Éxodo 27:9 - Biblia Enxet

⁹ “Elána sa' xama kélhaxta yaqwayam kólhaxtamok nepyáwa m'a kélpakxanma appagkanamap. Apáwa apkeláxñe apkelyaqséyak nahan payhawok étek kélhaxta m'a ekpayho nak nepyeyam, apwayam nak cuarenta y cinco metros apwenaqte.

Éxodo 27:9 Iomraidhean Croise

1 Reyes 6:36

Apkelanak axta han apwáxok tegma, ántánxo éléweykekxa meteymog kélpáxqatma, keñe xama éléweykekxa yámet cedro éltegyésso.

1 Reyes 8:64

Cháxa ekhem apteméssesakxa axta han ekpagkanamaxche wesse' apwányam ma'a neyseksa apwáxok nak tegma, ekpayho nak ma'a Wesse' egegkok tegma appagkanamap apagkok, hakte axta apkelwatnak chá'a aqsok kélnaqtósso m'a, tén han ma'a aqsok ekyexna kélmésso naqsa nak chá'a, tén han ma'a pexmok agkok nak kélnaqtósso ektekyawa, segwetassamo nak sẽlásekheykekxoho, hakte ketsék axta m'a ekwatnamáxchexa nak aqsok élánamáxche nak sawo ekyexwase, ekyetnama axta nápaqtók Wesse' egegkok, axta kaxnawok ma'a aqsok kélwatno nak, tén han ma'a aqsok kélmésso naqsa nak aqsok ekyexna, tén han pexmok agkok nak ma'a kélnaqtósso ektekyawa segwetassamo nak sẽlásekheykekxoho.

2 Crónicas 33:5

Apkelánekxeyk axta makham mók élwatnamáxchexa aqsok ma'a ánet apwáxok nak kélhaxtegkesso m'a Wesse' egegkok tegma appagkanamap apagkok, apteméssessek axta han kélwatnéssamakxa chá'a aqsok ma'a ekyókxoho élápogwátéyak nak néten.

2 Crónicas 4:9

Apkelánessek axta han tegma apwáxok apheykegkaxa m'a apkelmaxnéssesso Dios énxet'ák apagkok, keñe han ma'a tegma apwáxok ekyetno nak neyseksa, yetlo atña'ák apagkok, apkelyepetchessek axta han sawo ekyexwase.

Salmos 100:4

Kólántaxnegwata átog apagkok yetlo kélmeneykmasso kélpeykessamo, kólántaxnegwata apwáxok tegma appagkanamap apagkok, yetlo kélmésso ekxeyenma kélwáxok. ¡Kólmés ekpayheykekxa kélwáxok, kólxénmakha ektaqmalma m'a apwesey!

Salmos 116:19

cham'a apwáxok nak Wesse' egegkok tegma appagkanamap apagkok, ¡nepyeseksa nak xép Jerusalén! ¡Aleluya!

Salmos 84:10

¡Tásek axek chá'a ko'o xama ekhem ma'a kañe' nak tegma appagkanamap apagkok, kaxnók aweynchamha aqsa ekwenaqte m'a yókxexma! Émenyeyk ko'o atnehek sektaqmelchesso átog ma'a Dios ahagkok nak tegma appagkanamap apagkok, kaxnók axek ma'a apxanák nak élmasagcha'a apkeltémakxa.

Salmos 92:13

máxa yámet kélcheneykekxa sa' etnahagkok ma'a Wesse' egegkok nak tegma appagkanamap apagkok, élyapwéyak la'a m'a kañe' apwáxok nak Dios tegma appagkanamap apagkok,

Éxodo 27:10

Sawo ekyexwase sa' nahan katnehek ma'a veinte yámet élámha apagkok nak tén han ma'a veinte apowhók élyennaqtéssamakxa nak, keñe sa' ma'a sawo élhaxe apagkok nak, tén han ma'a sawo élyaqye apagkok nak katnehek ma'a sawo ekmope ekmomnáwa.

Éxodo 35:17

tén han ma'a apáwa napwe'ék yaqwayam kólhaxtamok ma'a nepyáwa, yetlo m'a élámha apagkok nak tén han ma'a apowhók élyennaqtéssamakxa nak, tén han apáwa napwa'a yaqwayam kólpekkenek ma'a nentaxnamakxa nak kélhaxta nepyáwa kélpakxanma,

Éxodo 36:17

Tén axta apkelánesa nahan cincuenta élyagqaxe kélatcháseykekxexa chá'a apatña'ák nápakhaw'ék ma'a apkemha apmonye' apyetno nak kélápeykekxexa m'a apáwa napwa'a, tén axta nahan cincuenta m'a pók nápakhaw'ék apyetno nak napwo'o'.

