Éxodo 20:24 - Biblia Enxet

²⁴ Héllanés ko'o xama ekwatnamáxchexa aqsok xapop. Sa' kólnegkenwók néten aqsok kélnaqtósso kélmáheyo nak hélmések ma'a, cham'a nepkések kélnaqtósso nak tén han ma'a weyke, yaqwayam enxoho kólteméssesek aqsok élwatnamáxche', tén han aqsok ektekyawa ekyaqmageykekxa nak chá'a kélásekhamaxchekxoho. Amyenták sa' ko'o m'a, altaqmelchesek sa' nahan chá'a xama yókxexma séltamhókxa enxoho chá'a ko'o kaxénaxchek ma'a sekwesey.

Éxodo 20:24 Iomraidhean Croise

Génesis 12:2

Axámassásekxak sa' ko'o aptawán'ák neptámen, énxet apxámokma sa' etnekxa'; apasmok sa' xép, apeykessásekxak sa' apwesey ekyókxoho yókxexma, xép sa' nahan kañenták apasmok ma'a pók énxet'ák nak.

2 Samuel 6:12

Xama axta kéltennásencha'a wesse' apwányam David appasmoma chá'a Wesse' egegkok ma'a Obed-edom apketchek, tén han ekyókxoho aqsok apagkok, apya'aweykxeyk axta David, yetlo ekyawe ekpayheykekxa apwáxok axta han apwákxak Obed-edom apxagkok ma'a Dios yántéseksek apagkok, apsákxo m'a David Tegma Apyawe Apagkok.

1 Reyes 8:29

Ná elwátessem apkeláneykha s'e tegma appagkanamap nak, ekhem tén han axta'a, apxeyenmakxa axta exchep katnehek ekxénamaxchexa apwesey. Yeyxho sélmaxnagko ko'o sektáha nak xép apkeláneykha.

1 Reyes 8:43

yeyxho sa' xeyep ma'a aphakxa nak néten, egkés sa' xép ekyókxoho m'a aqsok apkelmaxnagko, yaqwayam sa' elyekpelkohok xép ma'a apyókxoho pók aptémakxa nak énxet'ák keso náxop, tén han yáwhok chá'a, aptamheykegko nak ma'a énxet'ák apagkok Israel, tén han elya'asagkohok ekxénamaxchexa apwesey s'e tegma appagkanamap nak, sélánésso axta ko'o exchep.

1 Reyes 9:3

aptáhak axta apcháneya: “Eklegayak ko'o m'a apkelmaxnagko sélmaxnagko axta ko'o exchep, ekteméssessek han appagkanamap se'e tegma apkelane axta, yaqwayam katnehek ekyetnamakxa sekwesey meyke néxa'. Alanha sa' chá'a ko'o xa, malwátéssemek sa' ekxeyenma ewáxok.

2 Reyes 5:17

Tén axta aptáha Naamán se'e: —Yoho sa' aqsa ko'o alsakxak xapop éleñama nak se'e kañe' nak Israel, ánet yámelyeheykok sa' alpátegkesek; hakte magkések sa' ko'o kaxwók aqsok ekmatñá kélwatno m'a mók aqsok kéláyókxa nak, magkések han ma'a aqsok kélnaqtósso ektekyawa nak, wánxa sa' aqsa chá'a agkések ma'a Wesse' egegkok.

2 Crónicas 12:13

Yágweykmók axta aqsa ekyennaqte apteme wesse' apwányam Roboam ma'a Jerusalén, aptemegkek axta makham wesse' apwányam. Cuarenta y un apyeyam apagkok axta weykmok apkeynamo apteme wesse' apwányam, diecisiete apyeyam axta han apteme wesse' apwányam ma'a Jerusalén, cham'a tegma apwányam apkelyéseykegkaxa axta Wesse' egegkok nepyeseksa m'a pók aptémakxa nak énxet'ák Israel, yaqwayam etnehek aphamakxa chá'a. Naamá axta ekwesey egken ma'a Roboam, eñama axta m'a Amón.

2 Crónicas 6:6

Jerusalén axta eyke élyéseykha yaqwánxa katnehek ekxénamaxchexa sekwesey, élyéseykha axta han David yaqwayam enxoho etnehek apkeláneykha énxet'ák ahagkok Israel.’

2 Crónicas 7:16

hakte élyesáha ko'o s'e tegma appagkanamap nak yaqwayam katnehek ekyetnamakxa sekwesey megkatnégwayam néxa, ekpagkanchek han. Alanha sa' chá'a, kaxénmakha sa' chá'a ewáxok.

