Éxodo 3:22 - Biblia Enxet

²² Xama kelán'a sa' nahan chá'a kalmaxnegwók mók aqsok ma'a ektáhakxa nak chá'a ketók axagkok, essenhan ma'a mók kelán'a ekha nak chá'a xamo', kagkések ma'a aqsok élmomnáwa, cham'a sawo ekmope élmomnáwa nak, tén han ma'a sawo ekyátekto élmomnáwa nak, tén han ma'a apáwa, yaqwayam sa' kólántaxneyásekxak kéxegke m'a kélketchek, kólsawhaksohok sa' aqsok apagkok ekyetnakxa enxoho kéxegke m'a egipcios.

Éxodo 3:22 Iomraidhean Croise

Génesis 15:14

Allegássesagkohok sa' eyke ko'óxa m'a énxet'ák peya nak etnehek apkelásenneykha naqsa, keñe sa' kólchexeykxak ma'a aptawán'ák neptámen nak, elántépok sa' yetlo ekxámokma aqsok apagkok.

Génesis 24:53

Tén axta apkelhaxyawasa m'a aqsok étkók sawo ekyátekto élmomnáwa, tén han sawo élmope élmomnáwa nak, tén han apáwa, apkelmésa m'a Rebeca. Apkelméssek axta han apkelmésso naqsa aqsok ma'a yáxeg, tén han egken.

Salmos 105:37

Keñe axta natámen Dios apkelántekkessama énxet'ák apagkok, yetlo apkelso sawo ekyátekto élmomnáwa, tén han sawo élmope élmomnáwa, méko axta han xama enxoho énxet appelápeyam.

Éxodo 11:2

Eltennasák sa' kaxwók israelitas, apkelennay'a tén han kelwán'ák, kalmaxneyagkok sa' chá'a aqsok ma'a ektáhakxa nak chá'a ketók axagkok mók, cham'a aqsok éltaqmalma sawo' ekyátekto élmomnáwa nak, tén han ma'a sawo ekmope élmomnáwa nak.

Proverbios 13:22

Xámok chá'a katnehek aqsok apnegkencháseykekxa aptawán'ák neptámen ma'a énxet ektaqmalma nak aptémakxa'; keñe m'a aqsok apagkok nak ma'a énxet'ák melya'assáxma, sa' etnekxak apagkok ma'a énxet'ák élpéwomo nak apkeltémakxa.

Isaías 33:1

¡Xép laye, apmassésseyam nak chá'a aqsok memassegwayam nak makham! ¡Xép laye, appelakkassesso nak chá'a esexnenak pók, megkólpelakkassesso nak makham kólsexnena'! Appenchessek sa' agkok apmassésseyam aqsok, kólmasséssók sa' xép, appenchessek sa' agkok appelakkassesso chá'a apsexnenagko pók kólpelakkassesek sa' xépxa kólsexnena'.

Ezequiel 39:10

Melántépek sa' yókxexma etegyagkok yántapák, melmahagkek sa' nahan naxma elyaqtennagkok, hakte sa' katnehek yántapák apagkok xa ekyókxoho nak aqsok apkelmeykha. Keñe sa' elmenyexchásekxak kaxwók aqsok apagkok ma'a ektáha axta apkelmenyexchesso aqsok apagkok, esawhaksohok sa' nahan aqsok apagkok ma'a apsawhéssamo axta aqsok apagkok. Ko'o sekxeyenma sektáha nak Wesse'.