Éxodo 39:40

tén han ma'a apáwa kélhaxtegkesso nak nepyáwa m'a kélpakxanma, yetlo m'a yámet élámha apagkok nak tén han ma'a apowhók élyennaqtéssamakxa nak, tén han ma'a apáwa yaqwayam nak kólpekkenek ma'a átog nentaxnamakxa nak kélhaxta nepyáwa kélpakxanma, tén han ma'a apxát'ák nak, ekweykekxoho m'a yámet élmahamtakcha'a apagkok kélatchessamo nak chá'a xapop kélnaqtete m'a kélhaxta, tén han ma'a ekyókxoho aqsok kélmeykegkaxa nak chá'a yaqwayam kalanaxchek kéltamheykha m'a kañe' kélpakxanma appagkanamap, cham'a kélpakxanma apchaqneykekxexa nak chá'a énxet'ák,

Éxodo 40:33

Appenchessek axta aphaxtegkesso nepyáwa kélpakxanma appagkanamap ma'a Moisés tén han ma'a ekwatnamáxchexa nak chá'a aqsok, apmakheyáseyha axta nahan apáwa m'a átog nentaxnamakxa nak kélhaxta. Xama axta appenchesa aptamheykha apkelane kélpakxanma m'a Moisés,

Éxodo 40:8

Tén sa' elának aphaxta nepyáwa m'a kélpakxanma nak, emakhésha sa' apáwa m'a átog nentaxnamakxa nak ma'a kélhaxta.

Ezequiel 40:14

Tén axta apkelyetsátegko m'a émha amonye' apwáxok tegma nak: diez metros axta nahan ma'a. Sawheykekxók axta nentaxnamakxa nak tegma apyawe m'a ekyókxoho nápakhaw'ék nak.

Ezequiel 40:17

Tén axta natámen séntamákxo ko'o énxet ma'a kañe' ekyawakxa nak apwáxok tegma. Meteymog axta nahan kélnegkenéyak chá'a neyáwa' kañe' m'a tegma apwáxok nak, treinta tegma apwáxok axta nahan heykegkok ma'a.

Ezequiel 40:20

Yetneyk axta nahan xama nentaxnamakxa ekpayho nak nexcheyha m'a ekyawakxa nak apwáxok tegma m'a yókxexma. Apkelyetsátegkek axta ekwánxa ekwegqakxa tén han ekpayhakxa m'a énxet nak.

Ezequiel 40:23

Yetneyk axta nahan mók nentaxnamakxa ekmahéyak ma'a kañe' étkok apwáxok nak tegma, cham'a ekpayho nak teyapmakxa ekhem tén han ma'a nexcheyha amonye' nak ma'a nentaxnamakxa ekyawakxa nak apwáxok tegma m'a yókxexma. Apkelyetsátegkek axta ekwánxa ekyetno chá'a mók ánet nentaxnamakxa m'a énxet nak, cincuenta metros axta nahan wokmok ma'a.

Ezequiel 40:28

Tén axta sey'ásekxo m'a nentaxnamakxa ekpayho nak nepyeyam, cham'a étkok apwáxok tegma nak. Apkelyetsátegkek axta m'a átog ekyetno nak nepyeyam, hawók axta nahan ma'a ekwánxa axta metros ma'a nekha atña'ák nak.

Ezequiel 40:32

Ñohok axta nahan séntamákxo m'a kañe' étkok apwáxok nak tegma, ekpayho nak teyapmakxa ekhem, apkelyetsátegkek axta m'a nentaxnamakxa nak, hawók axta nahan ma'a ekwánxa axta metros ma'a nekha nak.

Ezequiel 40:44

Heykegkek axta nahan ánet apwáxok tegma m'a teyp atña'ák nak kañe' m'a étkok apwáxok nak tegma, xama axta yetnók ma'a nekha átog ekpayho nak nexcheyha, payhémók axta m'a nepyeyam nak, tén axta nahan mók ekyetnama m'a mók nekha átog ekpayho nak nepyeyam, payhémók axta m'a nexcheyha nak.

Ezequiel 42:3

Axta nahan payhémók xama nápakha m'a ekpayho nak étkok apwáxok tegma, cham'a ekwayam axta diez metros ma'a appayhakxa, keñe axta pók nápakha ekpayhémo m'a kélnegkeneykegkaxa axta meteymog náxop ma'a ekyawakxa nak apwáxok tegma yókxexma. Tegma néten ántánxo apkelwáxok axta m'a, taqmekcháseykegkokxók axta aqsa nahan apyamágweykekxo m'a néten nak.

Números 3:26

tén han ma'a apáwa kélchexanma nak nepyáwa tegma, tén han ma'a apáwa kélchexanma nak nentaxnamakxa nepyáwa tegma kélwakhasso nak tegma appagkanamap, tén han ma'a meteymog ekwatnamáxchexa nak aqsok, tén han ma'a táma kélnaqtete nak chá'a.

Números 4:26

tén han ma'a apáwa kélhaxtegkesso nak chá'a kélpakxanma, tén han ma'a apáwa apyexnama nak nentaxnamakxa kélwakhassól'a kélhaxtegkesso nepyáwa m'a tegma appagkanamap tén han ma'a ekwatnamáxchexa nak aqsok, tén han ma'a táma apxát'ák nak, tén han ma'a ekyókxoho aqsok apagkok eyéméxchexa nak chá'a yaqwayam kólmaha.

Números 4:32

tén han ma'a élámha nak nepyáwa kélhaxtegkesso m'a tegma appagkanamap, yetlo m'a apowhók nak, tén han ma'a yámet kélmahantasso nak naw'ék kélatchesso xapop, tén han ma'a táma apxát'ák nak, tén han ma'a ekyókxoho aqsok apagkok eyéméxchexa nak chá'a yaqwayam kólmaha. Xép sa' eyke etaqmelcheshok chá'a apkeltennasso yaqsa aqsok eswok chá'a xama.