Éxodo 3:6 - Biblia Enxet

⁶ Tén axta aptáha nahan apcháneya s'e: —Ko'o sekteme Dios apagkok ma'a apyapmeyk nano' nak xeyep. Ko'o sekteme Abraham, Isaac, tén han Jacob Dios apagkok. Appóssek axta nápat ma'a Moisés, hakte apchekak axta elanok ma'a Dios.

Éxodo 3:6 Iomraidhean Croise

Génesis 12:1

Aptáhak axta Wesse' egegkok apcháneya Abram se'e: “Etyep sa' apchókxa', ekxa sa' apnámakkok, etyep sa' han apyáp apxagkok, emhók sa' ma'a xapop yaqwánxa nak ko'o axekmósek.

Génesis 12:7

Axta apxekmósakpohok han Wesse' egegkok ma'a. Aptáhak axta apcháneya s'e: “Keso xapop peya nak ko'o agkések aptawán'ák neptámen se'e.” Apkelánessek axta han Abram ekwatnamáxchexa aqsok ma'a Wesse' egegkok, hakte axta apxekmósakpohok ma'a.

Génesis 17:3

Keñe axta Abram apháxahánto ekwokmoho aptekxeya ekpayhakxa nápat xapop, axta aptáhak Dios appaqhetchesa s'e:

Génesis 24:12

yetlókok axta apteme apkelmaxnagko s'e: “Wesse', Dios apagkok nak ma'a wesse' ahagkok Abraham, yána ko'o kataqmelek ekteyapma aqsok sektegyeykha sakhem, exekmós ektaqmeleykha apwáxok elanok ma'a wesse' ahagkok.

Génesis 26:24

Apxekmowáseykpek axta han Wesse' egegkok xa axta'a nak. Aptáhak axta apcháneya s'e: “Ko'o sekteme Dios apagkok ma'a apyáp axta Abraham. Nágye aqsa, ekheyk ko'o xamo' xép. Apasmok sa', axámássesagkok sa' han aptawán'ák neptámen, eñama m'a séláneykha Abraham.”

Génesis 28:13

Apwet'ak axta han apkenmáncha'a xamo' Wesse' egegkok ma'a apkenmágkaxa axta apwanmagko, keñe han aptáha apcháneya s'e: “Ko'o sekteme Wesse', Dios apagkok nak ma'a apyáta' Abraham, tén han ma'a apyáp Isaac, agkések sa' ko'o exchep se'e xapop apyetnakxa nak, ekweykekxoho m'a aptawán'ák neptámen.

Génesis 28:17

Apkekawók apagko' axta, keñe axta ektáha apwáxok se'e: “Eyeymáxchexa neyke agkok se'e yókxexma nak. Neyke agkok Dios apxagkok se'e, átog ekmahéyak nak néten.”

Génesis 31:42

Kaxtemék axta metne sekxegexma ko'o m'a Dios apagkok nak Abraham, cham'a Dios apkelpeykessamo nak chá'a táta Isaac, naqsók axta heyáphaksek meyke segkésso xama aqsok. Apweteyak eyke Dios ma'a seklegeykegkoho, tén han ektémakxa ekteyapma sektamheykha, nénxa eltennásak xeyk agkok xép eyesagko aptémakxa m'a axta'a exchek.

Génesis 32:9

Keñe axta aptáha apkelmaxneya s'e: “Wesse' ahagkok, Dios apagkok nak ma'a áta' Abraham tén han ma'a táta Isaac, apkeltémo axta amyekxak makham ma'a seyókxa, apheykegkaxa nak énámakkok, apkeltémo axta kataqmelek sekweynchámeykha.

1 Reyes 18:36

Wokmek axta yaqwánxa ewatnek, apyepetchegwákxók axta Dios appeywa aplegasso Elías ma'a, axta aptáhak apkelmaxneya s'e: “¡Wesse', Dios apagkok nak Abraham, Isaac tén han Israel: yána kólya'ásegwók sakhem apteme exchep Dios apagkok ma'a Israel, keñe han sektáha ko'o exchep apkeláneykha, keñe han sélana ekyókxoho s'e, hakte xép apkeltémo!

1 Reyes 19:13

Xama axta apleg'a, yetlókok axta apchaqlasso nápat apchaqlamap ma'a Elías, aptekkek axta keñe apkenegwákxo m'a átog nak meteymog áxwa. Cháxa apleg'akxa axta han kélpeywa ektáha eyáneya s'e: “Elías, ¿yaqsa apkelana xa?”

Nehemías 9:9

Apweteyak axta exchep ektémakxa apkellegeykegkoho ẽlyapmeyk nano' ma'a Egipto, apháxenmók axta han exchep apkellekxagweykha m'a neyáwa nak wátsam Ekwányam Ekyexwase.

