Éxodo 20:2 - Biblia Enxet

² “Ko'o sekteme Dios Wesse' apagkok, ektáha axta aptekkesso m'a Egipto, aptémakxa axta kélásenneykha naqsa.

Éxodo 20:2 Iomraidhean Croise

1 Reyes 18:39

Xama axta apkelwet'a, apkelháxahágkek axta apyókxoho énxet'ák ekwokmoho apkeltekxekwa'akto nápaqta'a xapop, keñe aptáha apkelpaqmeta s'e: “¡Wesse' egegkok apteme Dios, Wesse' egegkok apteme Dios!”

2 Reyes 17:12

Apkelpeykessamók axta aqsok kéleykmássesso, aqsok apkeltennassama axta Wesse' egegkok meltémo elanagkok.

2 Reyes 17:7

Temegkek axta xa, hakte apkeláneykegkek axta melya'assáxma israelitas apkenmexeykekxo m'a Dios Wesse' apagkok, ektáha axta apkelántekkesso Egipto, apkelwagkassama axta teyp neyseksa apkelma m'a faraón, wesse' apwányam axta m'a Egipto, hakte apkelpeykessamók axta m'a mók aqsok kéláyókxa,

2 Crónicas 28:5

Axta keñamak Dios Wesse' apagkok apmésa yaqwayam emok ma'a wesse' apwányam nak Siria, apmenxenchek axta m'a sirios, apxámok apagko' axta han apkelma apnaqlákxo m'a Damasco. Apméssek axta han Wesse' egegkok yaqwayam emok ma'a wesse' apwányam nak Israel, apnaqtawásegkók apagko' axta apkelnapa.

Salmos 50:7

“Kóleyxho, Israel, kélteme nak énxet'ák ahagkok; altennásekxohok sa' ko'o kéxegke ekmasagko kéltémakxa. ¡Ko'o sekteme Dios! ¡Ko'o Dios kélagkok!

Salmos 81:10

Ko'o sekteme Dios Wesse' kélagkok, ektáha axta sélántekkesso m'a Egipto; kólmayhe sa', alyaqkánegkesek sa' ko'o kéxegke.

Salmos 81:11

“Makke heháxenmók ko'o m'a énxet'ák ahagkok; ¡mehélyaheykekxak ma'a Israel!

Salmos 81:7

Ewóneykha axta exchep ekyentaxnama ektémakxa apha, keñe axta sekwagkassama teyp; eyátegmoweykegkek axta m'a sekhamakxa nak kañe' yaphope; élyepkónmeyk axta ko'o kéxegke, cham'a nekha nak yegmen Meribá.

Éxodo 13:14

Apkelmaxneyáha sa' agkok nahan mók ekhem kélketchek aptáha enxoho s'e: ‘¿Yaqsa aqsok xa ektéma nak?’ Sa' kóltéhek kólátegmowagkokxak se'e: ‘Wesse' egegkok axta ẽlántekkessók negko'o ekyetlómo ekwányam agko' apmopwána m'a Egipto, cham'a negheykegkaxa axta nentéma sẽlásenneykha naqsa.

Éxodo 13:3

Keñe axta Moisés aptáha apkeláneya énxet'ák se'e: “Kaxén sa' kélwáxok se'e ekhem nak, apkelántekkesakxa axta Wesse' egegkok ekyetlómo ekwányam agko' apmopwána m'a Egipto, cham'a kélheykegkaxa axta kéltéma kélásenneykha naqsa. Nágkóltawák aqsa kelpasmaga ekyetlómo nak kempáseyak.

Éxodo 15:13

Yetlo apkelásekhayo exchep apnaqleykha s'e énxet'ák apagkok apkelwagkasa nak teyp; yetlo apmopwána nahan apnaqleykekxak ma'a yókxexma ekpagkanamaxchexa apagkok nak.

Éxodo 15:16

“Wesse' egegkok, ¡elyegwakkas!, ¡yána' yeygkok! ¡tásek exmakha aqsa ektémól'a kaxnagkok ma'a meteymog eñama xa apmopwána ekyennaqte nak, ekwokmoho sa' apkelyeyk'a m'a énxet'ák apagkok, cham'a énxet'ák apteme nak xeyep apagkok!

