Éxodo 19:5 - Biblia Enxet

⁵ Élyahákxók agkok chá'a ko'o kélyókxoho nak, kéllana enxoho chá'a m'a ekhémo mók nélpaqhetchásamáxkoho ahagkok, atnehek sa' énxet'ák ahagkok ahagko' nepyeseksa m'a apyókxoho énxet'ák nak keso náxop, hakte ko'o sekteme ahagkok se'e ekyókxoho nak keso náxop.

Éxodo 19:5 Iomraidhean Croise

Génesis 17:9

Aptáhak axta makham Dios apcháneya Abraham se'e: —Xép akke, elyahakxoho sa' ma'a ekhémo mók nélpaqhetchásamáxkoho ahagkok, ekweykekxoho m'a apyókxoho aptawán'ák neptámen nak.

1 Reyes 8:53

Hakte xép Wesse', xép axta apkelpagkanma yaqwayam etnehek énxet'ák apagkok nepyeseksa m'a apyókxoho énxet'ák nak keso náxop, ekhawo aptémakxa axta apxeyenma apchásenneykekxo axta m'a apkeláneykha Moisés, apkelántekkessama axta Egipto m'a ẽlyapmeyk nano'.”

1 Crónicas 17:22

hakte apkelmomchek axta exchep énxet'ák Israel yaqwayam etnehek énxet'ák apagkok megkatnégwayam néxa, keñe sa' xép Wesse' egegkok, etnahágkok Dios apagkok.

Job 41:11

Énxet ektáhakxa enxoho apkenmexeykekxa', ¿apwancheya emallánek yetlo meyke ektáhakxa apyempehek? ¡Méko xama enxoho ekyókxoho keso nélwanmeygkaxa nak!

Job 41:3

¿Kaltamhoya sa' kayóshok elano'? ¿Kayóshoya sa' ekpeywa kalának kának metnéssessamók exma ekmaso?

Salmos 135:4

Hakte apkelyéseykha m'a Jacob, cham'a Israel, yaqwayam etnehek apagkok apagko'.

Salmos 24:1

Wesse' egegkok apagkok keso nélwanmeygkaxa, tén han ma'a ekyókxoho aqsok ekhéyak nak awáxok, tén han ma'a ekyókxoho élleykha nak.

Salmos 25:10

Enaqlakxak chá'a yetlo apkelásekhayo, tén han melyenyaweykha m'a ektáha nak chá'a apkeláneyak ekhémo mók nélpaqhetchásamáxkoho apagkok nak, tén han ma'a apkeltémókxa nak antéhek.

Éxodo 15:26

Aptáhak axta apkeláneya s'e: “Kélhaxnawók agkok chá'a kéxegke meyke kéltawásseyo kóleyxhok ma'a sektáhakxa enxoho chá'a séláneya, ko'o sektáha nak Wesse' Dios kélagkok, tén han kéllana enxoho chá'a m'a ekpeykeseykekxoho nak chá'a ko'o ewáxok, kélyahákxoho enxoho nahan chá'a m'a séltémókxa nak chá'a kóltéhek, tén han kéllana enxoho chá'a m'a segánamakxa ahagkok nak, magwáphaksek sa' ko'o xama enxoho m'a aqsok ekmaso nenlegeykegkoho, seyáphasa axta ko'o nepyeseksa m'a egipcios, hakte ko'o sekteme Wesse', ektáha nak chá'a apkelmeyáseykekxa kélyennaqte kéxegke.”

Éxodo 23:22

Naqsók agkok xeyep mey'ássekmo tén han apkelana enxoho ekyókxoho m'a séltamhókxa axta etnehek, etnehek sa' ko'o sélenmexma m'a apkelenmexma nak xeyep, wanmexmakha sa' nahan ko'o m'a ektáha nak chá'a exchep apkenmexeykha.

Éxodo 24:7

Tén axta natámen apma m'a weykcha'áhak ekhémo mók nélpaqhetchásamáxkoho apkelyetsetchesa m'a énxet'ák, tén axta aptáha apkelpaqmeta énxet'ák se'e: —Mantawássók sa' negko'o anlának ekyókxoho m'a apkeltamhókxa nak antéhek ma'a Wesse' egegkok.

