Éxodo 15:16 - Biblia Enxet

¹⁶ “Wesse' egegkok, ¡elyegwakkas!, ¡yána' yeygkok! ¡tásek exmakha aqsa ektémól'a kaxnagkok ma'a meteymog eñama xa apmopwána ekyennaqte nak, ekwokmoho sa' apkelyeyk'a m'a énxet'ák apagkok, cham'a énxet'ák apteme nak xeyep apagkok!

Éxodo 15:16 Iomraidhean Croise

Génesis 35:5

Xama axta apkelánteyapma m'a, apkeltémók axta yeyk Dios ma'a apyókxoho énxet'ák apheykha nak neyáwa apheykegkaxa', axta keñamak megkólamheykegko m'a Jacob apketchek.

2 Samuel 7:23

Keñe m'a Israel, énxet'ák apagkok nak xép, ¡méko pók énxet'ák aphawo keso náxop! Apkelwagkassegkek axta exchep teyp Dios, yaqwayam etnehek énxet'ák apagkok, payheykekxeyk axta exchep apwesey apkeláneya m'a aqsok magésso nak agè', tén han ma'a aqsok éltaqmalma nak. Apkelántekkessegkek axta chá'a exchep apmonye'e énxet'ák apagkok ma'a pók énxet'ák nak, tén han ma'a aqsok apkeláyókxa nak, cham'a apkelántekkesseykekxa axta m'a Egipto,

Salmos 105:38

Kelpayheykekxeyk axta apkelwáxok énxet'ák Egipto apkelweteya apkelxegama, hakte apkeláyak apagko' axta.

Salmos 74:2

Kaxénwakxoho apwáxok énxet'ák apagkok, apkelmoma axta m'a sekxók eyeynókxa axta, apkelwagkassama axta teyp yaqwayam etnehek énxet'ák apagkok; kaxénwakxoho apwáxok ma'a egkexe Sión, aphamakxa axta.

Salmos 89:14

Appekkenmeyk apkelánekxésso ektaqmalma apheykha énxet'ák ma'a aptémakxa nak wesse' apwányam, tén han ekpéwomo agko'; wetamaxcheyk segásekhayo, tén han mehenyenyaweykha eñama m'a aptémakxa nak chá'a aqsok apkelane.

Éxodo 11:7

Megkalpáwhek sa' semheg xama énxet essenhan aptósso enxoho m'a israelitas, yaqwayam sa' kólya'asagkohok kéxegke Wesse' egegkok apteméssesa megkólhémo egipcios kéxegke kéltáha nak israelitas.

Éxodo 15:13

Yetlo apkelásekhayo exchep apnaqleykha s'e énxet'ák apagkok apkelwagkasa nak teyp; yetlo apmopwána nahan apnaqleykekxak ma'a yókxexma ekpagkanamaxchexa apagkok nak.

Éxodo 15:5

Appallénteyk axta ekweykmoho m'a kañók agko', máxa axta aptamhágkok ma'a ektémól'a meteymog kapallenta', chápekxeyk axta m'a wátsam ekwányam ekmattawóneg nak.

Éxodo 15:6

Wesse' egegkok, kayhek xép apmek apkelya'assamakxa, ekmowána nahan eghak, cham'a éltepelchawo axta m'a katnaha egnámakkok.

Éxodo 18:8

Apkeltennáseyha axta nahan apepyáta' Moisés ekyókxoho apteméssessamakxa axta Wesse' egegkok faraón tén han egipcios apkelmasma m'a israelitas, tén han ma'a ekyókxoho ektémakxa axta chá'a apkelwete ekyentaxno neyseksók apkelxega m'a ámay, tén han ma'a ektémakxa axta apkelwagkassama teyp ma'a Wesse' egegkok.

Éxodo 20:2

“Ko'o sekteme Dios Wesse' apagkok, ektáha axta aptekkesso m'a Egipto, aptémakxa axta kélásenneykha naqsa.

Éxodo 23:20

“Elano, wáphaksek sa' ko'o seyásenneykha apmonye' exchep, yaqwayam sa' etaqmelchesek neyseksók apxega ámay tén han eyentamok ma'a yókxexma sektaqmelchessessamakxa nak.

Éxodo 23:22

Naqsók agkok xeyep mey'ássekmo tén han apkelana enxoho ekyókxoho m'a séltamhókxa axta etnehek, etnehek sa' ko'o sélenmexma m'a apkelenmexma nak xeyep, wanmexmakha sa' nahan ko'o m'a ektáha nak chá'a exchep apkenmexeykha.

Éxodo 23:27

“Ko'o sa' eyke wának yeygkok xeyep ma'a apkelenmexma nak, kalpayheykha sa' apatña'ák apyeykhágwánxa enxoho chá'a m'a apkelókxa, apheykegkaxa enxoho chá'a m'a énxet'ák, wának sa' nahan ko'o yenyahagkok ma'a apkelenmexma nak.

