Éxodo 34:10 - Biblia Enxet

¹⁰ Aptáhak axta Wesse' egegkok se'e: “Kóltaqmelchesho sa' kélháxenmo s'e: élanak ko'o kaxwók xama ekhémo mók nélpaqhetchásamáxkoho nápaqta'awók ma'a apyókxoho énxet'ák apagkok. Alának sa' ko'o aqsok ekyawe agko' sempelakkasso nak agweta', megkalánamáxko nak makham xama enxoho m'a mók apheykegkaxa nak chá'a énxet keso náxop, elwetak sa' apyókxoho énxet apheykha nak kélnepyeseksa kéxegke sekmowána alának aqsok, ko'o sektáha nak Wesse', hakte katnehek sa' ekwányam agko' sempelakkasso nak agwetak ma'a aqsok sekmako nak ko'o alanaksek kéxegke.

Éxodo 34:10 Iomraidhean Croise

2 Samuel 7:23

Keñe m'a Israel, énxet'ák apagkok nak xép, ¡méko pók énxet'ák aphawo keso náxop! Apkelwagkassegkek axta exchep teyp Dios, yaqwayam etnehek énxet'ák apagkok, payheykekxeyk axta exchep apwesey apkeláneya m'a aqsok magésso nak agè', tén han ma'a aqsok éltaqmalma nak. Apkelántekkessegkek axta chá'a exchep apmonye'e énxet'ák apagkok ma'a pók énxet'ák nak, tén han ma'a aqsok apkeláyókxa nak, cham'a apkelántekkesseykekxa axta m'a Egipto,

Salmos 106:22

apkeláneya axta chá'a aqsok sempelakkasso agwetak ma'a apchókxa Cam, tén han ma'a aqsok segyegwakkassamo nak agwetak ma'a Wátsam Ekwányam Ekyexwase.

Salmos 136:4

Apteme nak chá'a wánxa apkelane élyawe aqsok sempelakkasso nak agweta', hakte megkamassegwomek chá'a segásekhayo.

Salmos 145:6

Kaxénaxchek sa' chá'a m'a aqsok élyawe nak apkelane, negaye nak agweta', keñe sa' ko'o axének apteme apwányam.

Salmos 147:20

Metnéssessók han pók énxet'ák xa ektáha nak, melya'ásegko apagko' nak ma'a apchánamakxa antéhek. ¡Aleluya!

Salmos 65:5

Dios, Sẽlwagkasso nak teyp negko'o, egátegmowágkek negko'o exchep, yetlo ekyawe apkelane aqsok sentaqmelchessáseykekxo nak negheykha; megkólya'ásseykmok xép ekyókxoho keso náxop, ekweykmoho m'a énxet'ák apheykha nak makhawók agko', teyp wátsam ekwányam;

Salmos 66:3

Kólteme kólának Dios se'e: “Keltásók agko' xép aqsok apkelane. Apmopwána ekyawe keñamak xép apkelpexyennama apmonye' m'a apkelenmexma nak;

Salmos 66:5

Kólchexyem, kólteyánegwatámho Dios apkelane aqsok, aqsok sempelakkasso apkelánesso axta m'a énxet'ák:

Salmos 68:35

Yeykpok chá'a Dios, aphama nak ma'a tegma appagkanamap apagkok; Elmések chá'a apkelmopwancha'a, tén han apkelyennaqte énxet'ák apagkok ma'a Dios apagkok nak Israel. ¡Tásek sa' chá'a katnehek apxénamap ma'a Dios!

Salmos 72:18

Apcheymákpoho sa' chá'a kólteméssesek Dios, apteme nak Dios Wesse' apagkok ma'a Israel, apteme nak wánxa apkelane aqsok élyawe;

Salmos 76:12

Hakte emasséssamhok chá'a kelwesse'e apkeláneykha nak chá'a apkelókxa', elyegwakkashok han ma'a kelwesse'e apkelwányam nak keso náxop.