Éxodo 15:26

Aptáhak axta apkeláneya s'e: “Kélhaxnawók agkok chá'a kéxegke meyke kéltawásseyo kóleyxhok ma'a sektáhakxa enxoho chá'a séláneya, ko'o sektáha nak Wesse' Dios kélagkok, tén han kéllana enxoho chá'a m'a ekpeykeseykekxoho nak chá'a ko'o ewáxok, kélyahákxoho enxoho nahan chá'a m'a séltémókxa nak chá'a kóltéhek, tén han kéllana enxoho chá'a m'a segánamakxa ahagkok nak, magwáphaksek sa' ko'o xama enxoho m'a aqsok ekmaso nenlegeykegkoho, seyáphasa axta ko'o nepyeseksa m'a egipcios, hakte ko'o sekteme Wesse', ektáha nak chá'a apkelmeyáseykekxa kélyennaqte kéxegke.”

Éxodo 20:1

Appaqmetchek axta Dios, tén axta apxéna ekyókxoho s'e amya'a nak. Aptáhak axta s'e:

Éxodo 29:46

Tén sa' elya'ásegwók ko'o sektáha Dios Wesse' apagkok, ektáha axta sélántekkesso m'a Egipto yaqwayam axek chá'a nepyeseksa. Ko'o sekteme Dios Wesse' apagkok.

Éxodo 6:6

Cháxa keñamak séltamho nak ko'o exog eltennaksek israelitas sekmako almallahanchesek ko'o ektémakxa nak kélásenneykha naqsa tén han ektémakxa nak ekyentaxno apkeltamheykha apmésso chá'a m'a egipcios, ko'o sektáha nak Wesse' kélagkok. Axekmósek sa' ko'o sekmowána. Alwagkasek sa' nahan teyp ekyetlómo sélane ekwányam agko' sellegassáseykegkoho ekwokmoho sélántekkesa.

Isaías 43:3

Hakte ko'o sekteme Wesse' apagkok, apwagkasso teyp, Dios Sektaqmalma nak ma'a Israel. Ekmomchek axta ko'o exchep; ekyánmagkassegkek axta ekyaqmageykekxa exchep ma'a Egipto, Etiopía tén han Sabá,

Jeremías 16:14

“Kammok sa' eyke ekhem —ektáhak ko'o sekpeywa, sektáha nak Wesse'— yaqwánxa kamaskok kéltáha ekmámnaqsoho kélpeywa hélxének se'e: Memassegwomek sa' chá'a Wesse' egegkok, apkelántekkesso axta israelitas ma'a Egipto;

Jeremías 2:6

Axta kalyetnakhayók apkelwáxok hektamok ko'o, ektáha axta sélántekkesso m'a Egipto, ektáha axta seknaqleykha m'a yókxexma meykexa nak énxet, ekyamáyekxa nak xapop, ekxámokmakxa nak maxcha'a élmattawóneg, yókxexma meykexa nak yegmen, ekxámokmakxa nak aqsok eyeymáxche', yókxexma meykexa nak ekha, meyke nak ekyeykhágwayam ma'a.

Jeremías 31:1

Aptáhak Wesse' egegkok se'e: “Hetnehek sa' ko'o Dios apagkok apyókxoho pók aptémakxa nak énxet'ák Israel xa ekhem nak, keñe sa' ko'o atnehek énxet'ák ahagkok.”

Jeremías 31:33

Keso yaqwánxa sa' katnehek ekhémo mók nélpaqhetchásamáxkoho peya nak ko'o alanaksek énxet'ák Israel ma'a ekhem sa': Apekkenchesek sa' segánamakxa ahagkok apkelwáxok, anaqtáxéssesagkok sa' nahan ma'a élchetámeykegkaxa nak apkelwáxok. Ko'o sa' hetnehek Dios apagkok, keñe sa' ko'o atnehek énxet'ák ahagkok ma'a. Ko'o sekxeyenma xa, sektáha nak Wesse'.

