Éxodo 27:1 - Biblia Enxet

¹ “Elána sa' xama ekwatnamáxchexa aqsok ekhémo mók ekpayhakxa, yámet apkeñama nak wantep, ekwayam nak chá'a ánet metros veinticinco centímetros xama nekha, tén sa' xama metro veinticinco centímetros ekmahéyák ma'a néten.

Éxodo 27:1 Iomraidhean Croise

2 Samuel 24:18

Apya'awekxeyk axta Gad ma'a David, cháxa ekhem nak, apkeltamhók axta elanaksek xama aqsok ekwatnamáxchexa apagkok ma'a Wesse' egegkok, cham'a apkexakkassamakxa axta chá'a apyempe'ék hótáhap apaktek ma'a Arauna, apteme nak jebuseo.

2 Reyes 16:14

Keñe axta m'a ekwatnamáxchexa aqsok élánamáxche nak sawo ekyexwase, ekyetnama nak apmonye' m'a Wesse' egegkok tegma appagkanamap apagkok, apyetnakhássek axta m'a Ahaz, appekkenwákxeyk axta m'a ekpayho nak nexcheyha ekyetnamakxa m'a ekwatnamáxchexa aqsok, keñe axta ekyetnákxo kaxwók neyseksa, teyp nak kaxwe ekwatnamáxchexa aqsok, halep nak Wesse' egegkok tegma appagkanamap apagkok.

1 Crónicas 6:49

Aarón axta chá'a apwatno m'a aqsok kélmésso naqsa Dios, cham'a néten ekwatnamáxchexa nak chá'a aqsok, keñe han ma'a ekwatnamáxchexa nak aqsok ánek ekmátsa ekpaqneyam éten agkok. Axta han apkeltamheykha m'a Kañe' Ekpagkanamaxchexa agko' nak, yaqwayam etaksek chá'a megkólyaqmagkáseykekxa melya'assáxma m'a énxet'ák Israel, ekhawo ekyókxoho apkeltémókxa axta etnahagkok ma'a Moisés, apteme axta Dios apkeláneykha.

2 Crónicas 4:1

Apkelanak axta han Salomón aqsok ekwatnamáxchexa sawo ekyexwase, nueve metros axta ekwegqakxa', keñe nueve metros han ekpayhakxa', keñe cuatro metros y medio m'a ekmahéyak néten.

Esdras 3:2

Keñe axta Josué, Josadac axta apketche, yetlo apkelxegexma'a m'a apkelmaxnéssesso Dios énxet'ák apagkok, tén han ma'a Zorobabel, Salatiel axta apketche, tén han ma'a apnámakkok nak, apkelánegkek axta ekwatnamáxchexa aqsok apagkok nak ma'a Dios nak Israel, yaqwayam enxoho enegkenek aqsok apkelwatno m'a néten nak, éltémókxa nak etnahagkok ma'a Moisés segánamakxa apagkok, apteme nak Dios apkeláneykha.

Éxodo 17:15

Apkelanak axta nahan Moisés xama ekwatnamáxchexa aqsok, cham'a apteméssesa axta nahan ekwesey: “Wesse' egegkok apteme bandera ahagkok séxanmól'a néten”,

Éxodo 24:4

Tén axta Moisés aptáxésa ekyókxoho m'a aptáhakxa axta apcháneya m'a Wesse' egegkok, tén axta mók ekhem, axto'o agko' axta apxatakha'a, apkelanak axta xama ekwatnamáxchexa aqsok ma'a kóneg nak egkexe, apkelánchásegkek axta nahan doce meteymog élpagkanamaxche', xama axta nahan chá'a m'a pók aptémakxa nak chá'a énxet'ák ma'a Israel.