Salmos 77:14

¡Xép apteme Dios apkelane nak chá'a aqsok sempelakkasso agweta'! ¡Apxekmóssegkek apmopwána m'a pók aptémakxa énxet'ák!

Salmos 78:12

Apkeláneyak axta chá'a aqsok sempelakkasso agwetak Dios nápaqta'awók apyapmeyk nano' ma'a yókxexma Soan, ekpayho nak Egipto:

Éxodo 34:27

Aptáhak axta Wesse' egegkok apcháneya Moisés se'e: “Etaxés sa' se'e amya'a nak, hakte cháxa sekmeykencha'a nak chá'a ko'o ekhémo mók nélpaqhetchásamáxkoho sélánésso axta ko'o exchep xa amya'a nak tén han ma'a israelitas.”

Éxodo 34:28

Aphákxeyk axta nahan xamók Moisés Wesse' egegkok ekweykmoho cuarenta ekhem tén han cuarenta axta'a m'a, meyke apto m'a apto tén han meyke apyá yegmen. Apnaqtáxéságkek axta nahan meteymog ma'a, cham'a amya'a ekhémo nak mók nélpaqhetchásamáxkoho Dios, diez apkeltémókxa nak antéhek.

Isaías 64:3

Kelpexyennegkek axta exchep nápaqtók meteymog élekhahéyak, apweywento axta apkelana m'a aqsok segyegwakkassamo nak agweta' mólhaxanma axta katnehek.

Jeremías 32:21

Yetlo ekyawe apmopwána axta exchep apkelántekkessók énxet'ák apagkok Israel ma'a Egipto, apkelánéssama chá'a m'a aqsok sempelakkasso nak agweta', tén han ma'a magkenatchesso nak agweta', apkelyegwakkassegkek axta apyókxoho énxet'ák.

Miqueas 7:15

Exekmós ma'a aqsok sempelakkasso nak agweta', ektéma axta m'a apkelántekkessama axta Egipto.

Deuteronomio 10:21

Hakte cham'a yaqwayam kólteméssesek chá'a kéxegke apcheymákpoho m'a; cham'a Dios kélagkok ma'a, apkelánéssama axta chá'a kéxegke m'a aqsok ekyawe nak tén han ma'a sempelakkasso nak agweta' kélweteya axta kéxegke.

Deuteronomio 32:30

¿Háxko katnehek emenxenek énxet apxakko enxoho m'a mil énxet'ák nak? ¿Háxko katnehek exhok emenxenek diez mil énxet'ák ma'a apqánet enxoho? ¡Wánxa m'a apmésa enxoho yaqwayam emenxenek ma'a Wesse' egegkok, aptáha nak apkeltaqmelchesso!

Deuteronomio 4:13

Apkelya'ássásegweykmek axta kéxegke Wesse' egegkok ma'a ekhémo mók nélpaqhetchásamáxkoho apagkok, cham'a diez apkeltémókxa nak antéhek, apnaqtáxésso axta ánet meteymog élpayhe, apkeltémók axta nahan kóllanagkok.

Deuteronomio 9:19

Égwakkassegkek axta ko'o sekweteya Wesse' egegkok aplo apkeltaqnaweykegko axta kéxegke, xegkessamók agko' axta elnápekxa'; eháxenmók axta eyke sekxók ko'o makham ma'a Wesse' egegkok.

Josué 6:20

Apkelwehéseyha axta énxet'ák tén han apkelpáwasa apkelmaxnéssesso Dios énxet'ák apagkok ma'a apkelaqkahasso. Xama axta apkelleg'a énxet'ák Israel élpáwa m'a apkelaqkahasso nak, keñe apkeleynawo apkelyennaqtéssawo apkelwehéseykha, yetlókok axta élyaqnenéyak ma'a kélhaxtegkesso nak nápakhaw'ék tegma apwányam. Apketámegkek axta ekpayhókxa nak apkelenmexma m'a tegma apwányam, tén axta apma.