Éxodo 6:7

Almok sa' ko'o kéxegke atnehek énxet'ák ahagkok, tén sa' ko'o kéxegke héltéhek Dios kélagkok. Sa' hélya'ásegwók nahan ko'o sektáha Dios Wesse' kélagkok ma'a sélmallahanchesa sa' ektémakxa ekyentaxno kéltamheykha apmésso chá'a m'a egipcios.

Isaías 51:10

apyamassegkek axta m'a wátsam ekwányam cham'a yegmen ekmattawóneg agko' nak, ámay axta apteméssáseykekxak ma'a kañók agko' nak wátsam ekwányam yaqwayam enxoho elyeykhekxak ma'a kélmallahanchesso nak aqsok ekyentaxno.

Isaías 63:12

apkeltémo axta keytlawha apmopwána eyeymáxkoho m'a Moisés, apmeykáséykekxo axta neyseksa wátsam ekwányam apmonye'e m'a énxet'ák apagkok yaqwayam enxoho kólya'asagkohok chá'a ekyókxoho yókxexma, meyke néxa,

Jeremías 31:11

Hakte apkelmeykekxeyk Wesse' egegkok ma'a Jacob énxet'ák apagkok, apkexakkáseykekxeyk ma'a énxet'ák apkelyennaqte apagko' axta.

Ezequiel 16:8

“Ekyeykhágweykxeyk axta makham xeye', élanawók axta; wokmek axta kaxwók ma'a ekweykenxal'a kelán'a étkok kawának ektegyeykha ekpagkanma. Eyaqlássek axta ko'o exche' m'a seyaqlamaxche, eyáhakkassek axta m'a meykexa nak apáwa ekyókxa, tén axta sektáha sekpagkanma; élanak axta ekhémo mók sélpaqhetchásamáxkoho exche', ahagkok axta nahan ektáhak. Ko'o sekxeyenma xa, sektáha nak Wesse'.

Deuteronomio 11:25

Méko sa' awanchek kanmexekxak kéxegke. Hakte Dios Wesse' kélagkok sa' eyánchessesagkohok apkelmenaye tén han apkelyegwakto énxet'ák ma'a ekyókxoho kélmahágkaxa enxoho chá'a, ekhawo m'a apxeyenmakxa axta chá'a etnéssesek.

Deuteronomio 2:25

Sakhem sa' ko'o weynhok sekmésso apkelmenaye kélmonye'e kéxegke m'a apyókxoho énxet apheykha nak keso náxop. Apkelleg'ak sa' agkok chá'a kólxénaxchek kéxegke, elpexyennók sa' chá'a apkelaye, kallegagkohok sa' chá'a apkelwáxok.’

Deuteronomio 2:4

Eltennasák sa' énxet'ák se'e séltamhókxa nak chá'a etnahagkok: Kólyeykhágwók sa' kéxegke m'a Esaú aptawán'ák neptámen xapop apagkok nak, cham'a apheykencha'a nak Seír, kélteme kélnámakkok akke nahan kéxegke m'a. Yáwhok nahan kéxegke m'a; eyke katneykha sa' kélwáxok,

Deuteronomio 32:6

¿keyaxa kélyaqmagkásekxo mók apteméssessamakxa Wesse' egegkok kéltéma xa ektáha nak? Énxet'ák élyeyhaxma meyke nak kélya'áseyak aqsok, ¿háweya kélyáp kéxegke m'a? ¿Háweya apkelane? ¡Axta apkelane kéxegke m'a tén han apmésso kélyennaqte!

Deuteronomio 32:9

hakte Wesse' egegkok axta apkelyéseykha m'a, énxet'ák apagkok axta m'a Jacob énxet'ák apagkok nak.

Josué 2:9

—Ekya'ásegkók ko'o apmésa Wesse' kélagkok kéxegke s'e xapop nak, hakte egméssek negko'o ekyawe agko' éltamheykha egwáxok. Awanhók agko' éltamheykha apkelwáxok apyókxoho énxet'ák apheykha nak se'e, kéxegke eñamakxa'.

Josué 4:24

Sa' katnehek ma'a ekyókxoho yókxexma apheykegkaxa nak énxet'ák, elya'ásegwók sa' ekha apmopwána Wesse' egegkok, keñe sa' kéxegke kóltéhek chá'a kéláyo megkatnégwayam néxa m'a Dios Wesse' kélagkok.”

1 Samuel 2:9

Cha'a apkeláneykha chá'a apkelmahágkaxa enxoho m'a énxet'ák apagkok melyenyaweykha nak, elmassegwók eyke aqsa chá'a ekyáqtésakxa exma m'a élmasagcha'a nak apkeltémakxa, hakte méko kawagkasek teyp ma'a ektémakxa nak ekyennaqte.

1 Samuel 25:37

Keñe axta mók ekhem, ekmassa eyaqhe anmen ma'a Nabal, pékessásawok axta éltennáseykha Abigail ektáhakxa, keñe axta Nabal ekpelakkasa aqsa eyapa, yélaqtéssek axta han.