Jeremías 34:13

“Éláneyak axta ko'o ekhémo mók sélpaqhetchásamáxkoho m'a kélyapmeyk nano' axta kéxegke, ko'o sektáha nak Wesse', Israel Dios apagkok, cham'a sélántekkessama axta m'a Egipto, aptamheykegkaxa axta kélásenneykha naqsa. Eltémók axta chá'a ko'o

Ezequiel 20:19

Axta ektáhak séláneya s'e: Ko'o sekteme Dios Wesse' kélagkok. Kóllána chá'a ekyókxoho m'a segánamakxa ahagkok tén han ma'a séltémókxa nak chá'a kóltéhek,

Ezequiel 20:5

Etne sa' elának se'e: ‘Keso aptáhakxa exchek appeywa Wesse' egegkok se'e: éláneyak axta ko'o ekhémo mók sélpaqhetchásamáxkoho aptawán'ák neptámen, sélyéseykencha'a axta ko'o m'a Israel; ekxekmowásamáxkók axta nahan ma'a kañe' Egipto. Axta ektemék sélanagkama sekméssama naqsók sekpeywa s'e: Ko'o sekteme Dios Wesse' kélagkok.

Ezequiel 20:7

Apyókxoho axta nahan ko'o éltémók emasséssók ma'a aqsok apcháyókxa élmasagcha'a agko' nak tén han megkalpeysegkesek ma'a aqsok kéleykmássesso éleñama nak Egipto, hakte ko'o sekteme Dios Wesse' apagkok.

Oseas 12:10

“Élpaqhetchessegkek axta ko'o m'a apkellegasso axta sekpeywa, ekxámássessegkek axta aqsok sekxekmósso, ekxeyenmeyk axta ko'o aqsok sekyetcháseykekxoho eñama sélásenneykekxa m'a.

Oseas 13:4

Aptáhak Wesse' egegkok se'e: “Ko'o Wesse', ko'o Dios apagkok eyeynamo m'a aphamakxa axta Egipto: Ná etne aqsa Dios apagkok mók aqsok enxoho, ko'o sa' aqsa, ko'o sekwánxa ahagkok sekwagkasso teyp xép.

Levítico 11:45

Ko'o sekteme Wesse' kélagkok, sélántekkesso axta m'a Egipto, yaqwayam héltéhek Dios kélagkok. Kéméxcheyk kéxegkáxa kóltéhek kélpagkanamaxche', hakte sekpagkanamaxche ko'o.”

Levítico 19:36

Kólmaha chá'a kelyetsáteyak ekhémo nak chá'a élyetsátéyak ekwánxa ekyentaxno xama aqsok. Ko'o sekteme Dios Wesse' kélagkok, ektáha axta sélántekkesso m'a Egipto.

Levítico 23:43

yaqwayam sa' elya'asagkohok apyókxoho kéltawán'ák kélnentámen nak, sélántekessama axta ko'o Egipto m'a israelitas, séltémo exmakha kóneg yámet aktegák étkók kélpakxanma. Ko'o sekteme Dios Wesse' kélagkok.”

Levítico 25:38

Ko'o sekteme Wesse', Dios kélagkok nak kéxegke, sélántekkesso axta Egipto, yaqwayam agkések xapop ma'a Canaán, tén han yaqwayam atnehek Dios kélagkok.

Levítico 25:42

hakte séláneykha ko'o m'a; ko'o axta sélántekkesso Egipto, megkeymexchek kólchexeykxak ekha ekyánmaga, yaqwayam kólteméssesek kélásenneykha naqsa.

Levítico 25:55

hakte ko'o séláneykha m'a israelitas, séláneykha ahancha'awo'; ko'o axta sélántekkesso m'a Egipto. Ko'o sekteme Dios Wesse' kélagkok.

Levítico 26:1

“Nágkóllána aqsok kéláyókxa, tén han kéleykmássesso; nágkólánchesák meteymog kélpeykessamo m'a kélókxa, tén han ma'a meteymog kéleykmássesso nak chá'a xama aqsok; nágkóltekxek kéltapnák amonye', hakte ko'o sekteme Dios Wesse' kélagkok.