Ester 3:4

Yókxoho ekhem axta eykhe chá'a apteme apkelmaxneyeykha xa ektáha nak, axta eyke yaháxenmók chá'a m'a Mardoqueo. Tén axta apkeltennássekxo m'a Amán, apkeltamho elya'asagkohok naqsók kexa meyaqmagkassemek mók aptémakxa chá'a appeywa m'a Mardoqueo, hakte apkeltennassegkek axta chá'a apteme judío m'a.

Salmos 132:2

kaxénwakxoho apwáxok apkeltennassama axta elanaksek ma'a David, xép apteme nak Jacob Dios apagkok ekha Apyennaqte, aptéma axta apkenagkama s'e:

Éxodo 15:2

Wesse' egegkok keñamak sekmeneykmasso, hakte cham'a sénnaqtésso m'a, tén han sewagkasso teyp. Cham'a apteme Dios ahagkok ma'a, alpeykeshok sa'; táta Dios apagkok ma'a, atnéssesek sa' apcheymákpoho.

Éxodo 29:45

Axek sa' chá'a ko'o nepyeseksa m'a israelitas, Dios apagkok sa' ko'o hetnehek.

Éxodo 3:16

Exeg, yánchásekxa sa' ma'a apkelámha apmonye'e nak Israel. Sa' etnehek elának se'e: ‘Exekmowásekpok axta ko'o m'a Wesse' egegkok, cham'a Dios apagkok axta m'a kélyapmeyk nano' axta kéxegke, cham'a Abraham, Isaac, tén han ma'a Jacob axta Dios apagkok, tén han séltennasa ko'o apkeláneykencha'a kéxegke, apxéna nahan apwetaya kélteméssessamakxa m'a Egipto.

Éxodo 33:20

Mopwanchek sa' eyke étak ma'a nahát, hakte méko xama énxet apwanchek hétak ko'o, yetsapok ma'a sét'a enxoho.

Éxodo 4:5

—Cháxa yaqwayam sa' melya'ássók apxekmowásamákpoho exchep ma'a Wesse' egegkok, cham'a Dios apagkok axta m'a kélyapmeyk nano', cham'a Abraham, Isaac, tén han ma'a Jacob axta Dios apagkok,

Jeremías 24:7

Agkések sa' apkelya'áseyak yaqwayam sa' elya'ásegwók sektáha ko'o Wesse', énxet'ák ahagkok sa' ko'o atnehek ma'a, keñe sa' ko'o etnehek Dios apagkok, hakte hey'ótak sa' ko'o yetlo ekmáyheykegkoho agko' apkelwáxok.

Jeremías 31:33

Keso yaqwánxa sa' katnehek ekhémo mók nélpaqhetchásamáxkoho peya nak ko'o alanaksek énxet'ák Israel ma'a ekhem sa': Apekkenchesek sa' segánamakxa ahagkok apkelwáxok, anaqtáxéssesagkok sa' nahan ma'a élchetámeykegkaxa nak apkelwáxok. Ko'o sa' hetnehek Dios apagkok, keñe sa' ko'o atnehek énxet'ák ahagkok ma'a. Ko'o sekxeyenma xa, sektáha nak Wesse'.

Jeremías 32:38

Énxet'ák ahagkok sa' ko'o atnehek ma'a, keñe sa' ko'o hetnehek Dios apagkok.

Ezequiel 11:20

Tén sa' etnahagkok ma'a ekhawo nak ektémakxa m'a segánamakxa ahagkok tén han ma'a séltémókxa nak chá'a etnahagkok, elanagkok sa' nahan. Énxet'ák ahagkok sa' ko'o atnehek ma'a, keñe sa' etnahagkok ko'o Dios apagkok ma'a.

Zacarías 8:8

anaqlanták sa' ma'a Jerusalén, yaqwayam sa' exmakha m'a. Énxet'ák ahagkok sa' ko'o etnahagkok ma'a, keñe sa' ko'o etnehek Dios apagkok, yetlo ekmámnaqsoho tén han ekpéwomo sektémakxa.”

Deuteronomio 6:3

Israelitas, kóllána sa'. Keñe sa' tásek chá'a katnehek ekteyapma aqsok kéllanakxa enxoho chá'a, kólxámagwomhok kélagko' sa' nahan ma'a xapop, ényahamakxa nak weyke nagkeygmenek tén han ma'a yányawhéna' apyegmenek ektémól'a kanyehek ma'a yegmen, ekhawo m'a apkeltennassama axta kéxegke egkések ma'a kélyapmeyk nano' nak Dios Wesse' apagkok.

Jueces 13:22

tén axta aptáha apcháneya aptáwa' s'e: —Agmaskok sa', hakte negwet'ak ma'a Dios.