Éxodo 33:7 - Biblia Enxet

⁷ Apmeyk axta Moisés ma'a kélpakxanma, appekkenwokmek axta makhawo', teyp axta m'a apkelpakxeneykegkaxa énxet, apteméssessek axta nahan apwesey kélpakxanma apchaqneykekxexa énxet'ák. Apmakók axta agkok chá'a elpaqhetchesakpohok Wesse' egegkok xama énxet, emyekxak axta chá'a m'a kélpakxanma nak, apyetnama nak ma'a teyp apkelpakxeneykegkaxa nak énxet.

Éxodo 33:7 Iomraidhean Croise

2 Samuel 21:1

Teyepmeyk axta meyk segaqhe neyseksa apteme wesse' apwányam David ekweykmoho apqántánxo apyeyam. Tén axta David appaqhetchessama Wesse' egegkok, axta aptemék apchátegmoweykegko Wesse' egegkok: “Saúl aptémakxa ekmaso keñamak ektepa meyk segaqhe, tén han apkeltémakxa m'a apnámakkok, hakte apkelnapmeyk ma'a gabaonitas.”

Salmos 10:1

Wesse', ¿yaqsa ektéma mexma nak ketók negheykegkaxa? ¿Yaqsa ektéma segyexánegkessama nak ekwa'a enxoho ekyentaxno negheykha?

Salmos 27:8

Entáhak ko'o ekpaqméteykha ewáxok se'e: “Ektam aphakxa Wesse' egegkok.” Yetlókok han sétamso ko'o exchep aphakxa Wesse'.

Salmos 35:22

¡Apweteyak xeyep xa, Wesse'! ¡Ná ewanma aqsa elanha! ¡Ná heyenyow ko'o!

Éxodo 18:12

Tén axta Jetró apyentamánto xama aqsok kéltósso yaqwayam ewatnések ma'a Dios, tén han ma'a mók aqsok apkelmésso naqsa nak chá'a Dios. Keñe axta m'a Aarón tén han ma'a apyókxoho apkelámha apmonye'e axta m'a Israel apkelmahágko apmako etawagkohok xamo' aptéyak Moisés apepyáta' m'a nápaqtók Dios.

Éxodo 18:7

Aptekkek axta Moisés apma takha' m'a apepyáta'. Apháxahánteyk axta nahan apmonye' tén axta appeykesa; keñe axta natámen apkelpeykesamap, apkelántaxna m'a kañe' kélpakxanma nak.

Éxodo 33:6

Axta nahan apkelwátesagkohok apkelmeykha apkelnatanma élmomnáwa israelitas ma'a egkexe Horeb nak.

Éxodo 33:8

Apmeyákxeyk axta agkok chá'a Moisés ma'a kélpakxanma nak, apyókxoho énxet axta chá'a elchempekxak néten, yaqnaha axta chá'a m'a átog nentaxnamakxa nak apxanák apkelpakxenéyak, elanagkokxohok axta chá'a Moisés ekwokmoho aptaxnegwákxo m'a kañe' kélpakxanma.

Proverbios 15:29

Melanók Wesse' egegkok ma'a énxet'ák élmasagcha'a nak apkeltémakxa', emok eyke chá'a takha' nempeywa nélmaxnagko apagkok ma'a énxet'ák élpéwomo nak apkeltémakxa.

Isaías 59:2

Aqsok ekmaso kélláneyák akke keñamak kéxegke ekhaxtegkessama kélmonye'e m'a Dios; megkólya'assáxma keñamak melányo chá'a kéxegke m'a tén han megyaháxenmo chá'a kélpeywa.

Oseas 9:12

Kélwánegkessek sa' agkok kélketchek, ko'o sa' alyementemekxak meyke seyégkesso xama. ¡Asagkek sa' katnehek ektáhakxa xa énxet'ák nak, séxaya sa' ko'o!

Deuteronomio 4:29

Kélchetamchek sa' agkok Dios Wesse' kélagkok ekweykmoho kañók agko' kélwáxok tén han ekweykmoho kélyennaqte neyseksa kélheykha m'a, kólwetekxak sa'.