Levítico 26:13

Ko'o sekteme Dios Wesse' kélagkok, sélántekkesso axta m'a Egipto, yaqwayam megkóltamhagkek chá'a apkelásenneykha naqsa m'a énxet'ák nak; ekmasséssegkek ko'o m'a aqsok ekyentaxno élyaqhapma axta kéxegke, ekmasséssegkek kélhamaxche'.

Amós 2:10

Élántekkessegkek axta eyke ko'o kéxegke m'a Egipto, eknaqleykha axta ekweykmoho cuarenta apyeyam ma'a yókxexma meykexa nak énxet, yaqwayam enxoho agkések kéxegke xapop apagkok nak ma'a énxet'ák nak.

Deuteronomio 13:10

Elyetna sa' meteymog ekwokmoho apketsapa, eñama apmopmenyého ényókasek ma'a Dios Wesse' apagkok, ektáha axta aptekkesso m'a Egipto, aptémakxa axta kélásenneykha naqsa.

Deuteronomio 15:15

Kaxén xépxa apwáxok apteme axta kélásenneykha naqsa aphakxa axta m'a Egipto, tén han aptekkessama Dios Wesse' apagkok ma'a. Cháxa keñamak sekmésa nak ko'o kaxwók xa séltamhókxa nak chá'a etnehek.

Deuteronomio 20:1

“Kélántekkek agkok kéxegke yaqwayam kólempakhak ma'a kélenmexma nak, kólwetak ma'a apkelchánte nak yátnáxeg tén han ma'a yátnáxeg apkelyenyawasso kélanchesso nak kempakhakma, tén han sẽlpextétamo apxámokma apagko' megkólhawo nak kéxegke, nágkóle aqsa, hakte apheyk kélnepyeseksa kéxegke m'a Dios Wesse' kélagkok, ektáha axta apkelántekkesso m'a Egipto.

Deuteronomio 5:15

Kaxén kéxegkáxa kélwáxok kélteme axta kélásenneykha naqsa kélheykegkaxa axta m'a Egipto, Dios Wesse' kélagkok axta eyke apkelántekkessók yetlo ekyawe agko' apmopwána m'a. Cháxa keñamak apkeltémo nak chá'a kóltéhek kéláyo Dios Wesse' kélagkok ma'a ekhem sábado.

Deuteronomio 5:6

‘Ko'o sekteme Dios Wesse' kélagkok, ektáha axta sélántekkesso kéxegke m'a Egipto, kéltémakxa axta kélásenneykha naqsa.

Deuteronomio 7:8

Apkelántekkessegkek axta Wesse' egegkok ma'a Egipto, cham'a kéltémakxa axta kéxegke kélásenneykha naqsa, yetlo ekyawe apmopwána axta apkexakkáseykekxak kéxegke m'a faraón, hakte apkelásekhayo', apmáheyók axta elának ma'a aqsok apkeltennassama axta chá'a elanaksek ma'a kélyapmeyk nano' axta kéxegke.

Jueces 2:1

Apxegkek axta Wesse' egegkok apchásenneykha apkeñama Guilgal apmahágko m'a Boquim, aptáhak axta apkeláneya israelitas se'e: “Ko'o axta sélántekkesso kéxegke m'a Egipto, seknaqleykekmo s'e xapop nak, séltennassamakxa axta m'a kélyapmeyk nano', sektéma axta sélanagkama s'e: ‘Malwátéssemek sa' chá'a ko'o m'a sélane axta ekhémo mók sélpaqhetchásamáxkoho kéxegke,

Jueces 6:10

Éltennassegkek axta han ko'o sekteme Dios Wesse' kélagkok, tén han maltémo kóleyk ma'a aqsok apcháyókxa nak amorreos, kélheykegkaxa nak kaxwók kéxegke m'a xapop apagkok; axta eyke hélháxenmók ko'o kéxegke.’”