Éxodo 20:12 - Biblia Enxet

¹² “Etne apcháyo apyáp tén han ma'a egken, yaqwayam enxoho kawegqohok apweynchámeykha keso náxop apmésso axta m'a Dios Wesse' apagkok.

Éxodo 20:12 Iomraidhean Croise

Génesis 48:12

Apkelmákxeyk axta apketchek José apkelyementamákxo m'a apyáp, apháxahánteyk axta ekwokmoho aptekxeya ekpayhakxa nápat xapop.

Génesis 50:12

Apteméssessek axta apketchek Jacob ma'a ekyókxoho apkeltémókxa axta etnéssesek,

1 Reyes 2:19

Keñe axta ekxega Betsabé ekpaqhetchessákxo m'a wesse' apwányam Salomón, éltennássesa m'a Adonías. Apchampákxeyk axta néten wesse' apwányam apma takha' m'a egken, apháxahánteyk axta amonye'. Tén axta aphákxo makham ma'a néten aptaháno, apkeltamhók axta han kólsantagkasek taháno m'a egken; heyk axta m'a ekpayhókxa apkelya'assamakxa',

2 Reyes 2:12

Xama axta apweteya Eliseo m'a, keñe apkelpáxameykencha'a: “¡Táta ahagkok, táta ahagkok, xép axta apteme xama sẽlpextétamo apyennaqte apkelmasma m'a énxet'ák Israel!” Keñe axta ekmassama apwete m'a Elías. Tén axta apmoma Eliseo m'a aptaxno keñe apyepteykekxo nepyeseksa.

Éxodo 21:15

“Énxet ektáhakxa enxoho apyensasso apyáp essenhan ma'a egken, yánékpok sa' ematñekxa'.

Éxodo 21:17

“Énxet ektáhakxa enxoho apyemneykha apyáp, essenhan ma'a egken, yánékpok sa' ematñekxa'.

Proverbios 15:5

Megyeyxók appaqhetchesso apyáp ma'a énxet ekyeyháxma nak; keñe m'a apkelyeheykekxoho nak chá'a, cháxa apxekmósa apteme ekha apya'áseyak aqsok.

Proverbios 17:6

Aptawán'ák chá'a ekpeykessáseykekxa apkelwáxok ma'a apkelwányam nak; chána eyke chá'a élpeykessáseykekxa apkelwáxok ma'a kélketchek nak.

Proverbios 20:20

Énxet apyemneykha nak apyáp tén han egken, yetsapok sa' ektémól'a kaspónak aqsok eyápogwate m'a ekyáqtésakxa agko' nak exma.

Proverbios 28:24

Énxet apmenyexma m'a apkelmenyexchesso nak chá'a aqsok ma'a apyáp tén han ma'a egken, keñe exénmakha chá'a melane mey'assáxma.

Proverbios 3:16

Negya'ásegwayam ekpayho nak élya'assamakxa segmésso ekwenaqte negha, keñe m'a ekpayho nak násagqalwa segmésso ekxámokma aqsok egagkok, tén han ekha sẽláyo.

Proverbios 30:11

Yetneyk énxet apyemneykha nak chá'a apyáp, metaqmelchesso nak chá'a appeywa elának ma'a egken.

Proverbios 30:17

Énxet apwanyémo nak chá'a elanok apyáp aptawáseykegkoho nak chá'a egken ekwányam, payhawok kalhexyawássesek apaqta'ák ma'a kágqag keñe etwok ma'a máma.

Jeremías 35:18

Axta aptáhak han apkeláneya Jeremías ma'a recabitas: “Aptáhak Wesse' ekha nak apyennaqte, Dios apagkok nak Israel se'e: ‘Kélyeheykekxók kéxegke apkeltémókxa axta kóltéhek ma'a kélyáp nano' Jonadab, kéltaqmelchessegkek han ma'a apchánamakxa axta kóltéhek, kélláneykegkek han ekyókxoho m'a apkeltémókxa axta kóltéhek,

Jeremías 35:7

Mopmenyeyk axta han anlanagkok enxanák, tén han agkenekxak aqsok aktek namyep, essenhan kaxek ma'a anmen yámet negkeneykekxa'. Apkeltémok axta aqsa chá'a ólpakxenagkok, yaqwayam enxoho kawegqohok negheykha s'e xapop, negheykegkaxa nak nentéma máxa néleñama mók nekha.

Ezequiel 22:7

Méko apkelyeheykekxoho apyapmeyk tén han chána m'a énxet'ák apagkok nak xép, meltaqmelchesek nahan chá'a m'a énxet'ák apkeleñama nak mók nekha, enaqtawasagkohok nahan chá'a m'a élyéheykha nak tén han ma'a xentampe'e nak.

Levítico 19:3

“Kólyahakxoho chá'a kélyáp, tén han egken. “Kólteme han chá'a kéláyo sábado ahagkok. Ko'o sekteme Dios Wesse' kélagkok.

Levítico 19:32

“Kólxekmósho chá'a kéláyo m'a apkelwányam nak, kólchempekxa chá'a néten apmonye'. Kólteme chá'a kéláyo Dios kélagkok. Ko'o sekteme Wesse'.

