Éxodo 24:12 - Biblia Enxet

¹² Aptáhak axta Wesse' egegkok apcháneya Moisés se'e: —Yenát sa' egkexe, sekhakxa nak ko'o, héleyxwakxa sa' ma'a, hakte almések sa' ko'o exchep meteymog seknaqtáxésso nak ko'o segánamakxa, yaqwayam enxoho elxekmósek xeyep ma'a israelitas.

Éxodo 24:12 Iomraidhean Croise

1 Reyes 19:11

Aptáhak axta apcháneya Wesse' egegkok: “Etyep yókxexma etnamha sa' emonye', cham'a néten meteymog egkexe nak.” Yetlókok axta han apyeykhagwe Wesse' egegkok, meykásekxeyk axta neyseksa meteymog egkexe m'a éxchahayam ekyennaqte agko', keñe ekpáxqata m'a meteymog nápaqtók ma'a Wesse' egegkok; méko axta eyke Wesse' egegkok ma'a neyseksa nak éxchahayam. Keñe axta ektepa han ekyawheykha xapop natámen éxchahayam; méko axta eyke han Wesse' egegkok ma'a neyseksa nak ekyawheykha xapop.

Esdras 7:10

Axta eyenseykmok ekxéneykha apwáxok Esdras yaqwayam eltámésakpok tén han elának ma'a Wesse' egegkok segánamakxa apagkok, tén han elxekmósek israelitas ma'a segánamakxa eñama nak Wesse' egegkok, tén han apchánamakxa nak antéhek.

Nehemías 9:13

“Tén axta apweyweykento apkenegweykto m'a néten egkexe nak Sinaí, apkelpaqhetchessegkek axta m'a ekpayho nak néten; apméssegkek axta segánamakxa ekpéwomo, tén han nélxekmowásamáxche ekmámnaqsoho, tén han apkeltémókxa nak antéhek ektaqmela.

Nehemías 9:14

Apkelxekmóssegkek axta han ektémakxa nempagkanchesso m'a ekhem sábado, apméssegkek axta apkeltémókxa nak antéhek, tén han nélxekmowásamáxche ekmámnaqsoho, tén han segánamakxa, tén han nélxekmowásamáxche apchásenneykekxo axta m'a apkeláneykha Moisés.

Salmos 19:12

¿Yaqsa awanchek kay'ásegwakxohok aqsok megqakhémo? ¡Wesse', ná eyaqmagkásekxa aqsok magwaqhémo neyseksa may'áseyak!

Éxodo 19:3

Apchánteyk axta Moisés apyo'ókmo Dios ma'a, tén axta apwóneyncha'a Wesse' egegkok ma'a néten egkexe nak. Aptáhak axta apcháneya s'e: —Eltennasák sa' Jacob aptawán'ák neptámen se'e amya'a nak, cham'a israelitas:

Éxodo 24:15

Keñe axta Moisés apchánta m'a egkexe, cháhapwa'ak axta nahan yaphope m'a.

Éxodo 24:18

Aptaxneyk axta Moisés yaphope, apchánteyk axta m'a egkexe nak, aphakmek axta nahan cuarenta ekhem ma'a tén han cuarenta axta'a.

Éxodo 24:2

Xeyep sa' eyke aqsa wánxa apxakko' apwanchek hépetchegwoho'; tén sa' ma'a nápakha nak mopwanchek sa' hépetchegwoho', mopwanchek sa' nahan elchántohok xamo' xeyep ma'a énxet'ák nak.

Éxodo 31:18

Xama axta apsawha appaqhetchesso Wesse' egegkok Moisés ma'a néten egkexe nak Sinaí, apkelméssek axta ánet meteymog élpayhe apnaqtáxésso apagko' axta segánamakxa m'a Dios.

Éxodo 32:1

Xama axta apkelwet'a israelitas ekwegqa metyapma Moisés ma'a néten egkexe nak, apchaqnákxeyk axta apwakhegwákxo aphakxa m'a Aarón. Aptáhak axta apcháneya s'e: —Henlanés sa' negko'o dios egagkok yaqwayam sa' hennaqlawha chá'a, hakte magya'ásegkok negko'o ektáhakxa m'a Moisés, ektáha axta sẽlántekkesso m'a Egipto.

Éxodo 34:1

Aptáhak axta apcháneya Wesse' egegkok Moisés se'e: —Elyaqtennoho sa' apagko' kaxwók xeyep ánet meteymog ekhémo m'a émha amonye' axta, yaqwayam sa' anaqtáxésagkok ko'o ekhawo ektémakxa axta ekpeywa seknaqtáxésso m'a émha amonye' meteymog axta, cham'a aptemessásekxo axta nekha'a étkók.

Jeremías 31:33

Keso yaqwánxa sa' katnehek ekhémo mók nélpaqhetchásamáxkoho peya nak ko'o alanaksek énxet'ák Israel ma'a ekhem sa': Apekkenchesek sa' segánamakxa ahagkok apkelwáxok, anaqtáxéssesagkok sa' nahan ma'a élchetámeykegkaxa nak apkelwáxok. Ko'o sa' hetnehek Dios apagkok, keñe sa' ko'o atnehek énxet'ák ahagkok ma'a. Ko'o sekxeyenma xa, sektáha nak Wesse'.

Deuteronomio 4:14

Ko'o axta nahan apkeltémók alxekmósek kéxegke segánamakxa tén han nélánémaxchexa nak antéhek, yaqwayam sa' kóllánegwók ma'a xapop kélmáheyókxa nak kólhamok.

Deuteronomio 5:22

“Keso appeywa apkellegassama axta Wesse' egegkok appaqmeyesma axta ekyennaqte agko' ma'a neyseksa táxa eyáléwe tén han neyseksa yaphope ekyentaxno agko', kélaqneykekxo axta kélyókxoho m'a awhak egkexe nak. Tén axta mexéneykekxoho chá'a, apnaqtáxéssegkek axta ánet meteymog élpayhe xa appeywa nak, tén axta sélméssama ko'o.

Deuteronomio 5:31

keñe sa' xép exnekxak se'e sekhakxa nak, hakte altennaksek sa' ko'o exchep ekyókxoho m'a séltémókxa nak chá'a kóltéhek tén han segánamakxa tén han seyánamakxa nak chá'a kóltéhek yaqwayam sa' xeyep elxemósek, yaqwayam sa' elanagkok ma'a apkelókxa sekmaheyókxa nak ko'o agkések yaqwayam etnehek apagkok apagko'.’