Éxodo 31:9

tén han ma'a ekwatnamáxchexa nak chá'a aqsok kéltósso, yetlo nahan ma'a aqsok élmeykegkaxa nak chá'a, tén han ma'a sokpayhe ekwányam yetlo m'a awhak ekpayhe ekyennaqtéssamakxa nak,

Éxodo 35:16

tén han ma'a ekwatnamáxchexa nak chá'a aqsok kéltósso yetlo m'a sawo élyagqáxeykha agkok nak sawo ekyexwase, tén han ma'a yámet élwenaqte agkok nak tén han ekyókxoho m'a aqsok élmeykegkaxa nak chá'a, tén han ma'a sokpayhe ekwányam yetlo m'a awhak ekpayhe ekyennaqtéssamakxa nak,

Éxodo 39:39

tén han ma'a ekwatnamáxchexa nak chá'a aqsok élánamáxche nak sawo ekyexwase yetlo m'a sawo élyagqáxeykha agkok ekho nak yám'én aqta'ák sawo ekyexwase, tén han ma'a yámet élwenaqte agkok nak ekweykekxoho m'a ekyókxoho aqsok élmeykegkaxa nak chá'a, tén han ma'a sokpayhe ekwányam yetlo m'a awhak ekpayhe ekyennaqtéssamakxa nak,

Éxodo 40:10

Eyegken sa' nahan pexmok égmenek kélexpaqhayól'a chá'a kólteméssesek ekpagkanamaxche aqsok ma'a néten nak ekwatnamáxchexa aqsok kéltósso tén han ma'a ekyókxoho aqsok élmeykegkaxa nak chá'a. Keñe sa' etnéssesek élpagkanamaxche m'a, katnehek sa' nahan xama ekwatnamáxchexa aqsok kéltósso ekpagkanamaxche agko'.

Éxodo 40:29

appekkenchek axta nahan élwatnamáxchexa nak chá'a aqsok kélnaqtósso m'a átog nentaxnamakxa nak kélpakxanma appagkanamap, cham'a kélpakxanma apchaqneykekxexa nak chá'a énxet'ák, apkelwatneyk axta nahan aqsok kélnaqtósso tén han aqsok aktek eknakxamáxche ekyexna m'a néten nak yaqwayam etnéssesek aqsok apmésso naqsa m'a Dios, ekhawo m'a apkeltémókxa axta etnehek ma'a Wesse' egegkok.

Éxodo 40:6

Epekken sa' ekwatnamáxchexa nak chá'a aqsok kéltósso m'a átog nentaxnamakxa nak kélpakxanma appagkanamap, cham'a kélpakxanma apchaqneykekxexa nak chá'a énxet'ák.

Números 3:31

Cháxa ektáha axta nahan aptaqmelchesso yántéseksek ekhémo mók nélpaqhetchásamáxkoho xa énxet'ák nak, tén han ma'a mésa, tén han ma'a cháléwasso ekyawe nak, tén han ma'a élwatnamáxchexa nak aqsok, tén han ma'a aqsok élpagkanamaxche nak, yaqwayam nak kólmaha kólpeykeshok Wesse' egegkok, tén han ma'a apáwa apkexyawe nak, ekyókxoho m'a aqsok kélmeykegkaxa nak chá'a.

Números 4:13

Kóláxñásekxa sa' kólchexakkasek ma'a pexmok nak, tén han ma'a táhap agkok nak ma'a ekwatnamáxchexa aqsok, keñe sa' kólaqlaksek xama apáwa hómáyok apagko' nak.

Números 4:14

Kólnegkenek sa' néten ekyókxoho m'a kélmeykegkaxa nak chá'a m'a ekwatnamáxchexa nak aqsok: cham'a kélnegkenmakxa nak átex, kelyetxaqxo apto, pála, sokpayhe élyawe; ekyókxoho aqsok kélmeykha nak chá'a m'a ekwatnamáxchexa nak aqsok. Kólaqlaksek sa' aqsok émpe'ék élexyawáyo xa ekyókxoho nak, kólatchesek sa' nahan yámet nekhaw'ék yaqwayam enxoho kólsók.