Esdras 6:12

Emasséssók sa' Dios apkelyéseykha nak Jerusalén ekyetnamakxa nak apwesey m'a apyókxoho apkelwesse'e apkelwányam, essenhan ma'a pók aptémakxa énxet'ák apmáheyo nak chá'a etwasha m'a Wesse' egegkok tegma appagkanamap apagkok, apyetnama nak ma'a Jerusalén. Éltennássek ko'o xa séltamhókxa nak kóltéhek, ko'o Darío. Kóllána sa' ekyókxoho meyke kéláyam xama enxoho.”

Nehemías 1:9

keñe apxeyenma negya'aweykto enxoho exchep, tén han nenlánegko enxoho m'a apkeltémókxa nak antéhek, nélyahákxoho enxoho, apxeyenma hennaqlosawakxak neyseksa néxpaqneykha ekweykmoho m'a ektemegwánxa nak néxa keso náxop, hennaqlakxak makham ma'a yókxexma ekpagkanamaxche apkelyéseykegkaxa axta ekyetnamakxa apwesey.

Salmos 101:2

émenyeyk ko'o atnehek ekpéwomo sektémakxa. ¿Háxko sa' ekwánxa hey'óta'? Ektaqmalma sektémakxa sa' ko'o atnehek, cham'a exagkok nak;

Salmos 122:2

Jerusalén, ¡nélántaxneyk kaxwók kañe' apwáxok!

Salmos 128:5

¡Epasmok sa' xép Wesse' egegkok, cham'a aphamakxa nak egkexe Sión! ¡Étak sa' ektaqmeleykekxa m'a Jerusalén, yókxoho ekhem neyseksa apha!

Salmos 134:3

¡Epasmok sa' Wesse' egegkok apkelane nak néten, tén han keso náxop, cham'a aphamakxa nak egkexe Sión!

Salmos 74:7

Apwatneyk ma'a tegma appagkanamap apagkok; ¡apkenyetséssek ma'a kélpeykessamókxa nak chá'a, apyaqnegkessek náxop!

Salmos 76:2

Apyetnegkek tegma appagkanamap apagkok ma'a Jerusalén; aphegkek ma'a egkexe Sión,

Salmos 78:68

Judá énxet'ák apagkok axta aqsa Apkelyesáha, tén han ma'a egkexe Sión, apchásekhayo apagko' axta chá'a.

Éxodo 10:25

Apchátegmowágkokxeyk axta m'a Moisés. Aptáhak axta s'e: —Ma', mogwanche', xeyep apagko' sa' hẽlmések negko'o aqsok kélnaqtósso yaqwayam ólnápok tén han agwatnek eñama mólwagqayam ma'a Dios Wesse' egegkok.

Éxodo 18:12

Tén axta Jetró apyentamánto xama aqsok kéltósso yaqwayam ewatnések ma'a Dios, tén han ma'a mók aqsok apkelmésso naqsa nak chá'a Dios. Keñe axta m'a Aarón tén han ma'a apyókxoho apkelámha apmonye'e axta m'a Israel apkelmahágko apmako etawagkohok xamo' aptéyak Moisés apepyáta' m'a nápaqtók Dios.

Éxodo 20:25

Éllánéssek agkok xama ekwatnamáxchexa aqsok ma'a meteymog, nágkólmaha chá'a m'a meteymog kélyaqtennéyak la'a, hakte kélyaqtennágkek agkok chá'a meteymog ma'a aqsok kélmeykegko nak chá'a kólyaqtennagkok, ekmaso kólteméssesek ma'a ekwatnamáxchexa nak aqsok.

Éxodo 24:4

Tén axta Moisés aptáxésa ekyókxoho m'a aptáhakxa axta apcháneya m'a Wesse' egegkok, tén axta mók ekhem, axto'o agko' axta apxatakha'a, apkelanak axta xama ekwatnamáxchexa aqsok ma'a kóneg nak egkexe, apkelánchásegkek axta nahan doce meteymog élpagkanamaxche', xama axta nahan chá'a m'a pók aptémakxa nak chá'a énxet'ák ma'a Israel.

Éxodo 24:5

Tén axta apkeláphasa wokma'ák israelitas apkeltamho yaqhek weyke kennawo' egkések Wesse' egegkok etnéssesek aqsok ekwatnamáxche tén han ektekyawa segwetassamo nak nélásekhamaxchekxoho.

Éxodo 27:1

“Elána sa' xama ekwatnamáxchexa aqsok ekhémo mók ekpayhakxa, yámet apkeñama nak wantep, ekwayam nak chá'a ánet metros veinticinco centímetros xama nekha, tén sa' xama metro veinticinco centímetros ekmahéyák ma'a néten.

Isaías 64:5

Emhohok xép takha' m'a énxet apkelane nak chá'a aqsok ektaqmela yetlo ekpayheykekxa apwáxok, megkalwagqayam nak chá'a elának ma'a apmopmenyého nak chá'a exchep. Aplamchek axta exchep, hakte nenláneykegkek axta negko'o mólya'assáxma; nanók agko' axta nenlókáséyak.

