Éxodo 3:2 - Biblia Enxet

² cham'a apxekmowásekpexa axta anhan xama Wesse' egegkok apchásenneykha xama táxa eyáléwe neyseksa maktek. Aptaqmelchásekxók axta nahan apkelányo Moisés ma'a, apwet'ak axta eyáléweyncha'a táxa m'a neyseksa maktek, maxta eyke kamyetak.

Éxodo 3:2 Iomraidhean Croise

Génesis 21:17

Apleg'ak axta eyke Dios apwóno m'a sakcha'a, apwóneyha axta han Dios apchásenneykha Agar ma'a néten. Aptáhak axta apcháneya s'e: “¿Yaqsa ektáha Agar? Nágkatneykha awáxok, apleg'ak Dios apwóno sakcha'a m'a apyetnakxa nak.

Génesis 22:11

keñe axta Wesse' egegkok apchásenneykha apwónéncha'a m'a ekpayho nak néten. Aptáhak axta s'e: —¡Abraham! ¡Abraham! —Keso ko'o s'e —axta aptáhak apchátegmowágko m'a.

Génesis 48:16

tén han ma'a Dios apchásenneykha semallahanchessama axta ekyókxoho aqsok ekmaso, sa' elmésagkok aqsok éltaqmela s'e wokma'ák nak. Sa' kañék ekxénweykekxoho chá'a kélwáxok sekwesey, tén han apkelwesey m'a élyapmeyk Abraham tén han Isaac. Exámak sa' apketchek, exámekxohok apagko' sa' ekyókxoho keso nélwanmeygkaxa.”

Salmos 66:12

Apchahayók han sẽlteyammeykencha'a m'a sẽlenmexma nak; nélmalláneykekxeyk chá'a negko'o m'a yegmen, tén han táxa, ẽlwagkassa'ak eyke yaqwánxa óllókasek nélyampe.

Éxodo 19:18

Paqneyk axta nahan ekyókxoho m'a egkexe Sinaí, hakte apweywenteyk axta Wesse' egegkok apkenegwa'akto m'a neyseksa táxa eyáléwe. Meyákxeyk axta néten ma'a éten ektémól'a m'a táxa axagkok, kelpexyennegkek axta nahan ekyennaqte agko' ma'a egkexe nak.

Éxodo 23:20

“Elano, wáphaksek sa' ko'o seyásenneykha apmonye' exchep, yaqwayam sa' etaqmelchesek neyseksók apxega ámay tén han eyentamok ma'a yókxexma sektaqmelchessessamakxa nak.

Éxodo 24:17

Apkelwet'ak axta nahan Wesse' egegkok élseyéxma apagkok ma'a israelitas, máxa axta entáhak ma'a ektémól'a táxa eksawhomol'a kalwatnek aqsok, ekpayho nak ma'a netnók nak egkexe.

Éxodo 3:16

Exeg, yánchásekxa sa' ma'a apkelámha apmonye'e nak Israel. Sa' etnehek elának se'e: ‘Exekmowásekpok axta ko'o m'a Wesse' egegkok, cham'a Dios apagkok axta m'a kélyapmeyk nano' axta kéxegke, cham'a Abraham, Isaac, tén han ma'a Jacob axta Dios apagkok, tén han séltennasa ko'o apkeláneykencha'a kéxegke, apxéna nahan apwetaya kélteméssessamakxa m'a Egipto.

Isaías 43:2

Peyk sa' agkok eyeykhekxak neyseksa yegmen, ko'o sa' atnehek sekxegexma, peyk sa' agkok eyeykhekxak neyseksa wátsam, meweywagkek sa'; peyk sa' agkok exog neyseksa táxa, memyetek sa', megkawatnek sa' xép ma'a táxa eyáléwe nak.

Isaías 63:9

ekyókxoho apkellegeykegkoho ekyentaxnamo apkelwáxok ma'a. Háwe apkelwagkasso teyp xama m'a apkelápháseykha nak xép; Wesse' egegkok apagko' axta. Axta apkelwagkasso teyp ma'a eñama apkelásekhayo tén han apkelmopyóseka apkelányo, apkelchampásekxeyk axta néten keñe apkelqeynákxo. Cháxa apteméssessamakxa chá'a yókxoho ekhem xa ektáha nak.

Daniel 3:27

keñe axta apkelyepetchegwokmoho apyókxoho apkelámha apmonye'e apkelwayam axta m'a, cham'a énxet'ák megkalwatna axta m'a táxa, apkelwet'ak axta megkalmeta ketsék enxoho m'a apwa'ák, apkeltásek axta aqsa han ma'a apkelnaqta, axta han elpaqnakmohok ma'a éten.

Zacarías 13:7

Aptáhak Wesse' ekha nak apyennaqte s'e: “¡Sókwenaqte, katnemekxa néten, kay'ám ma'a keláneykha nepkések ahagkok tén han ma'a sepasmeykha nak chá'a sektamheykha! ¡Kaqha m'a keláneykha nepkések, keñe sa' yexpaqnek ma'a nepkések, keñe sa' ko'o aktamagkok ma'a nepkések apketkók nak!

Malaquías 3:1

Aptáhak Wesse' egegkok ekha apyennaqte s'e: “Wáphaksek sa' ko'o apseykha amya'a ahagkok, yaqwayam enxoho ko'o hélanaksek ámay. Kaxwók sa' etaxnegwaták tegma appagkanamap apagkok ma'a Wesse' egegkok, kélchetamsama nak chá'a kéxegke. ¡Apxegakmek ma'a apseykha amya'a apxeyenmo nak chá'a m'a ekhémo mók nélpaqhetchásamáxkoho kélmámenyého nak chá'a kéxegke!”

Deuteronomio 33:16

tén han ekyexna éltaqmalma agko' eksawheykekxoho nak ma'a xapop, yetlo appasmo m'a apwetamakpo axta neyseksa maktek. Kaweywenta takhapxet José s'e ekyókxoho nak, ektáha axta apkelyésamap nepyeseksa m'a apkelpepma.

Deuteronomio 4:20

Keñe kéxegke apkelmoma m'a Wesse' egegkok, apkelhaxyawásseykekxeyk axta m'a kañe' táxa axagkok kélpeykáseykekxa axta chá'a m'a sawo, Egipto xa, keñe apteméssessama ekhawo nak kéltémakxa s'e kaxwo' nak: énxet'ák apagkok apagko'.

Jueces 13:13

Apchátegmowágkek axta Wesse' egegkok apchásenneykha: —Kalának sa' aptáwa' ekyókxoho m'a sektáhakxa exchek seyáneya: