Éxodo 20:7 - Biblia Enxet

⁷ “Ná etwasha apmeykha apwesey Dios Wesse' apagkok, hakte meyenyekxék aqsa nahan meyke apkelyekpexchetma m'a ektáha enxoho aptawássáseykha apmeykha m'a apwesey.

Éxodo 20:7 Iomraidhean Croise

Génesis 27:20

Tén axta Isaac aptáha apkelmaxneyáncha'a s'e: —Hatte, ¿háxko ektáhakxa apwet'a nak ekmanyehe agko'? —Dios Wesse' apagkok epasmak sekwet'a heykxa —axta aptáhak apchátegmowágko Jacob.

1 Reyes 2:9

Nágkapyósho aqsa elano'. Apwanchek xép aqsok, ey'asagkoho sa' yaqwánxa etnéssesek. Yának sa' emátog ekmaso agko'.”

2 Reyes 5:20

tén axta ektáha élchetamso apwáxok Guehazí, apkeláneykha nak ma'a Dios appeywa aplegasso: “Apcha'awok aqsa aptaqháwo wesse' ahagkok ma'a sirio, cham'a Naamán, meyke apma xama aqsok apkelsókáseyam. Naqsók ko'o ektemessásak yetlo sekxeyenma Wesse' egegkok apwesey, eytlakxak sa' se'e kaxwo' nak, yaqsa sa' kexa aqsok axka'.”

Salmos 139:20

cham'a apxéneykha nak chá'a ekmaso exchep, eyaqhémo nak chá'a yenmexek xép.

Proverbios 30:9

hakte eyeykhágwokmók agkok ko'o xa aqsok nak, ayenyók kexa katnehek xép, axének may'ásegko; méko agkok han aqsok ahagkok, amenyexek kexa nahan katnehek, keñe atwássesha m'a apwesey nak xép Dios ahagkok.

Jeremías 34:16

Keñe kélyaqmagkasa makham mók élchetamso kélwáxok, kéltawáseyncha'a sekwesey kéltamho elchexyók makham ma'a kélásenneykha naqsa kélchexeykekxa axta, kéltamho etnahagkokxak makham kélásenneykha naqsa.

Jeremías 4:2

kélwanchek sa' hélmések kélpeywa yetlo kélxeyenma sekwesey, ekmámnaqsoho agko', tén han ektaqmalma tén han ekpéwomo. Sekwesey sa' chá'a elmaha elmaxnéssesek aqsok éltaqmalma apnámakkok ma'a pók aptémakxa énxet'ák, tén han ektaqmalma apkelxénamap.”

Ezequiel 39:7

Wának sa' ko'o elya'asagkohok sekwesey ektaqmalma m'a énxet'ák ahagkok Israel, magwohok sa' chá'a kaxwók kóllenxanmagkohok kéltawáseykha. Keñe sa' ma'a énxet'ák apkeleñama nak mók apkelókxa elya'ásegwók sektáha ko'o sektaqmalma m'a kañe' Israel, ko'o sektáha nak Wesse'.

Levítico 19:12

“Nágkólteme nahan chá'a kélmowána amya'a kólxének kóllának aqsok yetlo kélmeykha sekwesey, hakte kóltawasha katnehek apwesey Dios kélagkok. Ko'o sekteme Wesse' kélagkok.

Malaquías 3:5

Aptáhak Wesse' egegkok ekha apyennaqte s'e: “Awaták sa' ko'o yaqwayam alyekpelchágwatámhok kéxegke. Keytlawhok sa' ko'o sélxéncháseykekxoho apkeltémakxa m'a aptamhéyak nak chá'a apkelyohóxma, tén han ma'a apnaqtawáseykegkoho nak chá'a apnaqteyegka'a apkelane chá'a mók, tén han ma'a eyaqhémo nak chá'a etnéssesek ekmámnaqsoho apkelpeywa, tén han ma'a apnaqtawáseykegkoho nak chá'a énxet'ák ekha nak apkeltamheykha, tén han ma'a xentampe'e nak, tén han ma'a élyéheykha nak, tén han meltaqmelchesso nak ma'a apkeleñama nak mók apkelókxa, tén han ma'a meheyáyo nak chá'a.

Deuteronomio 10:20

“Kólyahakxoho chá'a Dios Wesse' kélagkok, kólpeykesho nahan chá'a wánxa m'a; nágkólyensem kélyetleykha, peyk sa' agkok chá'a kóltéméssesek ekmámnaqsoho kélpeywa, kóllána chá'a yetlo kélxeyenma m'a apwesey.

Deuteronomio 5:11

‘Nágkóltawasha kélmeykha apwesey Dios Wesse' kélagkok, hakte megkatnehek chá'a meñassáseykegkoho Dios ma'a ektáha nak chá'a aptawassáseykha apmeykha m'a apwesey.

Deuteronomio 6:13

Kólpeykesho chá'a Dios Wesse' kélagkok, kólteme chá'a wánxa kéláyo m'a, peyk sa' agkok chá'a kólteméssesek ekmámnaqsoho agko' kélpeywa, kóltemésses chá'a wánxa ekmámnaqsoho m'a Wesse' egegkok apwesey nak.

Josué 2:12

Cháxa keñamak séltamho nak ko'o kéxegke hélteméssesek naqsók agko' kélpeywa nápaqtók Wesse' kélagkok, yaqwayam kóltaqmelchesek ma'a étchek, ekhawo nak ko'o sekteméssesakxa kéxegke séltaqmelchesa. Héllanés sa' ko'o xama aqsok magkenatchesso nak yaqwayam may'ássemek ektáha ekmámnaqsoho peya kóltéhek.

Josué 2:17

Aptáhak axta apkelátegmowágko: —Naqsók agko' sa' negko'o antéhek xa éltamhókxa nak antéhek;

Josué 9:20

Óghok sa' aqsa exmakha, hakte negyaqmagkassek sa' agkok negko'o m'a nentáhakxa axta nélpeywa ekmámnaqsoho agko', hẽltaqnaweygkok sa' ma'a Dios.