma'a faraón, maxta eltamhók nahan elxog.

Éxodo 11:10

Apkelánegkek axta Moisés tén han Aarón ekyókxoho xa aqsok ekpelakkasso nak agweta', nápaqtók ma'a faraón. Axta yahayók elántépok faraón israelitas ma'a Egipto, hakte axta ñémekxa apteméssessama ekyennaqte apwáxok ma'a Wesse' egegkok.

Éxodo 11:9

Aptáhak axta Wesse' egegkok apcháneya Moisés se'e: —Melyahakxeyk sa' kéxegke m'a faraón. Sa' kañék ko'o sekmowána makham alának mók aqsok ekmaso agko' ekpelakkasso nak agwetak ma'a kañe' Egipto.

Éxodo 14:17

Ko'o sa' eyke alyennaqtéssesek apkelwáxok ma'a egipcios, wának sa' nahan emenxenek; tén sa' axekmósek ekwánxa sekmowána m'a faraón tén han ma'a apyókxoho sẽlpextétamo apagkok, ekweykekxoho m'a yátnáxeg apkelyenyawasso apagkok, tén han ma'a apkelchánte nak yátnáxeg.

Éxodo 14:4

Eynaqtéssesek sa' eyke ko'o apwáxok ma'a faraón, wának sa' nahan emenxenek; tén sa' axekmósek ko'o ekwánxa sekmowána ekweykekxoho m'a apyókxoho sẽlpextétamo apagkok, tén sa' ma'a egipcios elya'ásegwók ko'o sektáha Wesse'.” Aptamhágkek axta nahan israelitas xa ektáha nak.

Éxodo 14:8

Wesse' egegkok axta eyke apyennaqtessásak apwáxok ma'a faraón, apkeltamhók axta emenxenek ma'a israelitas, apkelántekkek axta apkelásennagkama m'a ektémakxa axta chá'a apkelyennaqte.

Éxodo 3:19

Ekya'ásegkók eyke ko'o wesse' apwányam Egipto megyohók kólántépok aqsa m'a megkólyennaqtésa enxoho kélyempe'ék.

Éxodo 3:20

Axekmósek sa' eyke ko'o sekmowána m'a egipcios, alnápok sa' nahan. Atekkessesek sa' nahan ekyókxoho aqsok segyegwakkassamo nak agwetak ma'a kañe' apchókxa. Keñe sa' natámen xa, yohok kólántépok ma'a wesse' apwányam faraón.

Éxodo 7:13

Apwet'ak axta eykhe ektáhakxa m'a faraón, apyennaqtéssek axta aqsa apwáxok. Maxta elyahákxak aptáhakxa apcháneya, ekhawo m'a aptémakxa axta apkeltennasso Wesse' egegkok ekmaheyókxa katnehek.

Éxodo 7:3

Eynaqtéssesek sa' eyke ko'o apwáxok ma'a faraón, alának sa' nahan ekxámokma aqsok magkenatchesso nak agweta', tén han aqsok segyegwakkassamo nak agwetak ma'a Egipto.

Éxodo 8:11

Elántépok sa' paha' m'a tegma apyawe apagkok nak, exnagwakxak sa' aqsa wánxa m'a wátsam awáxok nak. Kamaskok sa' elya'aksek exma exchep tén han ma'a apkeláneykha tén han ma'a énxet'ák apagkok.

Éxodo 8:15

Xama axta apwet'a makham faraón ekmassa m'a ektáhakxa apwete ekmaso aphakxa, apyennaqtéssek axta aqsa makham apwáxok. Maxta elyahákxak makham ma'a Moisés tén han ma'a Aarón, ekhawo m'a aptémakxa axta apkeltennasso Wesse' egegkok ekmaheyókxa katnehek.

Éxodo 8:32

Apyennaqteyásekxeyk axta eyke aqsa makham apwáxok ma'a faraón, maxta ya'awok nahan elxog ma'a israelitas.

Éxodo 9:12

Wesse' egegkok axta eyke nahan apyennaqtéssesso apwáxok ma'a faraón, tén han meltémo elyahakxohok ma'a Moisés tén han Aarón, ekhawo m'a aptémakxa axta chá'a apkeltennasso Wesse' egegkok Moisés yaqweykenxa chá'a katnehek.

Éxodo 9:35

Apyennaqtéssek axta apwáxok ma'a faraón, maxta ya'awok elxog ma'a israelitas, ekhawo m'a aptémakxa axta apkeltennasso Wesse' egegkok sekxók axta yaqweykenxa chá'a katnehek, apchásenneykekxo axta m'a Moisés.

Isaías 6:10

Elyennaqtésses sa' apkelwáxok xa énxet'ák nak; eláhakkásekxa sa' apeyk'ák, yaqwayam sa' mellegye', eláhakkásekxa sa' apaqta'ák, yaqwayam sa' melwetyehe' tén han melyekpelchágwome', yaqwayam sa' metnekxék ko'o mehey'ásseyam, keñe sa' mamasséssesek ma'a ektamheykegkaxa nak.”

Isaías 63:17

Wesse', ¿yaqsa ektéma apkeltémo nak ólyetnakhágwók nélyetlo m'a ámay apagkok? ¿Yaqsa ektéma sẽlyennaqtéssessama nak egwáxok yaqwayam enxoho magakyehek xép? Hẽgyo'óta makham, eñama apkelásekhayo m'a apkeláneykha nak tén han ma'a pók aptémakxa nak chá'a énxet'ák ektáha nak xép apagkok.

Deuteronomio 2:36

Méko axta xama enxoho tegma apwányam magmomakxa negko'o, axta eyeynamókxa m'a tegma apwányam Aroer, apyetnama nak ma'a nekha wátsam Arnón, tén han ma'a tegma apwányam apyetnama nak ma'a ekyapwátegweykenxa xapop, ekweykekxoho m'a Galaad; hakte Dios Wesse' egegkok axta apkeltémo ólmok negko'o m'a apyókxoho nak.

Josué 11:20

hakte Wesse' egegkok axta apteméssesso élyennaqte apkelwáxok ma'a katnaha nak apnámakkok, tén axta apkelenmexákxo m'a énxet'ák Israel, yaqwayam ma'a énxet'ák nak Israel esawhohok emasséssók apyókxoho, meyke apmopyósa elano', apkeltémókxa axta etnehek Wesse' egegkok ma'a Moisés.