Éxodo 3:5 - Biblia Enxet

⁵ Tén axta aptáha apcháneya Dios se'e: —Ná épetchegwoho aqsa. Elhaxyawes sekxók apkeltéto apmagkok, hakte keso yókxexma apwa'akxa nak xép ekteme ekpagkanamaxche'.

Éxodo 3:5 Iomraidhean Croise

Éxodo 19:12

Elqahasák sa' néxa nekhaw'ék ma'a egkexe nak yaqwayam enxoho melmallánek ma'a énxet'ák, yána sa' nahan yáwhok ma'a egkexe nak, nágyána elchántek tén han elyepetchegwomhok ma'a neyáwa nak, hakte apyókxoho énxet ektáha enxoho apyepetchegweykmoho xa, yetsapok sa'.

Éxodo 19:21

tén axta aptáha apcháneya Wesse' egegkok se'e: —Etyep, eltennasagkok sa' énxet'ák yaqwayam melmallánhek ma'a néxa nak kélqaháseyak, nágyána nahan eltamhok hétak ko'o, yaqwayam enxoho mexámhek apkeletsapma.

Éxodo 4:28

Tén axta Moisés apkeltennáseyncha'a Aarón ma'a ekyókxoho aqsok apkeltémo axta eltennasha m'a Wesse' egegkok, tén han ma'a apkeltamho axta elának ekwányam agko' ma'a aqsok ekpelakkasso nak agweta'.

Eclesiastés 5:1

Apmeyákxeyk agkok Dios tegma appagkanamap apagkok, elanagkoho yaqwánxa etnehek: ná egkés aqsa aqsok aptósso apchaqhe aptémól'a m'a énxet ekyeyháxma mey'áseyak la'a aqsok ekmaso apkelane, epenchesho sekxók apkeláneykekxa aptáhakxa yaqwayam elyahakxohok Dios.

Jeremías 30:21

Nepyeseksa sa' nahan yeñék etyapok apkemha apmonye' apagkok: etyapok sa' xama nepyeseksa yaqwayam etnehek apkeltaqmelchesso. Wának sa' ko'o hépetchegwoho', hakte, ¿yaqsa megkeygwakxeyk hépetchegwohok ko'o? Énxet'ák ahagkok sa' ko'o atnehek ma'a, keñe sa' ko'o etnehek Dios apagkok. Ko'o sekxeyenma xa, sektáha nak Wesse'.”

Levítico 10:3

Keñe axta Moisés aptáha apcháneya Aarón se'e: —Cháxa apmáheyo axta exének Wesse' egegkok aptéma axta appeywa s'e: ‘Énxet sépetchegwayo enxoho ko'o, axekmósek sa' sekteme sekpagkanamaxche ahagko', hélteméssesek sa' ko'o seyeymáxkoho nápaqta'awók apyókxoho israelitas.’ Apwanmakkek axta eyke aqsa Aarón.

Deuteronomio 23:14

Hakte apweynchámeykha kélnepyeseksa kéxegke Dios Wesse' kélagkok ma'a kélpakxeneykegkaxa nak, yaqwayam elmeyók tén han egkések yaqwayam kólmenxenek ma'a kélenmexma nak; cháxa keñamak eyeyméxko nak katnehek ekpagkanamaxche m'a kélpakxeneykegkaxa nak kéxegke, yaqwayam enxoho métyehek xama aqsok ekmanyása agko' Dios ma'a kañe' nak, hakte apwet'ak sa' agkok aqsok ekmanyása m'a kañe nak, kamaskok sa' apha kélnepyeseksa kéxegke.

Josué 5:15

Apchátegmowágkek axta m'a apkemha apmonye' sẽlpextétamo apkeñama nak Wesse' egegkok: —Elhexyawés apkelatchesso apmagkok, ekpagkanamaxche s'e yókxexma apwa'akxa nak. Apkelyahákxók axta m'a Josué.