Éxodo 26:33 - Biblia Enxet

³³ Elmakhésha sa' apáwa kélapma nak ma'a kóneg nak sawo élhaxe, epekken sa' yántéseksek ekhémo mók nélpaqhetchásamáxkoho m'a teyp nak kélapma. Sa' kañék apkexpánchessesso kéxegke kañe' Ekpagkanamaxche nak ma'a apáwa nak, tén han ma'a Ekpagkanamaxchexa agko' nak.

Éxodo 26:33 Iomraidhean Croise

1 Reyes 6:16

Apsawheyásekxók axta han yántéseksek cedro m'a néten nak ekweyktámho kóneg, nueve metros axta han ekpayho nak kañók agko' ma'a tegma appagkanamap, appagkanchessek axta han yaqwayam katnehek kañe' Ekpagkanamaxche agko' ma'a.

1 Reyes 8:10

Xama axta apkelántepa apkelmaxnéssesso Dios énxet'ák apagkok ma'a kañe' Ekpagkanamaxchexa nak, lanawók axta yaphope m'a Wesse' egegkok tegma appagkanamap apagkok,

1 Reyes 8:6

Apchaqxegkessákxeyk axta tegma appagkanamap apkelmaxnéssesso Dios énxet'ák apagkok ma'a Wesse' egegkok yántéseksek apagkok ekhémo mók nélpaqhetchásamáxkoho, ekweykekxoho m'a kañe' Ekpagkanamaxchexa agko' nak, kóneg nak apxempenák ma'a Dios apkelásenneykha,

2 Crónicas 3:8

Apkelanak axta han Kañe' Ekpagkanamaxchexa agko'. Nueve metros axta ekwegqakxa', hawók axta m'a appayhakxa nak tegma appagkanamap, nueve metros axta han ma'a appayhakxa nak. Tén axta apkelyepetchesa han ma'a sawo ekyátekto ekmomnáwa ektaqmalma, veinte mil kilos axta apmáha apkelyepetchesa xa ekyókxoho nak.

Éxodo 25:16

Exátem sa' kañe yántéseksek ma'a segánamakxa sekmako nak almések.

Éxodo 26:32

Elatchesák sa' cuatro yámet kéláncháséyak nak ma'a sawo élhaxe sawo ekyátekto ekmomnáwa nak, cham'a yaqwayam nak kasawheyásekxohok émpe'ék ma'a sawo ekyátekto ekmomnáwa, néten nak ma'a cuatro élyennaqtéssamakxa awhók nak sawo ekmope ekmomnáwa.

Éxodo 27:10

Sawo ekyexwase sa' nahan katnehek ma'a veinte yámet élámha apagkok nak tén han ma'a veinte apowhók élyennaqtéssamakxa nak, keñe sa' ma'a sawo élhaxe apagkok nak, tén han ma'a sawo élyaqye apagkok nak katnehek ma'a sawo ekmope ekmomnáwa.

Éxodo 27:21

Aarón tén han apketchek sa' eyke chá'a elánekxak ma'a cháléwasso, yaqwayam sa' kalápogwátek nápaqtók Wesse' egegkok yókxoho axta'a m'a kélpakxanma apchaqneykekxexa nak chá'a énxet'ák, teyp nak ma'a apáwa apkexyawe kélapma, ekyetnamakxa nak nekha m'a yántéseksek ekhémo mók nélpaqhetchásamáxkoho. Cháxa xama segánamakxa apagkok meyke néxa m'a israelitas tén han ma'a aptawán'ák neptámen nak.

Éxodo 36:36

Apkelchexnágkek axta nahan sawo élhaxe sawo ekyátekto élmomnáwa m'a cuatro élámha nak yámet wantep, cham'a kélyepetcháseyak nak émpe'ék ma'a sawo ekyátekto ekmomnáwa tén han ma'a néten nak cuatro awhók élyennaqtéssamakxa m'a sawo ekmope ekmomnáwa.

Éxodo 40:3

Epekken sa' yántéseksek ekhémo mók nélpaqhetchesamaxkoho m'a kañe' nak, yáhap sa' ma'a apáwa kélapma nak.

Ezequiel 41:4

Tén axta apkelyetsátegko m'a kañók agko' nak apwáxok ma'a tegma, diez metros axta nahan chá'a tépak xama nekha m'a. Tén axta aptáha seyáneya s'e: “Keso kañe' Ekpagkanamaxchexa Agko' se'e.”

Levítico 16:2

Aptáhak axta Wesse' egegkok apcháneya Moisés se'e: “Eltennés sa' Aarón, apepma nak xép, nágyána aqsa chá'a etaxnegwakxak kañe' ekpagkanamaxchexa agko' nak apmakókxa enxoho chá'a etaxnegwakxa', teyp nak apyexnamakxa m'a apáwa apkexyawe, essenhan ma'a ekpayho nak átog ma'a yántéseksek, yaqwayam sa' megyetsepe', hakte axekmósaxkohok sa' ko'o xama yaphope m'a néten nak átog.