Éxodo 23:22 - Biblia Enxet

²² Naqsók agkok xeyep mey'ássekmo tén han apkelana enxoho ekyókxoho m'a séltamhókxa axta etnehek, etnehek sa' ko'o sélenmexma m'a apkelenmexma nak xeyep, wanmexmakha sa' nahan ko'o m'a ektáha nak chá'a exchep apkenmexeykha.

Éxodo 23:22 Iomraidhean Croise

Génesis 12:3

Apasmok sa' ko'o m'a appasmo nak chá'a exchep, ataqnók sa' nahan chá'a ko'o m'a aptaqnagko nak chá'a exchep; xép sa' kañenták apasmok m'a apyókxoho énxet'ák apheykha nak keso náxop.”

Salmos 35:1

Wesse', elenmex énxet'ák sénmexeykha nak chá'a ko'o; ektamák ma'a sektámeyam nak chá'a ko'o.

Éxodo 15:16

“Wesse' egegkok, ¡elyegwakkas!, ¡yána' yeygkok! ¡tásek exmakha aqsa ektémól'a kaxnagkok ma'a meteymog eñama xa apmopwána ekyennaqte nak, ekwokmoho sa' apkelyeyk'a m'a énxet'ák apagkok, cham'a énxet'ák apteme nak xeyep apagkok!

Jeremías 30:20

Etnekxak sa' makham israelitas ma'a aptamheykegkaxa axta nano'; megkóltaqhésha sa' chá'a énxet'ák apagkok ma'a sekhakxa nak ko'o, allegássesagkohok sa' ko'o m'a apnaqtawáseykegkoho nak chá'a.

Zacarías 2:8

Eyáphássek axta ko'o Wesse' egegkok ekha nak apyennaqte aswok se'e amya'a nak, atnehek wának énxet'ák ektáha axta apkelmenyexchesso ekyókxoho aqsok kélagkok kéxegke s'e: “Énxet apteméssesseykmoho exma ekmaso enxoho énxet'ák ahagkok, cháxa apteméssessekmoho exma ekmaso m'a aqsok sekmasmakxa ahagko' nak chá'a ko'o. Ko'o ahagko' sa' alnapaxchek xa pók aptémakxa nak chá'a énxet'ák, apkelásenneykha naqsa apagko' sa' nahan wának esawhaksohok aqsok apagkok.” Sa' etnehek exekmósek élseyéxma apagkok Wesse' egegkok ekha nak apyennaqte xa ektáha nak, keñe sa' kólya'ásegwók kéxegke aptáha seyáphasso ko'o m'a.

Números 24:8

Máxa weyke kennawók kepet'ák apteméssessók ma'a Dios apkelántekkesso axta m'a Egipto. Esáwak sa' énxet'ák Israel ma'a apkelenmexma nak, elekkexchesek sa' apexchakkok, elmallahanchessamhok sa' elyátak yágke.

Números 24:9

Aphágkek agkok ellókasek apkelyampe, máxa etnahagkok ma'a ektémól'a méwa: méko nahan kamáwhok kanaqxétekhasagkok. ¡Apkeleñémo sa' chá'a kóltéméssesek ma'a ektáha nak chá'a ektaqmalma apxeyenma, sagkek sa' chá'a katnehek apxénamap ma'a apkeltémo nak chá'a katnégwomhok exma ekmaso!”

Deuteronomio 28:1

“Naqsók agkok kélyahákxoho kéxegke m'a Dios Wesse' kélagkok, tén han kéllana ekyókxoho m'a apkeltémókxa nak chá'a antéhek séltamho exchek ko'o kóllának se'e sakhem nak, etnéssesek sa' néten agko' kéxegke Wesse' egegkok nepyeseksa m'a apyókxoho énxet'ák apheykha nak keso náxop.

Deuteronomio 30:7

Yának sa' káhapwak Dios Wesse' kélagkok kélenmexma nak kéxegke s'e ekyókxoho aqsok ekmaso nak, tén han nepyeseksa m'a ektáha nak chá'a apmenxeneykha yetlo apkeltaqnawéyak,

Josué 9:7

Apkelátegmowágkek axta énxet'ák Israel ma'a énxet'ák nak heveos: —Kexa eykhe kéleñamak kéxegke s'e keto' nak negko'o negheykegkaxa; ¿háxko katnehek negko'o anlanaksek xama ekhémo mók nélpaqhetchásamáxkoho kéxegke?