Éxodo 3:15 - Biblia Enxet

¹⁵ Aptáhak axta anhan apcháneya Dios Moisés se'e: —Etne sa' nahan elának israelitas se'e: ‘Eyáphássek xeyk ko'o kélnepyeseksa kéxegke m'a Wesse', Dios apagkok nak ma'a kélyapmeyk nano', cham'a Abraham, Isaac, tén han ma'a Jacob nak Dios apagkok.’ Cháxa sekwesey megkatnégwayam néxa xa; sekwesey megkamassegwayam yókxoho apyeyam chá'a xa.

Éxodo 3:15 Iomraidhean Croise

Génesis 24:12

yetlókok axta apteme apkelmaxnagko s'e: “Wesse', Dios apagkok nak ma'a wesse' ahagkok Abraham, yána ko'o kataqmelek ekteyapma aqsok sektegyeykha sakhem, exekmós ektaqmeleykha apwáxok elanok ma'a wesse' ahagkok.

1 Crónicas 16:16

cham'a ekhémo mók apkelpaqhetchásamákpoho apméssama axta m'a Abraham, apteméssessama axta naqsók elanaksek ma'a Isaac

1 Crónicas 29:18

Wesse' egegkok, Dios apagkok axta m'a ẽlyapmeyk nano', cham'a Abraham, Isaac tén han Israel, epekkenches sa' chá'a megkalleklágwayam apkelwáxok énxet'ák apagkok, yána sa' nahan kalxénmakha chá'a apkelwáxok xép.

2 Crónicas 28:9

Aphegkek axta han xama Wesse' egegkok appeywa aplegasso m'a, apwesey axta Obed, apkelanyexeykmo axta sẽlpextétamo apmáheyo elántexek ma'a Samaria. Aptáhak axta apkeláneya s'e: —Apkeltaqnaweygkek énxet'ák Judá m'a Wesse' egegkok, Dios apagkok axta m'a kélyapmeyk nano' nak kéxegke, cháxa keñamak apkelmésa nak kéxegke yaqwayam kólmok. Kélnapchek eyke kéxegke yetlo kélnaqtawáseykegkoho, wákxók apkelwehéseykha m'a néten.

Salmos 102:12

Wesse', megkamassegwomek eyke exchep apteme Wesse' apwányam; ¡kaxénwakxohok sa' aqsa chá'a kélwáxok apwesey!

Salmos 102:13

Yempekxa néten, kayósho elanok Sión, hakte wokmek kaxwók ekhem yaqwayam yásekhekxoho'!

Salmos 135:13

Wesse', megkamassegwomek xép apwesey; kaxénwakxohok sa' aqsa chá'a kélwáxok.

Salmos 30:4

Kéxegke megkólyenseyam nak Wesse' egegkok, ¡kólmeneykmásses negmeneykmasso! ¡kólpeykesho m'a apwesey ekpagkanamaxche nak!

Salmos 30:5

Hakte megkawegqók chá'a aplo m'a, megkamassegwomek eyke m'a ektaqmeleykha nak chá'a apwáxok henlano'. Nenlekxagweyha agkok chá'a axta'a, keñe axto'ók chá'a kapayhekxak egwáxok.

Salmos 68:5

Dios, aphama nak cha'a m'a tegma appagkanamap apagkok, cha'a apteme chá'a apyapmeyk ma'a apkelyéheykha nak, tén han apkeltaqmelchesso m'a xentampe'e nak.

Salmos 72:17

¡Megkamassegwomek sa' chá'a apwesey m'a wesse' apwányam; megkamassegwomek sa' ekxénamaxche apwesey ekhakxa nak makham ekhem! ¡Elxawagkok sa' chá'a ektaqmalma apheykha apyókxoho énxet'ák apheykha nak keso nélwanmeygkaxa, eñama xa wesse' apwányam nak! ¡Apyókxoho pók aptémakxa énxet'ák sa' chá'a eltéhek: “Apkeleñémo”.

Salmos 72:19

kataqmalmakha sa' chá'a kélpeywa kólxének ma'a apwesey eyeymáxkoho nak. ¡Kasawhekxohok sa' chá'a apcheymákpoho keso náxop! ¡Katnahagkok sa'!

Éxodo 15:2

Wesse' egegkok keñamak sekmeneykmasso, hakte cham'a sénnaqtésso m'a, tén han sewagkasso teyp. Cham'a apteme Dios ahagkok ma'a, alpeykeshok sa'; táta Dios apagkok ma'a, atnéssesek sa' apcheymákpoho.

Éxodo 15:3

Wesse' egegkok apteme xama kempakhakma yáp apwányam apagko'. Wesse' egegkok apwesey xa.

Éxodo 3:13

Apchátegmowágkokxeyk axta makham ma'a Moisés. Aptáhak axta s'e: —Ekxegkek agkok ko'o, sektáha enxoho alának israelitas se'e: ‘Eyáphássek xeyk ko'o kélnepyeseksa kéxegke m'a kélyapmeyk nano' nak Dios apagkok’ keñe sa' aptáha enxoho hélmaxneyha s'e: ¿Háxko apwesey? ¿Háxko sa' ko'o atnehek alána'?