Malaquías 1:6

Aptáhak axta Wesse' egegkok ekha apyennaqte apkeláneya apkelmaxnéssesso Dios énxet'ák apagkok se'e: “Eláwhok chá'a apyapmeyk ma'a kélketchek, keñe m'a kélásenneykha nak, etnehek chá'a apkeláyo wesse' apagkok. Naqsók agkok ko'o kélyáp kéxegke, ¿yaqsa ektéma mehéláyo nak chá'a ko'o? Naqsók agkok ko'o sektéma Wesse' kélagkok, ¿yaqsa ektéma mehelyaheykekxoho nak chá'a? Éltaqnagkamchek aqsa chá'a. Kóltemhek aqsa chá'a kólpaqmétek se'e: ‘¿Háxko ektémakxa nentaqnagkama exchep?’

Deuteronomio 11:8

“Kóllána sa' kéxegke ekyókxoho m'a segánamakxa séltennasa exchek ko'o s'e sakhem nak, yaqwayam sa' kóltamhagkok kélyennaqte tén han kóltéhek kélagkok ma'a apchókxa yaqweykenxa nak kólmok,

Deuteronomio 11:9

yaqwayam sa' nahan kólhakha apxámokma apagko' apyeyam ma'a xapop, apkeltennassamakxa axta egkések Wesse' egegkok ma'a kélyapmeyk nanók axta kéxegke, tén han ma'a aptawán'ák neptámen nak; cham'a xapop ényahamakxa nak weyke nagkeygmenek tén han ma'a yányawhéna' apyegmenek ektémól'a kanyehek ma'a yegmen.

Deuteronomio 21:18

“Yetneyk agkok apketche xama énxet meyke nak apkelyaheykekxoho appeywa tén han ekyennaqte nak apwáxok, melyaheykekxa nak aptáhakxa yának ma'a apyáp tén han egken, megkeyxek ma'a aplegassáseykegkoho,

Deuteronomio 25:15

kólmaha chá'a m'a kelyetsátéyak mehegmenyexma nak, ekhémo nak chá'a m'a ekwánxa enxoho chá'a ektegkesso, yaqwayam sa' exámhok apagko' apyeyam kélheykha m'a apchókxa apmáheyókxa nak egkések ma'a Dios Wesse' kélagkok.

Deuteronomio 27:16

‘Exkak sa' Dios aplo apwañeykha nak chá'a m'a apyáp tén han ma'a egken.’ Apyókxoho énxet sa' etnehek apkelpeywa s'e: ‘Katnahagkok sa'.’

Deuteronomio 32:47

Hakte háwe amya'a naqsal'a s'e; keso segánamakxa nak yaqwayam kagkések ekyennaqte kélnénya'ák kéxegke, sa' kañék ekmésso ekwenaqte kélheykha m'a xapop, ekyetnama nak ma'a neyp wátsam Jordán, cham'a yaqwánxa sa' kólmok.”

Deuteronomio 4:26

ekpekkenchek ko'o sakhem néten tén han náxop yaqwayam katnehek ekweteykegkoho, kaxwók sa' kólmassegwók kéxegke m'a apkelókxa yaqwánxa nak kólmok, cham'a neyp wátsam Jordán nak. Megkawegqók sa' kélheykha m'a xapop nak, kólmasséssók sa' kélyókxoho.

Deuteronomio 4:40

Kóllána chá'a m'a segánamakxa apagkok sekmésa nak ko'o kéxegke s'e ekhem nak, tén han ma'a nélánémaxchexa nak chá'a antéhek, keñe sa' tásek chá'a katnehek ektáhakxa kéxegke tén han ma'a kéltawán'ák kélnentámen nak, kólhakha sa' nahan apxámokma apyeyam ma'a apkelókxa apmáheyókxa nak egkések meyke néxa m'a Dios Wesse' kélagkok.”

Deuteronomio 5:16

‘Kólteme kéláyo kélyapmeyk tén han kélchána, ekhawo m'a apkeltémókxa axta chá'a kóltéhek ma'a Dios Wesse' kélagkok, yaqwayam enxoho kawegqohok kélweynchámeykha tén han kataqmelek chá'a ekteyapma aqsok kéllanakxa enxoho chá'a neyseksók kélheykha m'a xapop apmésso axta m'a Dios Wesse' kélagkok.

Deuteronomio 5:33

Kólyetlow ma'a ámay apxekmóssamakxa nak Dios Wesse' kélagkok, yaqwayam sa' kataqmelek chá'a kélheykha tén han kólhakha chá'a apxámokma apyeyam ma'a xapop apmáheyókxa nak egkések yaqwayam kóltéhek kélagkok kélagko'.

Deuteronomio 6:2

Sa' kañék kéláyo chá'a kéxegke Dios Wesse' kélagkok xa, tén han kóllának chá'a segánamakxa, tén han apkeltémókxa nak chá'a antéhek neyseksók kélheykha makham, sekmésso axta ko'o kéxegke tén han ma'a kélketchek nak tén han ma'a kéltawán'ák nak; keñe sa' ahóxek agko' katnehek kélheykha.

Rut 3:6

Mahágkek axta Rut ma'a namyep. Temék axta ekyókxoho m'a éltamhókxa axta katnehek ma'a yepyámog.

1 Samuel 22:3

Cha'a apxegákxexa axta makham David apmahágko m'a Mispá, cham'a Moab, keñe axta aptáha apcháneya m'a wesse' apwányam nak Moab: —Éltamhók eykhe ko'o exnak xamo' kéxegke táta tén han méme, ekwokmoho sekya'ásegwokmo yaqwánxa hetnéssesek ma'a Dios.