Éxodo 23:1 - Biblia Enxet

¹ “Ná exén chá'a amya'a ekmowána amya'a, ná ewhánho nahan énxet ekmaso nak aptémakxa yaqwayam exének ma'a amya'a megkamámnaqsoho nak.

Éxodo 23:1 Iomraidhean Croise

Génesis 39:17

Hawók axta han éltennáseykha m'a ektáhakxa axta éltenneykha, axta entáhak eyáneya s'e: —Aptaxneyk axta ko'o kañe' exagkok apmako hetnéssessamhok exma m'a hebreo segyentegkáseykenta axta,

2 Samuel 16:3

—¿Háxko apmahágkaxa m'a wesse' apagkok axta aptáwen? —axta aptáhak apkelmaxneyáncha'a m'a wesse' apwányam. —Aphákxeyk ma'a Jerusalén —axta aptáhak apchátegmowágko Sibá—, hakte apkeneykek egkeyásekxak israelitas ma'a apchókxa', apagkok axta m'a apyáta' Saúl.

2 Samuel 19:27

Asagkek axta ko'o sexéneykha nápaqtók xép wesse'. Hetnéssesek sa' eyke exchep apmakókxa enxoho hetnéssesek, wesse', aphémo nak Dios apchásenneykha.

Salmos 101:5

Alwanmeyásekxak sa' chá'a m'a apkelyexamakpoho nak chá'a apkelxéneykha ekmaso m'a apheykha nak ketók apheykegkaxa'; ¡megkalchehek sa' ko'o ewáxok ma'a apkelásennómap nak, tén han ma'a éleymáxkoho apkelwáxok!

Salmos 120:3

¿Háxko sa' etnéssesek kéxegke Wesse' egegkok kélpaqméteykha nak chá'a ekmaso?

Salmos 15:3

mexeyenma nak chá'a ekmaso pók, metnéssesseykmoho nak exma ekmaso m'a apxegexma, metaqnagko nak ma'a apha nak ketók apxagkok;

Salmos 27:12

nágyoho aqsa hetnéssesek ma'a apmakókxa enxoho hetnéssesek, hakte apkelmopwancha'a amya'a aptamhágkok sénmexa ko'o, apkelyennaqteyáseyha apyempe'ék sélana.

Salmos 35:11

Apkelmopwancha'a amya'a aptamheykegkok sexéneykencha'a m'a énxet'ák élmasagcha'a nak apkeltémakxa. Hélmaxneyha chá'a m'a aqsok may'ásegkaxa nak ko'o.

Éxodo 20:16

“Ná etne apmopwána amya'a exének ekmaso pók.

Éxodo 23:7

“Ná etne chá'a apmopwána amya'a, nágyána nahan chá'a emátog ma'a énxet meyke nak aptémakxa tén han ma'a meyke nak apsexnánémap, hakte maxének sa' ko'o ektaqmela aptémakxa énxet apteme nak chá'a xa ektáha nak.

Proverbios 10:18

Ekpósek chá'a ektémakxa aplo m'a énxet apmopwána nak amya'a, keñe m'a élyeyháxma nak elsawha aqsa chá'a apkelmopwancha'a amya'a.

Proverbios 12:17

Énxet apxeyenma nak chá'a amya'a ekmámnaqsoho, etekkesek chá'a aqsok ekpéwomo; keñe m'a apmopwána amya'a nak chá'a, enaqtawasagkohok chá'a apnámakkok elyexanchesha.

Proverbios 14:5

Metnehek apmopwána amya'a m'a apxeyenma nak chá'a apweteykegkoho naqso'; apmopwána amya'a eyke chá'a etnehek ma'a apxeyenma nak chá'a apweteykegkoho megkamámnaqsoho.

Proverbios 17:4

Yeyxhok chá'a appeywa ekmaso énxet ma'a ekyeyháxma nak, keñe m'a apmopwancha'a nak chá'a amya'a, yeyxhok chá'a apkelpaqméteykha m'a apkelxéneykha nak apnámakkok ekmaso.

Proverbios 19:28

Ey'assók aqsa chá'a ektaqmalma kéllánekxésso amya'a énxet'ák ma'a énxet apxeyenma nak chá'a apweteykegkoho megkamámnaqsoho; aqsok ekmaso aqsa chá'a exének ma'a ekmaso nak aptémakxa'.

Proverbios 19:5

Kóllegássesagkohok sa' chá'a m'a apxeyenma nak chá'a apweteykegkoho megkamámnaqsoho; mopwanchek sa' yegketakpok ma'a énxet apteme nak chá'a apmopwána amya'a.

Proverbios 19:9

Kóllegássesagkohok sa' chá'a m'a apxeyenma nak chá'a apweteykegkoho megkamámnaqsoho; yetsapok sa' eyke m'a apteme nak chá'a apmopwána amya'a.

Proverbios 21:28

Yetsapok sa' ma'a énxet apxeyenma nak chá'a apweteykegkoho megkamámnaqsoho; apwanchek eyke yátegmowagkokxak chá'a m'a apmopwána nak chá'a yeyxho'.

Proverbios 24:28

Ná exén aqsa meykexho aqsok eksexnenagko pók, ná etne nahan apmopwána amya'a exének ma'a.

Proverbios 25:18

Sawo ekyentaxno, sókwenaqte, tén han yágke aktek ekmahamta agko', ¡cháxa apyetchásamákpoho m'a énxet apxeyenma nak aqsa apmopwána amya'a apxegexma meykexho aptáhakxa!

Proverbios 25:23

Kasógmohok chá'a ekmámeye m'a excheyha, keñe negya'ásseyam ekmaso m'a eklo nak négát.

Proverbios 6:19

énxet apteme nak apmopwána amya'a exének pók, appehésseyam nak aqsa chá'a pók, énxet aptekkessesso nak chá'a apkelenmexamap nepyeseksa apnámakkok.

Jeremías 20:10

Añohok chá'a ko'o etnehek elyexchesakpohok elpaqmétek énxet'ák se'e: “¡Sawheykxók élmeneymaxche ekyókxoho yókxexma!” Etnehek nahan chá'a s'e: “¡Kólchempoho, ansexnenak sa'!” Weykmók nahan chá'a apkelhaxanma atlapmok ma'a sélxegexma'a ahagko' nak. Etnehek chá'a elpaqmétek se'e: “Elyahakxohok sa' kexa kólyexanchesha; keñe sa' agmok, agyaqmagkásekxak ma'a senteméssessamakxa nak negko'o.”

Levítico 19:11

“Nágkólmenyex nahan chá'a. Nágkólteme chá'a kélmowána amya'a, nágkólyexanchesha han chá'a kélmók.

Levítico 19:16

“Nágkóltemeykha kélmowána amya'a nepyeseksa énxet'ák kélagkok. “Nágkólwéhenekxoho chá'a m'a kélmók apmáheyo yaqhek pók. Ko'o sekteme Wesse' kélagkok.

Deuteronomio 5:20

‘Nágkólteme chá'a kélmowána amya'a kólxének ekmaso kélmók.