Éxodo 23:15 - Biblia Enxet

¹⁵ Kóllána sa' kélessawássessamo kelpasmaga meyke nak kempáseyak, ekhawo m'a séltamhókxa axta kóltéhek kóltawagkok kelpasmaga meyke kempáseyak ekweykmoho siete ekhem, cham'a ekhem ekpekkenamaxchexa nak chá'a pelten Abib, hakte cháxa pelten nak kélánteyapmakxa axta kéxegke m'a Egipto. Méko sa' nahan xama énxet enxoho apwanchek hey'óták ko'o, mesánto enxoho xama aqsok.

Éxodo 23:15 Iomraidhean Croise

Éxodo 12:2

“Keso pelten nak, katnehek sa' ekhem kélagkok kéxegke, pelten apkemha apmonye' apyeyam nak.

Éxodo 13:3

Keñe axta Moisés aptáha apkeláneya énxet'ák se'e: “Kaxén sa' kélwáxok se'e ekhem nak, apkelántekkesakxa axta Wesse' egegkok ekyetlómo ekwányam agko' apmopwána m'a Egipto, cham'a kélheykegkaxa axta kéltéma kélásenneykha naqsa. Nágkóltawák aqsa kelpasmaga ekyetlómo nak kempáseyak.

Éxodo 13:4

Cháxa kélántepakxa axta kéxegke xa ekhem nak, pelten Abib,

Éxodo 22:29

“Hélsantagkas chá'a heykxe ko'o m'a ekyókxoho aqsok sélmésso naqsa aqsok apkeneykekxa nak apnakxo, tén han ma'a ekyókxoho anmen yámet égmenek apagkok nak. “Hegkések sa' ko'o m'a apkemha apmonye' apwete nak apketche,

Éxodo 34:18

“Kóllána chá'a kélessawássessamo kelpasmaga meyke kempáseyak, kólteme sa' chá'a m'a séltémókxa axta chá'a kóltéhek, kóltawagkok kelpasmaga meyke kempáseyak ekweykmoho siete ekhem. Pelten Abib nahan pekkenamaxcheyk chá'a yaqwayam kalanaxchek xa, hakte cháxa pelten kélánteyapmakxa axta m'a Egipto.

Éxodo 34:20

Keñe sa' ektáha enxoho xama yámelyeheykok étkok ektéyam amonye', kólyaqmagkásekxa sa' chá'a xama nepkések apketkok essenhan xama yát'ay apketkok yaqwayam hélmések ekyaqmageykekxa m'a yámelyeheykok étkok kennawo nak; sa' agkok kólyaqmagkásekxak ma'a, kólwápakhássesek sa' ayespok ma'a yámelyeheykok étkok nak. Kéméxcheyk nahan chá'a hélmések aqsok sélmésso naqsa ekyaqmageykekxa m'a kélketchek appalleyam apmonye'e nak. Méko sa' nahan xama énxet enxoho apwanchek ewaták sekhakxa ko'o mesánto enxoho xama aqsok.

Levítico 23:10

“Etne sa' elának israelitas se'e: Kélántaxneyk sa' agkok kéxegke m'a xapop sekmako nak ko'o agkések, tén han kélyaqtenna enxoho hótáhap kélcheneykekxa, kólsakxések sa' chá'a apkelmaxnéssesso Dios énxet'ák apagkok ma'a apmonye' kélyaqténma nak kélpextete.

Miqueas 6:6

¿Yaqsa sa' ko'o asakxések Wesse' egegkok yaqwayam alpeykesho', cham'a Dios apha nak néten? ¿Awakxaya sa' ko'o aphakxa yetlo sekyentameykekxa weyke étkók kennawo' xama apyeyam agkok, yaqwayam enxoho kawatnaxchek kólmések?

Deuteronomio 16:16

“Ántánxo apkelweykekxa sa' nahan chá'a etnahagkok xama apyeyam nápaqtók Dios Wesse' apagkok ma'a apyókxoho apkelennay'a nak, cham'a apkelyeságkaxa sa' ekyetnamakxa m'a apwesey, neyseksa élánamáxche sa' se'e kélessawássessamo nak: aptámákpexa nak chá'a kelpasmaga meyke kempáseyak, kélessawássessamókxa nak chá'a semána, tén han ma'a kélpakxeneykegkaxa nak chá'a yenta'a aktegák étkók. Méko sa' kawának kawakxak nápaqtók Wesse' egegkok meyke ekseykekxa xama aqsok,

1 Samuel 6:3

Aptáhak axta apkelátegmowágko: —Peyk sa' agkok kólyensakxak makham ma'a Dios Israel nak yántéseksek apagkok, nágkólaphés aqsa meyke kélyetlókassamo xama aqsok, kólmés sa' ekyaqmageykekxa kélsexnánémaxche' m'a Wesse' apagkok. Keñe sa' kóltaqmelekxak makham kéxegke, kólyekpelchágwok sa' ektémakxa melwátesseykmo apkellegassáseykegkoho.