Éxodo 3:6

Tén axta aptáha nahan apcháneya s'e: —Ko'o sekteme Dios apagkok ma'a apyapmeyk nano' nak xeyep. Ko'o sekteme Abraham, Isaac, tén han Jacob Dios apagkok. Appóssek axta nápat ma'a Moisés, hakte apchekak axta elanok ma'a Dios.

Éxodo 4:1

Apchátegmowágkokxeyk axta m'a Moisés. Aptáhak axta s'e: —meheyeyxók sa' eyke ko'o m'a. Mehelyahakxék sa' nahan. Sa' aqsa etnehek heyának se'e: ‘Mexekmowásamákpohok xép ma'a Wesse' egegkok.’

Éxodo 4:5

—Cháxa yaqwayam sa' melya'ássók apxekmowásamákpoho exchep ma'a Wesse' egegkok, cham'a Dios apagkok axta m'a kélyapmeyk nano', cham'a Abraham, Isaac, tén han ma'a Jacob axta Dios apagkok,

Éxodo 6:2

Appaqhetchessek axta Dios ma'a Moisés. Aptáhak axta apcháneya s'e: —Ko'o sekteme WESSE'.

Proverbios 18:10

Wesse' egegkok apwesey ekteme segmasma ekyennaqte, apkelmeyeykekxexa nak chá'a elyexánegwakxak ma'a énxet'ák apkelpéwomo nak.

Isaías 26:8

Wesse', negyekpelchémók negko'óxa ektaqmalma nélxega m'a ámay senxekmóssamakxa nak ma'a segánamakxa apagkok. Egmenyeyk chá'a negko'o exchep kaxének egwáxok.

Isaías 42:8

Ko'o sekteme Wesse', cháxa sekwesey ko'o xa, magwohók sa' ko'o kólmések seyeymáxkoho xama enxoho m'a mók aqsok nak tén han kóltéhek kéláyo m'a aqsok kéleykmássesso, ko'o eyke aqsa payhawók chá'a hélpeykesho'.

Isaías 63:12

apkeltémo axta keytlawha apmopwána eyeymáxkoho m'a Moisés, apmeykáséykekxo axta neyseksa wátsam ekwányam apmonye'e m'a énxet'ák apagkok yaqwayam enxoho kólya'asagkohok chá'a ekyókxoho yókxexma, meyke néxa,

Isaías 9:6

Hakte apteyekmek xama sakcha'a negyeseksa, Dios segmésso xama apketche, cham'a peya sa' exkak apmopwána yaqwayam etnehek aptaqmelchesso apchókxa. Sa' nahan kólteméssesek apwesey s'e: Eyaqheykha kélwáxok aqsok apkelane, Dios apyennaqte, Egyáp Memassegwayam, Wesse' meyke ektáhakxa negha.

Jeremías 33:2

“Ektáhak ko'o seyáneya exchep se'e, ko'o sektáha nak Wesse', sélane axta xapop, sekpekkenma axta ekyennaqte m'a ekyetnamakxa nak:

Daniel 2:23

Ekméssek ko'o exchep ekxeyenma ewáxok Dios apagkok axta m'a élyapmeyk nano', élteméssessek han apcheymákpoho, hakte ekha sekya'áseyak etnéssessók tén han sekyennaqte; ey'assásegwokmek kaxwók ma'a sélmaxneya exchek: ey'assásegwokmek ma'a ekyetnakhassamo nak apwáxok wesse' apwányam.”

Oseas 12:5

Wesse' Dios ekha apyennaqte: ¡Wesse' apwányam apwesey m'a!

Oseas 12:6

Israel, ey'ókxa makham Dios apagkok; elána m'a aqsok ekpéwomo nak, tén han magyenyaweykha, ná ey'ássem chá'a Dios apagkok.

Miqueas 4:5

Elyahakxohok chá'a aqsok apcháyókxa m'a pók énxet'ák nak, keñe sa' negko'o ólyahakxohok chá'a Dios Wesse' egegkok meyke néxa.

Malaquías 3:6

“Ko'o sekteme Wesse' kélagkok. Mayaqmagkasseykmok mók sektémakxa. Cháxa keñamak megkólmassesseykmo nak kéxegke, kélteme nak Jacob aptawán'ák neptámen.

Deuteronomio 1:11

¡Wesse' egegkok kélyapmeyk nano' nak Dios apagkok sa' eyke exámasagkok apagko' makham kéxegke, keso kélwánxa nak kélxámokma s'e kaxwo' nak, etaqmelchessesek sa' nahan kélheykha, ekhawo m'a apxeyenma axta chá'a etnéssesek!

Deuteronomio 1:35

‘Méko sa' xama énxet keso nepyeseksa nak se'e énxet'ák élmasagcha'a apkeltémakxa étak ma'a xapop ektaqmalma séltenassama axta ko'o agkések ma'a apyapmeyk nano'.

Deuteronomio 4:1

“Israelitas, kóleyxho sa' segánamakxa tén han nélánémaxchexa nak chá'a antéhek sélxekmóssama axta, kóllána sa' nahan, yaqwayam sa' kólweynchamha chá'a tén han kólmok ma'a apkelókxa, apmaheyókxa nak egkések ma'a Wesse' egegkok, Dios apagkok nak ma'a kélyapmeyk nano'.