Éxodo 20:3 - Biblia Enxet

³ “Ná etegye pók dios emonye' ko'o.

Éxodo 20:3 Iomraidhean Croise

1 Reyes 11:4

Apwányamók axta aptemék Salomón, yenyókassegkek axta Dios ma'a apnaqteyegka'a éltémo elpeykeshok ma'a mók aqsok kéláyókxa, hakte axta egkeyásamákpohok apagko' ma'a Dios Wesse' apagkok, aptéma axta m'a David, apyáp axta, apmeyásamákpoho apagko' ma'a Dios.

Salmos 29:2

kóltemésses eyeymáxkoho apwesey Wesse' egegkok, kólpeykesho Wesse' egegkok ma'a kañe' nak tegma appagkanamap apagkok aptaqmalma.

Salmos 73:25

¿Yaqsa ekyetnama ko'o m'a néten? ¡Wánxa exchep! Ekheyk sa' agkok xamók xép, méko sa' wámenyéhok aqsok keso náxop.

Salmos 81:10

Ko'o sekteme Dios Wesse' kélagkok, ektáha axta sélántekkesso m'a Egipto; kólmayhe sa', alyaqkánegkesek sa' ko'o kéxegke.

Salmos 81:9

Nágkóltegye aqsa mók aqsok kéláyókxa, éleñama nak mók nekha; nágkólpeykesho aqsa m'a aqsok kéláyókxa megkólya'ásegko nak.

Éxodo 15:11

“Wesse' egegkok, ¡méko pók dios egwanchek aghéshok xép! ¡Méko apwányam aphawo nak xeyep! ¡Xeyep apkelane chá'a m'a aqsok ekpelakkasso nak agweta' tén han ma'a ekpexchessamo nak egyempehek agweta'! ¡Payhawók xeyep kólteméssesek apcheymákpoho!

Éxodo 20:23

Nágkóllána aqsok kéláyókxa m'a sawo ekyátekto élmomnáwa nak, essenhan ma'a sawo ekmope élmomnáwa nak yaqwayam enxoho kólpeykeshok ektémól'a ko'o hélpeykesho'.

Éxodo 22:19

“Énxet apteméssesseykmohoxma enxoho xama aqsok kéltósso, yáneykpok sa' ematñekxa'.

Éxodo 23:24

Nágkólhésagkoho ektémakxa nak élmasagcha'a apkeltémakxa xa énxet'ák nak. Nágkólháxe amonye'e m'a aqsok apcháyókxa nak, nágkólpeykesho nahan; kólsawhaksoho aqsa kólekkexchásekxak ma'a ekyókxoho aqsok kéleykmássesso nak tén han ma'a meteymog apkeláncháseyák nak chá'a apkelpeykessamo.

Éxodo 32:8

Yahamók agko' apyensakmo apkelyetlo m'a ámay séltémókxa axta ko'o elyetlók. Apkelánegkek xama weyke kennawók étkok kéleykmássesso m'a sawo ekyátekto ekmomnáwa kélháneykekxa nak kélpeykáseykekxa, apkelpeykásawók nahan, apkelsákxéssek nahan ma'a aqsok apkelmésso naqsa apagkok; aptáhak nahan chá'a apkelpaqmeta s'e: ‘¡Israel, keso dios apagkok se'e, ektáha axta aptekkesso m'a Egipto!’

Éxodo 34:14

“Nágkólpeykesho chá'a xama enxoho m'a pók kéláyókxa nak chá'a, hakte Wesse' egegkok apteme apkelmeyeykha. Dios sẽlmeyeykha apwesey m'a.

Isaías 26:4

Kólteme chá'a kéláyo m'a Wesse' egegkok, hakte cha'a apteme segmasma apyennaqte memassegwayam ma'a.

Isaías 42:8

Ko'o sekteme Wesse', cháxa sekwesey ko'o xa, magwohók sa' ko'o kólmések seyeymáxkoho xama enxoho m'a mók aqsok nak tén han kóltéhek kéláyo m'a aqsok kéleykmássesso, ko'o eyke aqsa payhawók chá'a hélpeykesho'.