Levítico 17:9

melsákxo enxoho m'a nentaxnamakxa nak kélpakxanma apchaqneykekxexa nak chá'a énxet'ák, yaqwayam elmések ma'a Wesse' egegkok, kóltekkesek sa' chá'a nepyeseksa énxet'ák apagkok.

Malaquías 1:11

Apyókxoho pók aptémakxa énxet'ák chá'a ko'o etnehek seyáyo, ekyókxoho yókxexma chá'a hélwatnések ma'a aqsok ánek ekmátsa nak ekpaqneyam éten agkok, tén han hélmések chá'a aqsok sélmésso naqsa ekpayhawo nak chá'a hélmések.

Deuteronomio 12:11

keñe sa' ma'a apkelyéságkaxa enxoho Dios Wesse' kélagkok yaqwánxa epekkenek ma'a apwesey, kólmések sa' chá'a kéxegke m'a ekyókxoho séltamho exchek kólmések: kélnaqtósso ektekyawa nak tén han ma'a élwatnamáxche nak eñama megkólwagqayam, tén han ma'a kélpekkenma nak chá'a ekwayam diez xama aqsok kélagkok kélwete eñama kéltamheykha, tén han ma'a aqsok kéláncheseykekxa nak chá'a kélnegkenma, tén han ma'a ekyókxoho mók aqsok kélyéseykha kélxeyenma nak chá'a kóllanaksek ma'a Wesse' egegkok.

Deuteronomio 12:21

Tayépek sa' agkok kélheykegkaxa kéxegke apkelyéságkaxa yaqwánxa epekkenek apwesey m'a Dios Wesse' kélagkok, kélwanchek sa' kólnápok chá'a weyke tén han nepkések apkelmésso nak chá'a Wesse' egegkok tén han kóltawagkok ekyókxoho kélmakókxa enxoho chá'a kóltawagkok ma'a kélheykegkaxa nak chá'a kéxegke, ekhawo m'a séltamho exchek ko'o kóltéhek.

Deuteronomio 12:5

Elyésha sa' eyke xama yókxexma Wesse' egegkok yaqwánxa katnehek ekyetnamakxa apwesey nepyeseksa m'a énxet'ák kélagkok nak. Sa' nahan chá'a kélwanchek kéxegke kólmeyekxak kólpeykeshok ma'a yókxexma nak.

Deuteronomio 14:23

Kóltawagkok sa' chá'a kéxegke nápaqtók Dios Wesse' kélagkok cham'a yókxexma apkelyéságkaxa sa' yaqwánxa katnehek ekyetnamakxa apwesey, cháxa ekwayam nak chá'a diez ma'a hótáhap apaktek kélagkok tén han ma'a vino tén han ma'a pexmok égmenek nak, tén han ekpalleyam amonye'e nak chá'a étkók ma'a weyke kélnaqtósso tén han ma'a nepkések, yaqwayam sa' kaltámeyagkok chá'a kéláyo m'a Wesse' egegkok.

Deuteronomio 16:11

Kóllának sa' kélessawassamo nápaqtók Dios Wesse' kélagkok ma'a apkelyéságkaxa sa' ekyetnamakxa m'a apwesey, yetlo m'a kélketchek tén han ma'a kélásenneykha naqsa nak, tén han yetlo m'a levitas, tén han ma'a énxet'ák apkeleñama nak mók apkelókxa, tén han ma'a élyeheykha nak tén han ma'a xentampe'e ekheykha nak ma'a kañe' kélheykegkaxa.

Deuteronomio 26:2

kólnakxek sa' chá'a m'a émha amonye' ekyexna nak aqsok kélcheneykekxa ektekkesso nak ma'a xapop, keñe sa' kólsakxak chá'a xama hówenaq apxagkok kélxata m'a apkelyeságkaxa sa' Dios Wesse' kélagkok ekyetnamakxa m'a apwesey.

Deuteronomio 7:13

Elásekhohok sa' nahan kéxegke, yának sa' kataqmelek kélheykha, yának sa' nahan kólxámekxohok kélagko'; eltaqmelchessesek sa' kélketchet ma'a apkelókxa apteméssessamakxa axta ekmámnaqsoho agko' apmáheyo egkések ma'a kélyapmeyk nano' axta kéxegke, ekweykekxoho m'a aqsok ekyexna kélcheneykekxa kélnakxo nak, tén han ma'a hótáhap apaktek kélagkok, tén han vino tén han pexmok égmenek kélagkok, tén han ma'a weyke kélnaqtósso nak étkók tén han ma'a nepkések nak.