Éxodo 34:9

Wesse' egegkok se'e: —¡Wesse'! ¡Wesse'! Naqsók agkok ekleklamo apwáxok ko'o exchep, hẽlyetlow sa'. Hakte naqsók apteme élyennaqte agko' apkelwáxok se'e énxet'ák nak, eyke ná eyaqmagkásekxa aqsa nentémakxa mólya'assáxma tén han nentémakxa élmasagcha'a, hẽlma sa' takha' yaqwayam antéhek negko'o énxet'ák apagkok.

Éxodo 6:7

Almok sa' ko'o kéxegke atnehek énxet'ák ahagkok, tén sa' ko'o kéxegke héltéhek Dios kélagkok. Sa' hélya'ásegwók nahan ko'o sektáha Dios Wesse' kélagkok ma'a sélmallahanchesa sa' ektémakxa ekyentaxno kéltamheykha apmésso chá'a m'a egipcios.

Éxodo 8:22

Temék sa' agkok xa, atnéssesek sa' ko'o móktémakxa m'a yókxexma Gosen apheykegkaxa nak séláneykha, méko sa' etnehek xama enxoho sempéhe m'a. Sa' ey'ásegwók ko'o sektáha nak Wesse' sekha m'a apkelókxa nak.

Éxodo 9:29

Aptáhak axta Moisés apchátegmowágkokxo s'e: —Ektekkek sa' agkok ko'o s'e tegma apwányam nak, alya'aksek sa' néten emék almaxnak ma'a Wesse' egegkok. Tén sa' kamaskok yegmen élyennaqte, kamaskok sa' nahan apha m'a takha', yaqwayam sa' ey'asagkohok xeyep Wesse' egegkok ektáha apagkok xapop.

Cantares 8:12

Salomón, xeyep apagkok ma'a mil sawók selyaqye nak, keñe doscientos ma'a ektáha nak aptaqmelchesso anmen yámet; ¡sektaqmelchesso ahagko' eyke ko'o m'a anmen yámet séneykekxa!

Isaías 1:19

Leyawók sa' agkok kélwáxok kóltéhek ekha kélyeheykekxoho, kóltawagkok sa' aqsok ekyexna éltaqmalma ektekkesso nak xapop;

Isaías 41:8

“Israel, apteme nak séláneykha, yeyxho sa' sekpeywa. Jacob, apteme axta sélyéseykha, aptáwen neptámen axta m'a sekteme émók Abraham:

Isaías 43:1

Aptáhak kaxwók xép apcháneya Wesse' egegkok se'e, Israel, ektáha axta apkelane, Jacob ektáha axta aptekkesso: “Nágyé aqsa, ekwagkassek ko'o exchep teyp; ekwóneyha apwesey, xép apteme ahagkok.

Isaías 56:4

Hakte aptáhak Wesse' egegkok se'e: “apkelakawók agkok chá'a ekhem ahagkok sábado m'a énxet'ák yágkelwán'ák nak, apkelánegko enxoho chá'a m'a sekmámenyého nak chá'a ko'o, melyensakmo enxoho chá'a m'a ekhémo mók sélpaqhetchásamáxkoho nak,

Jeremías 10:16

¡Megkaxnawok agko' Jacob nak Dios apagkok xa, apkelane nak ekyókxoho aqsok élánteyapma nak! Axta apkelyéseykha énxet'ák Israel ma'a yaqwayam etnehek apagkok apagko'. Wesse' ekha apyennaqte: cháxa apwesey xa.

Jeremías 13:11

Ekteméssessók ko'o apyókxoho énxet'ák Israel ma'a aptémól'a xama énxet apyaqhakkassamól'a aptete nepxet ma'a aptétamap, tén han ma'a apyókxoho énxet'ák Judá, épetcheyók apagko' ko'o m'a, yaqwayam enxoho etnahagkok énxet'ák ahagkok, tén han ellegaksek ma'a sekwesey, tén han kañék sélteméssesso ko'o séláyo, tén han seyeymáxkoho. Makke hélyeheykekxoho'. Ko'o sekxeyenma xa, sektáha nak Wesse'.

