Éxodo 26:36 - Biblia Enxet

³⁶ “Elanés sa' nahan xama apáwa napwa'a apyápaqmate, hómáyok, apyexwase tén han ma'a apáwa apkeláxñe apkelyaqséyak nak chá'a m'a nentaxnamakxa nak kélpakxanma appagkanamap, kéleykmassáseykha nak chá'a m'a nápakhaw'ék.

Éxodo 26:36 Iomraidhean Croise

2 Samuel 7:6

Hakte maxmak ko'o makham xama enxoho m'a tegma apkelánamap nak, wánxa aqsa sekhama m'a tegma apketkok kélpakxenwayam nak chá'a mók nekha, eyeynamo m'a sekxók axta sélántekkessama israelitas ma'a Egipto, ekwokmoho makham se'e kaxwo' nak.

Salmos 78:60

apyamasmeyk axta m'a kélpakxanma appagkanamap apyetnama axta m'a Siló, apxagkok axta nepyeseksa m'a énxet'ák.

Éxodo 26:31

“Elána sa' apáwa kélapma apyápaqmate, hómáyok, apyexwase tén han ma'a apáwa apkeláxñe apkelyaqséyak nak, eleykmássesha sa' nahan chá'a apchótma apqánet sélásenneykha ekha apxempenák ma'a apáwa nak.

Éxodo 27:16

Tén sa' ma'a nentaxnamakxa agko' nak kélhaxta, étek sa' nueve metros apáwa napwa'a apyápaqmate, hómáyok, apyexwase tén han ma'a apáwa apkeláxñe apkelyaqséyak nak, kéleykmassáseykha nak kélótma m'a nápakhaw'ék, ekyetlómo cuatro élámha apagkok tén han cuatro apowhók élyennaqtéssamakxa.

Éxodo 28:15

“Sa' etnéssesek nahan apkelane aptáhakxa sa' apkelane apáwa apyaqwate efod ma'a apkexanma nak apnények ekyetlómo m'a kélmeykha nak chá'a yaqwayam kólya'asagkohok ma'a apmopmenyého nak Dios, cham'a kéleykmassáseykha nak chá'a kélótma. Elána sa' ma'a sawo ekyátekto ekmomnáwa nak, apáwa apyápaqmate, hómáyok, apyexwase tén han ma'a apáwa apkeláxñe apkelyaqséyak nak,

Éxodo 28:39

“Elána sa' apáwa apwenaqte kélótma m'a apáwa apkeláxñe nak, elána sa' nahan kélatchesso kélpátek ma'a apáwa apkeláxñe nak. Keñe sa' ma'a kéltétamáxche nak katnehek ma'a kéleykmassáseykhal'a kélótma.

Éxodo 35:11

kélpakxanma appagkanamap yetlo m'a kélpakxanma nak néten, tén han ma'a aqsok apkelmeykegkaxa nak chá'a m'a kélpakxanma, sawo élhaxe apagkok, yántéseksa'ák apagkok, tén han ma'a yámet élwenaqte éltegyésso apagkok, tén han ma'a élámha apagkok, ekweykekxoho m'a apowhók élyennaqtéssamakxa nak,

Éxodo 35:15

tén han ma'a ekwatnamáxchexa nak chá'a aqsok ekmátsa nak ekpaqneyam éten agkok yetlo m'a yámet élwenaqte agkok, tén han ma'a pexmok égmenek kélmeykegko nak chá'a hẽlteméssesek nempagkanamaxche', tén han ma'a aqsok ekmátsa nak ekpaqneyam éten agkok, tén han ma'a apáwa napwa'a yaqwayam nak kólpekkenek ma'a átog nentaxnamakxa nak kélpakxanma appagkanamap,

Éxodo 36:37

Apkelánéssek axta apáwa apyápaqmate, hómáyok, apyexwase tén han apáwa apkeláxñe apkelyaqséyak ma'a nentaxnamakxa nak ma'a kélpakxanma, kéleykmassáseykha nak chá'a kélótma m'a nápakhaw'ék.

Éxodo 38:18

Tén axta m'a átog nentaxnamakxa nak kélhaxta apyetna chá'a éxyawáyo agko' kélótma nápakhaw'ék ma'a apáwa apyápaqmate, hómáyok, apyexwase tén han ma'a apáwa apkeláxñe apkelyaqséyak nak. Nueve metros axta nahan apwenaqte m'a, tén ánet metros veinticinco centímetros apmahéyak ma'a néten, aphawók axta m'a apáwa kélhaxta nak nepyáwa kélpakxanma.

Éxodo 39:29

tén han ma'a aptétamap apáwa apkeláxñe apkelyaqséyak nak, apáwa apyápaqmate, hómáyok tén han ma'a apyexwase, kélótma kéleykmassáseykha axta nahan chá'a m'a, ekhawo m'a apkeltamhókxa axta Wesse' egegkok etnehek ma'a Moisés.

Éxodo 39:33

apxawákxeyk axta Moisés ma'a kélpakxanma appagkanamap, cham'a kélpakxanma apchaqneykekxexa nak chá'a énxet'ák, tén han ma'a ekyókxoho aqsok apkelmeykegkaxa nak chá'a: cham'a sawo élhaxe apagkok, yántéseksa'ák apagkok, yámet éltegyésso apagkok, tén han ma'a élámha apagkok nak tén han ma'a apowhók élyennaqtéssamakxa nak,

Éxodo 40:5

Epekken sa' ekwatnamáxchexa nak chá'a aqsok élánamáxche nak sawo ekyátekto ekmomnáwa yaqwayam nak chá'a kawatnaxchek aqsok ekmátsa ekpaqneyam éten agkok ma'a amonye' nak yántéseksek ekhémo mók nélpaqhetchesamaxkoho, emakhésha sa' nahan apáwa m'a átog nentaxnamakxa nak kélpakxanma appagkanamap.

Ezequiel 16:10

ektaxneyásekxeyk axta m'a apáwa apkeltaqmalma apagko' nak aptáxama, élatchessáseykxeyk axta nahan amagkok ma'a éltéto amagkok élexyawáyo nak aqsok émpehek; ekméssek axta nahan xama ektétamáxche m'a apáwa apkelaxñeyól'a tén han xama ektaxno éxyawél'a kélótma;

Números 3:25

Axta apkelánémakpok etnehek chá'a apkeltaqmelchesso tegma appagkanamap ma'a kélpakxanma nak, cham'a aqsok émpe'ék kélmeykha nak, tén han ma'a apáwa kélchexanma nak átog nentaxnamakxa nak kélpakxanma,

Números 9:15

Cháhapwa'ak axta yaphope sekxók kélxátekhasa axta m'a tegma appagkanamap, cham'a kélpakxanma ekhémo mók nélpaqhetchásamáxkoho nak Dios. Keñe axta taxnám ekyetna'a ekho táxa eyáléwe m'a néten nak tegma appagkanamap, wokmók axta nahan élseye ekyetno m'a.