Isaías 43:10

Aptáhak Wesse' egegkok se'e: “Kéxegke kélteme kélweteykegkoho chá'a aqsok sélane, kéltáha nak séláneykha, sélyéseykha axta yaqwayam hélyekpelkohok chá'a tén han héláwho', tén han hélya'asagkohok chá'a yaqsa ko'o. Méko axta xama aqsok kéláyókxa maweykxa axta ko'o, méko sa' nahan katnehek xama enxoho m'a netámen sa'.

Isaías 44:8

¡Kólwasqápekxoho, nágkóle'! Axta ektemék ko'o sélanagkama kéxegke xa ektáha nak, eklegassegkek axta m'a nanók agko' axta, kéxegke kélteme kélya'áseykegkoho. ¿Yetneyk enxeykel'a pók dios mók nekha? Méko pók apkelmasma énxet; mateyk xama enxoho.”

Isaías 46:9

kaxénwakxoho kélwáxok ma'a ektémakxa axta nentámen cham'a nanók agko' axta. Ko'o sekteme Dios, méko pók; ko'o Dios, méko pók sekhawo ko'o.

Jeremías 25:6

Nágkólyetlakxa m'a mók aqsok kéláyókxa; nágkólteme éláneykha, nágkólpeykesho nahan. Nágkóllókas Wesse' egegkok kólpeykeshok ma'a aqsok kéláyókxa kéllánéyak kélagko' nak kéxegke, keñe sa' megyahék kéxegke xama enxoho m'a aqsok ekmaso.’

Jeremías 35:15

Ketók pók axta eykhe ektemék séláphássesso chá'a apyókxoho m'a séláneykha apkellegasso nak chá'a sekpeywa, yaqwayam etnehek elának se'e: Kólwátésák kéltémakxa ekmaso, tén han ekmaso kéllánéyak aqsok. Nágkólyetlakxa m'a mók aqsok kéláyókxa nak, nágkólpeykesho han, keñe sa' kóllenxanmagkohok kélheykha s'e xapop sekmésso axta ko'o kéxegke, tén han ma'a kélyapmeyk nano' axta. Makke kéxegke hélháxenmo', mehelyeheykekxohok nahan.

Jeremías 7:9

Kélmenyexeykegkek chá'a, kélnapmeyk chá'a kélnámakkok, kélnaqtawáseykegkók chá'a kélnaqteyegka'a kéllánegweykmo chá'a mók kelán'a, kélméssegkek chá'a kélpeywa Wesse' egegkok kélmowána amya'a, kélméssegkek chá'a aqsok ánek ekmátsa nak ekpaqneyam ma'a Baal, kélpeykessamók chá'a aqsok kéláyókxa megkólya'ásegko nak kéxegke,

Daniel 3:18

Sa' agkok hẽlwagkásak teyp, ey'asagkoho sa' wesse', mólpeykesók sa' negko'o m'a aqsok apkelpeykessamókxa nak, mólháxahagkek han amonye' m'a kéleykmássesso sawo ekyátekto ekmomnáwa nak.

Oseas 13:4

Aptáhak Wesse' egegkok se'e: “Ko'o Wesse', ko'o Dios apagkok eyeynamo m'a aphamakxa axta Egipto: Ná etne aqsa Dios apagkok mók aqsok enxoho, ko'o sa' aqsa, ko'o sekwánxa ahagkok sekwagkasso teyp xép.

Deuteronomio 5:7

‘Nágkóltegye mók aqsok kéláyókxa emonye' ko'o.

Deuteronomio 6:14

Nágkólyetlakxa m'a aqsok kéláyókxa apkelpeykessamo nak chá'a énxet'ák apheykha nak kélnepyáwa,

Deuteronomio 6:5

“Kólásekhoho Dios Wesse' kélagkok, ekweykmoho kañók agko' kélwáxok, tén han ekweykmoho m'a élchetámeykegkaxa nak kélwáxok, tén han ekweykmoho m'a kélyennaqte nak.

Jueces 6:10

Éltennassegkek axta han ko'o sekteme Dios Wesse' kélagkok, tén han maltémo kóleyk ma'a aqsok apcháyókxa nak amorreos, kélheykegkaxa nak kaxwók kéxegke m'a xapop apagkok; axta eyke hélháxenmók ko'o kéxegke.’”