Éxodo 23:12 - Biblia Enxet

¹² “Elána chá'a ekyókxoho aqsok ekyetnakxa enxoho chá'a yaqwayam elának ekweykmoho seis ekhem, keñe sa' ma'a ekhem siete ellókasek chá'a apyampe, yaqwayam enxoho nahan kallókasek ekyampe m'a wey aptósso tén han ma'a yámelyeheykok nak, tén han yaqwayam enxoho kaxnekxak chá'a apwasqapma m'a apchásenneykha naqsa nak tén han ma'a énxet apkeñama nak mók apkelókxa.

Éxodo 23:12 Iomraidhean Croise

Nehemías 13:16

Yetneyk axta han nápakha énxet'ák apkeleñama nak tegma apwányam Tiro apheykha axta m'a, apkelseykekxa chá'a m'a kelasma, tén han ekyókxoho mók ektémakxa nak aqsok apkexeykekxa, apkelyánmagkásamákpek axta chá'a judíos sábado m'a Jerusalén.

Éxodo 16:23

aptáhak axta apkeláneya Moisés se'e: —Keso apkeltémókxa katnehek Wesse' egegkok se'e. Saka sa' sábado, xama ekhem néllókassamakxa nélyampe nempagkanchesamaxchexa m'a Wesse' egegkok. Kólhan sa' sakhem ekyetnakxa enxoho yaqwayam kólhánek, kólméxenches sa' ma'a ekyetnakxa enxoho yaqwayam kólméxenchesek, kóltaqmelches sa' yaqwayam kólmaha saka m'a ekyókxoho eyémomáxche enxoho.

Éxodo 23:11

keñe sa' ma'a ekwokmo enxoho siete apyeyam, ná eknekxa aqsa, yoho sa' kallókasek ekyampe xapop apagkok yaqwayam sa' etawagkok ekhéyak kañe' awáxok apkelchekha m'a énxet'ák apmopyóseka, apheykha m'a kañe' apchókxa, tén han yaqwayam enxoho katawagkok éleymomaxche m'a aqsok nawha'ák élmeymentakcha'a nak. Etnésses sa' nahan ma'a anmen yámet apkeneykekxa nak tén han ma'a olivo yámet nak.

Éxodo 34:21

“Kóltemeykha chá'a ekweykmoho seis ekhem, keñe sa' ma'a ekhem siete kóllókasek chá'a kélyampe, kammok sa' eykhe m'a ekhem kélcheneykekxexal'a aqsok aktek tén han ma'a eknakxamáxchexal'a ekyexna.

Éxodo 35:2

Kélwanchek sa' eyke chá'a kóltemeykha ekweykmoho seis ekhem, keñe sa' ma'a ekhem siete katnehek sa' xama ekhem ekpagkanamaxche' kélagkok kéxegke, kéllókassamakxa kélyampe eñama m'a Wesse' egegkok. Apyókxoho énxet ektáhakxa enxoho aptamheykha xa ekhem nak, yáneykpok sa' ematñekxa'.

Éxodo 35:3

Megkólwanchek sa' nahan chá'a kéxegke kólwatnek táxa ekhem sábado m'a kélhágkaxa enxoho chá'a.”

Isaías 58:3

keñe etnehek chá'a elpaqmétek se'e: ‘kaqhok mantewek nento mehenlano enxoho m'a Dios, kaqhok óghaxchek ma'a megkaxéna enxoho apwáxok.’ Megkóleyxek eyke chá'a kéxegke kólyanmagkasaxchek ma'a ekwokmo enxoho ekhem mantamakxa nento, kólhak chá'a m'a kélásenneykha nak;

Levítico 23:3

“Kóltemeykha sa' chá'a ekweykmoho seis ekhem, keñe sa' siete ekhem, megkóllañehek chá'a xama enxoho kéltamheykha; katnehek sa' néllókassamakxa nélyampe, kólpeykeshok sa' nahan Wesse' egegkok. Katnehek sa' ekhem kéllókassamakxa kélyampe megkólwagqayam Wesse' egegkok, kélhámxa enxoho chá'a.