Éxodo 19:10 - Biblia Enxet

¹⁰ Aptáhak axta apcháneya Wesse' egegkok se'e: —Exeg, elánekxés sa' aptamhágkaxa m'a énxet'ák sakhem tén han saka sa', yaqwayam enxoho hélpeykeshok ko'o. Tásek sa' elyenyesagkok apkelnaqta,

Éxodo 19:10 Iomraidhean Croise

Génesis 35:2

Keñe axta Jacob aptáha apkeláneya ekheykha apxagkok, tén han ma'a apyókxoho ektáha axta apkelxegexma'a: —Kólchexa sa' ekyókxoho aqsok kéláyókxa éleñama nak mók nekha, ekhéyak nak kélnepyeseksa kéxegke, kólyaqpasák yegmen, kólyaqmagkasák sa' han pók kélnaqta.

2 Samuel 19:24

Aptekkek axta han apkelanyexágko apma takha' m'a Mefi-bóset Saúl axta apketche. Axta han elyenyessók apmagkok, eyeynamo m'a sekxók axta kéltekkessama wesse' apwányam, ekwokmoho apwa'akto makham yetlo meyke ektáhakxa', axta han eyéssessók áwa' apátog, tén han melyenyessama m'a apkelnaqta.

2 Crónicas 29:34

Axta han esawhawok apkelhaxyawáseyak émpe'ék aqsok kélnaqtósso yaqwayam kalwatnaxchek ma'a appasmo apkelmaxnéssesso Dios énxet'ák apagkok, hakte apqántawók axta, appasmeyk axta yaqwayam esawhagkok apkeltamheykha m'a aptémo xamo' nak levitas, ekwokmoho apkelaxñásekxo han apyempe'ék ma'a pók apkelmaxnéssesso nak Dios énxet'ák apagkok; hakte apmenyeyk axta eláxñásekxak apyempe'ék ma'a levitas, axta kaxnók ma'a apkelmaxnéssesso nak Dios énxet'ák apagkok.

2 Crónicas 29:5

Aptáhak axta apkeláneya s'e: “Levitas, kóleyxho sekpeywa: kóláxñásekxa sa' kaxwók kélyempe'ék, kólmópeyásekxoho sa' han ma'a Wesse' egegkok tegma appagkanamap apagkok, Dios apagkok axta m'a kélyapmeyk nano'. Kólántekkes sa' kañe' tegma appagkanamap ma'a ekyókxoho aqsok élmanyása nak.

Job 1:5

Wokmek axta agkok chá'a néxa ekhem apkeláneyak ektámáxche ekyawe, keñe eláneyha chá'a apketchek ma'a Job, axto'ók agko' axta chá'a exatakhak egkések aqsok kéltósso ekwatnamáxche', yaqwayam emasséssesek apkeltémakxa melya'assáxma xama chá'a xa apketchek nak. Axta aptemék chá'a Job xa ektáha nak, eyáyo apnények elanagkok melya'assáxma apketchek, kalyemnaha apkelwáxok ma'a Dios.

Levítico 11:25

“Kélxama ektáhakxa enxoho apma ápak xa aqsok nawha'ák nak, kéméxcheyk elyenyeksek apkelnaqta, katnehek sa' ekmanyása apyempehek ekweykmoho ekyáqtésa.

Levítico 15:5

“Ekyókxoho ektáhakxa enxoho ekpaknegweykmoho apyetnakxa enxoho xa énxet nak, elyenyeksek sa' chá'a apkelnaqta, eyaqpaksek sa' nahan chá'a yegmen, exénakpok sa' han aptáha ekmanyása apyempehek ekwokmoho ekyáqtésa.

Números 11:18

Yána' elmópeyásekxak apyempe'ék ma'a énxet'ák, elpenaksohok aptamhágkaxa m'a saka, keñe sa' etawagkok ápetek. Ekleg'ak ko'o apkellekxagweyncha'a, tén han aptáha chá'a apkelpaqméteyncha'a s'e: ¡Kaxho annal'a ápetek yaqwayam antawagkok! ¡Tásek axta negheykha m'a Egipto! Almésagkok sa' ko'o ápetek yaqwayam sa' etawagkok,

Números 19:19

Énxet ekmópeyo apyempehek sa' chá'a yexpaqheykha énxet ekmanyása nak apyempehek ekwokmo enxoho chá'a ántánxo ekhem, tén han siete ekhem. Keñe sa' ektáha enxoho chá'a siete ekhem kamópekxak chá'a apyempehek. Keñe sa' ma'a énxet ekteme nak ekmanyása apyempehek elyenyeksek apkelnaqta, eyaqpaksek sa' nahan yegmen, kawomhok sa' eyke ekmanyása apyempehek ekyáqtésa.

Números 31:23

—ekyókxoho aqsok, megkalmeyesma nak kólwatnek, kólmópeyásekxak sa' kólnegkenek ma'a nátex, tén han kólyenyesagkok ma'a yegmen élmópeseykekxoho nak émpe'ék aqsok. Keñe sa' ma'a aqsok élmeyesmo nak kólwatnek, wánxa sa' aqsa kólmópeyásekxak émpe'ék ma'a yegmen.

Números 31:24

Keñe sa' ekwokmo enxoho siete ekhem kólyenyesagkok kélnaqta, tén sa' kólmópekxoho'. Keñe sa' kélwanchek kólántaxnegwakxak ma'a apheykegkaxa nak énxet'ák.

Números 8:21

Apkelmópesákxeyk axta apyempe'ék ma'a levitas, apkelyenyeyásegkek axta nahan apkelnaqta, tén axta Aarón apnaqlawa nápaqtók Wesse' egegkok apteméssesa ektémól'a negmésso naqsa aqsok ektaqmela, apkelmópessáseykxeyk axta apyempe'ék.

Números 8:7

Sa' katnehek apkelmópessáseykekxa apyempe'ék se'e: Xeyep sa' elexpaqheykha m'a yegmen sẽlmópessáseykekxa nak egyempehek, keñe sa' natámen elyaqtennagkok ekyókxoho áwa' apyempe'ék ma'a, elyenyesagkok sa' nahan apkelnaqta, keñe sa' kalmópekxohok apyempehek.

Josué 3:5

Keñe axta Josué aptáha apkeláneya énxet'ák se'e: “Kólteme sa' eyáxñeyo kéltémakxa nápaqtók Dios, hakte saka sa' kólwetak elának aqsok sempelakkasso m'a Wesse' egegkok.”

Josué 7:13

Yempekxa néten, eláneyha m'a énxet'ák nak, eltennés sa' yának elánekxak aptamhágkaxa yaqwayam elmeyenták ko'o emonye' m'a élsaka sa', hakte ko'o sekteme Wesse', Dios apagkok nak ma'a énxet'ák Israel, ektáhak se'e: ‘Kéxegke Israel, kélmeyk ma'a aqsok séltémo axta kólmasséssók ekyókxoho. Sa' agkok kólmasséssekmok kéxegke m'a aqsok séltémo axta kólmasséssók, megkólxohók sa' kólenmexek ma'a katnaha nak kélnámakkok.’

1 Samuel 16:5

—Éhay —axta aptáhak Samuel—. Ekwa'ak ko'o yaqwayam agkések aqsok ekmatñá m'a Wesse' egegkok. Kóláxñásekxa sa' kélyempe'ék, hélyetlaw sa' hélpasmok sélane aqsok ekmatñá. Tén axta Samuel apcháxñassásekxo apyempehek ma'a Jesé yetlo apketchek, tén axta apkeltamho epasmok apkelane aqsok ekmatñá.