Éxodo 2:6 - Biblia Enxet

⁶ Xama axta ekmeykesa m'a hówenaq apxagkok étkok nak, wet'ak axta xama sakcha'a apyetna apwana m'a kañe', apyósek axta élano m'a faraón apketche. Tén axta ektáha s'e: —Hebreo sakcha'a s'e.

Éxodo 2:6 Iomraidhean Croise

1 Reyes 8:50

Ná eyaqmagkásekxa aqsa melya'assáxma m'a énxet'ák apagkok, tén han apkenmexeykekxa exchep. Yána aqsa elepyóshok elanok ma'a énxet'ák ektáha axta apkelántekkesso apkelókxa.

Nehemías 1:11

Wesse', éltamhók exchep yeyxhok sélmaxnagko, tén han apkelmaxneyéyak ma'a apkeláneykha, apkelmopmenyého nak chá'a etnehek apcháyo exchep. Éltamhók han hegkések yaqwayam katyapok ma'a aqsok sekmámenyého, yaqwayam enxoho kataqmalmakha apwáxok hélanok ko'o m'a wesse' apwányam.”

Salmos 106:46

¡apkeltamhók axta han kapyóshok elanok ma'a ektáha nak apkelma!

Éxodo 1:22

Tén axta faraón aptáha apkeláneya apyókxoho apkeláneykha s'e: “Kólchexa sa' wátsam ma'a apyókxoho hebreo wokma'ák apketkók nak, keñe sa' ma'a kelwán'ák étkók nak, kólho sa' aqsa kalweynchamha.”

Éxodo 2:5

Yáma néwók axta nahan natámen, wákxeyk axta nahan faraón apketche ekmako kayaqpaksek yegmen ma'a wátsam, kelweynchámeyha axta nahan sekxók éláneykha m'a neyáwa wátsam nak, wetágwokmók axta nahan xama hówenaq apxagkok étkok ekyetna neyseksa ekho' m'a faraón apketche. Tén axta eyáphasa xama eyásenneykha éltamho kay'ágkasek, tén han kasantagkasek.

Éxodo 2:7

Tén axta ekya'awa faraón apketche apyáxa m'a sakcha'a nak. Axta entáhak eyáneya s'e: —¿Háxko katnehek xeye' ategyesha xama hebreo kelán'a, yaqwayam kássesagkok nam'agkok se'e sakcha'a nak?

Proverbios 21:1

Wesse' egegkok chá'a apkeláneseykegkoho élchetámeykha apwáxok ma'a wesse' apwányam, étlók chá'a m'a ektémól'a wátsam ekmeyeykekxexal'a chá'a yegmen, apkeltamhókxa enxoho chá'a m'a Wesse' egegkok.

Jeremías 34:9

Axta aptáhak aphésawo mók apkelpaqhetchásamákpoho apxéna énxet ekhakxa enxoho apkelásenneykha naqsa apkelennay'a tén han kelwán'ák hebreos, kéméxcheyk ekxeykxa aqsa, yaqwayam enxoho metnehek chá'a xama apchásenneykha naqsa appeywomo xamók ma'a judío.