Jeremías 7:23

Wánxa axta aqsa chá'a ko'o séltémo hélyahakxoho'; keñe hetnehek ko'o Dios apagkok, keñe ko'o atnehek énxet'ák ahagkok ma'a. Éltémók axta nahan chá'a etnahagkok ma'a séltamhókxa enxoho chá'a etnahagkok, yaqwayam enxoho kataqmelek apheykha.

Ezequiel 16:8

“Ekyeykhágweykxeyk axta makham xeye', élanawók axta; wokmek axta kaxwók ma'a ekweykenxal'a kelán'a étkok kawának ektegyeykha ekpagkanma. Eyaqlássek axta ko'o exche' m'a seyaqlamaxche, eyáhakkassek axta m'a meykexa nak apáwa ekyókxa, tén axta sektáha sekpagkanma; élanak axta ekhémo mók sélpaqhetchásamáxkoho exche', ahagkok axta nahan ektáhak. Ko'o sekxeyenma xa, sektáha nak Wesse'.

Levítico 20:24

Éltennassegkek axta ko'o kéxegke kóltéhek kélagkok ma'a apchókxa apagkok nak ma'a énxet'ák nak; ko'o sa' agkések kéxegke yaqwayam kóltéhek kélagkok ma'a apchókxa nak, ényahamakxa nak weyke nagkeygmenek, tén han yányawhéna' apyegmenek, ektémól'a kanyehek yegmen. “Ko'o sekteme Dios Wesse' kélagkok, sélyéseykha axta nepyeseksa m'a pók énxet'ák nak.

Amós 3:2

“Kéxegke axta kélwánxa kélagkok sélyéseykencha'a ko'o nepyeseksa m'a apyókxoho énxet'ák nak keso náxop. Cháxa keñamak peya nak ko'o ayaqmagkásekxak ma'a ekyókxoho aqsok élmasagcha'a nak kélláneyák.”

Amós 6:1

¡Énxet'ák laye, apheykha nak meyke élyetnakhayo apkelwáxok ma'a Sión! ¡Énxet'ák laye, apheykha nak chá'a meyke apkelakakxa m'a Samaria, apkelámha apmonye'e nak chá'a apkelókxa ekyawe kéláyo, apkelye'eykekxoho nak chá'a m'a israelitas!

Malaquías 3:17

Aptáhak Wesse' egegkok ekha nak apyennaqte s'e: “Ekpagkanchek ko'o xama ekhem yaqwánxa sa' etnahagkokxak makham énxet'ák ahagkok ma'a. Sa' atnehek ko'óxa kalepyóshok alanok xa énxet'ák nak, apteméssessamakxal'a apketche énxet kapyóshok elanok ma'a apwéhenayo nak chá'a aptamheykha.

Deuteronomio 10:14

Kólya'asagkoho chá'a Dios Wesse' kélagkok apteme apagkok ma'a néten tén han ma'a netnók agko' nak ma'a néten, tén han keso náxop tén han ma'a ekyókxoho aqsok ekhéyak nak awáxok.

Deuteronomio 11:27

Tásek sa' chá'a katnehek kélheykha, kélyahákxoho enxoho chá'a m'a Dios Wesse' kélagkok nak segánamakxa apagkok, séltamho exchek ko'o kóllának se'e sakhem nak.

Deuteronomio 14:2

Hakte kéxegke kélteme énxet'ák apkelpagkanma m'a Dios Wesse' kélagkok; axta apkelyéseykha nepyeseksa apyókxoho énxet'ák nak keso náxop yaqwayam kóltéhek énxet'ák apagkok apagko'.

