Éxodo 16:8 - Biblia Enxet

⁸ Tén axta Moisés aptáha appeywa s'e: —Taxnám sa' elmésagkok kéxegke Wesse' egegkok ápetek yaqwayam kóltawagkok, tén sa' ma'a saka elmésagkok kelpasmaga apxámokma apagko', hakte aplegayak chá'a ektémakxa kéxegke kélxéneykha ekmaso. Negko'o eyke kaqhok hẽlxénmakha. Mehẽlxénaha nahan chá'a negko'o ekmaso kéxegke, akke kélxénaha chá'a ekmaso m'a Wesse' egegkok.

Éxodo 16:8 Iomraidhean Croise

Éxodo 16:12

—Eklegayók chá'a ko'o apkelpaqméteykha ekmaso sexeyenma m'a israelitas. Elpaqhetches sa' xép ma'a. Sa' etnehek elának se'e: ‘Taxnakmek sa' agkok, kóltawagkok sa' kéxegke m'a ápetek, tén sa' ma'a saka kóltawagkok ma'a kelpasmaga ekwokmoho kélyaqkanakmo. Tén sa' kólya'ásegwók ko'o sektáha Wesse' Dios kélagkok.’

Éxodo 16:9

Tén axta Moisés aptáha apcháneya Aarón se'e: —Eltennasák sa' apyókxoho israelitas yának elyepetchegwatámhok aphakxa m'a Wesse' egegkok, hakte aplegayók chá'a ektémakxa apkelxéneykha ekmaso m'a.

Éxodo 17:2

tén axta m'a énxet'ák appaqhetchásekxo makham ekyennaqte ma'a Moisés. Aptáhak axta apkelpaqmeta s'e: —¡Hegmés negko'o yegmen yaqwayam agyenagkok! Tén axta Moisés apchátegmowágkokxo. Aptáhak axta apkeláneya s'e: —¿Yaqsa ektáha sélpaqhetchessa'akto nak ko'o ekyennaqte? ¿Yaqsa ektáha kélyepkeyna nak Dios? —axta aptáhak apkeláneya.

Isaías 32:6

Hakte asagkek chá'a katnehek appeywa m'a énxet ekmaso nak aptémakxa, keñe m'a apwáxok nak kalchetmok chá'a ekmaso agko' yaqwánxa etnehek; ektamok chá'a yaqwánxa etnehek elának aqsok ekmaso agko', apmopwána amya'a nahan chá'a etnehek yenmexmakha m'a Wesse' egegkok; yáphaksek aqsa nahan chá'a etaqhekxak meyke apmésso apto m'a meyk áto nak, megyagkek nahan yegmen ma'a hem áto' nak.

Isaías 37:29

Watchessesek sa' ko'o exchep apwéhek sawo ekhaxe tén han xama ekmassáseyak chá'a apátog ektémól'a kélatchessesso apwáxok ma'a yátnáxeg, eñama sekwete ektémakxa aplo tén han megyésso yeykpoho', wáphaksek sa' makham etaqhohok epéwhok ma'a ámay appéwomókxa axta apxegeykmo.”

Números 11:18

Yána' elmópeyásekxak apyempe'ék ma'a énxet'ák, elpenaksohok aptamhágkaxa m'a saka, keñe sa' etawagkok ápetek. Ekleg'ak ko'o apkellekxagweyncha'a, tén han aptáha chá'a apkelpaqméteyncha'a s'e: ¡Kaxho annal'a ápetek yaqwayam antawagkok! ¡Tásek axta negheykha m'a Egipto! Almésagkok sa' ko'o ápetek yaqwayam sa' etawagkok,

Números 14:27

—¿Háxko sa' ekwánxa kammok néxa sexéneykha ko'o xa israelitas, élmasagcha'a nak apkeltémakxa? Ekleg'ak ko'o apkelpaqméteykha ekmaso sexéna.

Números 21:7

Tén axta apkelya'aweykxo m'a Moisés. Aptáhak axta apcháneya s'e: —¡Nenlánegkek negko'o mólya'assáxma nélpaqméteyncha'a nénmexeyncha'a m'a Wesse' egegkok, tén han xép! ¡Hẽlmaxnésses negko'o Wesse' egegkok, hegmasséssesek se'e yéwa nak! Apkelmaxnakkek axta Moisés Wesse' egegkok apkeltamho meyaqmagkásekxeyk melya'assáxma m'a israelitas,

1 Samuel 8:7

tén axta aptáha apchátegmowágko Wesse' egegkok se'e: “Etne sa' aqsa m'a ektáhakxa enxoho apkelmaxneyeykha énxet'ák, háwe eyke exchep kélyetnakhasso, ko'o eyke, yaqwayam matnehek chá'a Wesse' apwányam nepyeseksa.