Deuteronomio 14:21

“Nágkóltow chá'a xama enxoho m'a aqsok nawhak étsapma naqsa nak chá'a, hakte kéxegke kélteme énxet'ák apkelpagkanma m'a Dios Wesse' kélagkok; sa' eyke kélwanchek chá'a kólmések ma'a énxet apkeñama nak mók apkelókxa apha nak chá'a kañe' tegma apkelyawe kélagkok kéxegke; sa' eyke apwanchek etwok ma'a. Kélwanchek nahan kólmések ekha ekyánmaga m'a énxet apkeñama nak mók apkelókxa apwe enxoho yaqwatakxoho m'a kélheykegkaxa. “Nágkólhanchásekxa chá'a yát'ay apketkok egken neme apyegmenek apagkok.

Deuteronomio 26:18

Apxénchek nahan sakhem kéxegke Wesse' egegkok, énxet'ák Israel, apteme énxet apagkok apagko', ekhawo m'a apkeltennassama axta etnéssesek, kóllána sa' chá'a ekyókxoho m'a apkeltémókxa nak chá'a antéhek.

Deuteronomio 26:19

Sa' etnéssesek kéxegke néten agko' kéláyo nepyeseksa m'a apyókxoho énxet'ák ektáha axta apkelane, tén han kéleymáxkoho, tén han kélxénamaxche ekyókxoho yókxexma tén han ekha kéláyo, kóltéhek sa' énxet'ák apkelpagkanma m'a Dios Wesse' kélagkok, ekhawo m'a aptémakxa axta apkelanagkama.”

Deuteronomio 28:1

“Naqsók agkok kélyahákxoho kéxegke m'a Dios Wesse' kélagkok, tén han kéllana ekyókxoho m'a apkeltémókxa nak chá'a antéhek séltamho exchek ko'o kóllának se'e sakhem nak, etnéssesek sa' néten agko' kéxegke Wesse' egegkok nepyeseksa m'a apyókxoho énxet'ák apheykha nak keso náxop.

Deuteronomio 28:9

“Etnéssesagkok sa' chá'a énxet'ák kélpagkanamaxche Dios Wesse' kélagkok kélyahákxoho enxoho chá'a m'a apkeltémókxa nak chá'a antéhek tén han kélyetlawa enxoho chá'a m'a ámay apagkok nak, ekhawo apxeyenma axta naqsók etnéssesek.

Deuteronomio 4:20

Keñe kéxegke apkelmoma m'a Wesse' egegkok, apkelhaxyawásseykekxeyk axta m'a kañe' táxa axagkok kélpeykáseykekxa axta chá'a m'a sawo, Egipto xa, keñe apteméssessama ekhawo nak kéltémakxa s'e kaxwo' nak: énxet'ák apagkok apagko'.

Deuteronomio 5:2

“Enlánessegkek axta negko'o xama ekhémo mók nélpaqhetchásamáxkoho Dios Wesse' egegkok ma'a egkexe Horeb nak.

Deuteronomio 7:6

Hakte kéxegke kélteme énxet'ák kélpagkanamaxche apagkok ma'a Dios Wesse' kélagkok; apkelyéseykha axta kéxegke Wesse' egegkok nepyeseksa m'a apyókxoho énxet'ák nak keso náxop, yaqwayam enxoho kóltéhek kéxegke énxet'ák apagkok apagko'.

Deuteronomio 9:29

Xeyep énxet'ák apagkok ma'a; xeyep apagkok, xeyep axta apkelántekkesso yetlo ekyawe apmopwána m'a Egipto.’

Josué 24:24

Aptáhak axta apkelátegmowágko énxet'ák: —Ólyahakxohok sa' chá'a negko'o m'a Dios Wesse' egegkok, anlanagkok sa' chá'a m'a aptáhakxa enxoho chá'a sẽláneya.

1 Samuel 15:22

Keñe axta Samuel aptáha s'e: “Wánxa eyke aqsa kapeykesekxak apwáxok Wesse' egegkok kélyahákxoho enxoho, kaxnók kólmések ma'a aqsok ektekyawa nak, keñe han ma'a kélwatno nak; tásek kólyahakxoho, tén han kóleyxhok chá'a appeywa, kaxnók kólmések ma'a aqsok ektekyawa, tén han ma'a nepkések apkelennay'a nak pexmok apagkok.