Éxodo 15:14 - Biblia Enxet

¹⁴ Elpexyennók sa' chá'a apkelleg'a enxoho m'a ekyókxoho apheykegkaxa nak chá'a énxet'ák, elektakpok sa' ellegagkohok ekmáske m'a filisteos,

Éxodo 15:14 Iomraidhean Croise

1 Crónicas 14:17

payheykekxeyk axta ektémakxa apxénamap David ma'a ekyókxoho apkelókxa nak, Wesse' egegkok axta apteméssesso yaqwayam yeykpok chá'a m'a ekyókxoho apheykegkaxa nak.

Salmos 48:6

Taxneyk axta apkelwáxok apkelaye: apkelpexyawáha axta apkellegágkoho ekmáske, máxa axta aptamhágkok ma'a kelán'a ekmáheyól'a katnehek naqláwa;

Salmos 48:7

ektémól'a m'a éxchahayam eñama nak teyapmakxa ekhem, élekkexma axta m'a yántakpayhe ekyawe eñama nak Tarsis.

Isaías 14:29

Filisteos, nágkalpayhekxa aqsa kélwáxok kélekkexchesa m'a yámet kéltekyaweykencha'a axta chá'a, hakte sa' kañék katyapok xama yéwa m'a ekteyapmakxa nak chá'a m'a yéwa, katyapok sa' xama yéwa ekwányam ekmowána kampa'.

Isaías 14:31

¡Filisteos, kélheykha nak apyókxoho tegma apkelyawe, kallapwomák, kalpayheykha kélatña'ák kóllekxagwaha, kólpexyennem kélaye! Hakte apkelxegakmek énxet apxámokma yaqwayam yempakhak ma'a ekpayho nak nexcheyha, máxa éten ekpánmal'a aptáhak; méko nahan xama enxoho apteyapma neyseksa m'a apkeleyweykekxa nak apkelxega.

Isaías 23:5

Apkellegágweykxeyk sa' agkok amya'a m'a egipcios kaltemeykha agko' sa' apkelwáxok eñama apkellege ektáhakxa m'a Tiro.

Ezequiel 32:9

“Wokmek sa' agkok amya'a kélmassésseyam xép ma'a apkelókxa melweteykxa nak, wának sa' ko'o kaltemeykha apkelwáxok apxámokma apagko' ma'a énxet.

Habacuc 3:6

Epexyennegkesek chá'a xapop ma'a apkenegwánxa enxoho; elpexyennók chá'a pók aptémakxa énxet'ák apkelano enxoho; kalyaqnenagkok chá'a m'a nanók egkexe nak, kalpayhekxak chá'a m'a nanók meteymog élwenaqte nak, megkamassegwomek eyke m'a Dios ámay apagkok.

Habacuc 3:7

Ekwet'ak ko'o énxet'ák Cusán eyáhapwa'a éltemegweykmoho exma ekmaso, keñe m'a énxet'ák Madián sekwet'a apkelpexyennama apkelaye.

Números 14:14

kóltennasha sa' nahan ma'a énxet'ák apheykha nak apchókxa Canaán. Apkellegayak nahan amya'a aphama exchep nepyeseksa s'e énxet'ák nak, xép Wesse' egegkok, tén han apchahayo chá'a éta', tén han ekyetnama chá'a yaphope apagkok xép ma'a néten apyetseksa'ák nak, tén han ekxegama chá'a apmonye'e ekhem ma'a yaphope émha, keñe axta'a chá'a m'a táxa eyáléwe émha.

Números 22:5

apkeltamhók axta kólyentawakxések ma'a Balaam, Beor axta apketche, aphama axta m'a tegma apwányam Petor, nekha nak wátsam Éufrates, Amav apchókxa. Axta aptáhak Balac apmésa appeywa ektáha axta apkelápháseykha, apkeltamho etnehek yának Balaam apcháneyeyncha'a s'e: “Egipto apkeleñamak énxet'ák, appayhékxo ekyókxoho apkelókxa, apkelpakxenwa'ak nahan kaxwók se'e keto' nak sekhakxa ko'o.

Deuteronomio 2:25

Sakhem sa' ko'o weynhok sekmésso apkelmenaye kélmonye'e kéxegke m'a apyókxoho énxet apheykha nak keso náxop. Apkelleg'ak sa' agkok chá'a kólxénaxchek kéxegke, elpexyennók sa' chá'a apkelaye, kallegagkohok sa' chá'a apkelwáxok.’

Josué 2:11

Awanhók agko' axta éltamheykha egwáxok nenleg'a negko'o m'a amya'a nak. Cháxa keñamak méko nak ekmako kalenmexek kéxegke, cham'a Wesse' ektáha nak Dios kélagkok kéxegke, cháxa aptáha apagkok apagko' ma'a néten, tén han ekweyktámho s'e náxop nak.

Josué 9:24

Keñe axta apkelátegmowágko Josué m'a: —Nentemék axta negko'o m'a hakte tamháha axta egwáxok kólmahagkok hẽlnáhapwók, hakte negya'ásegkók ma'a Dios Wesse' kélagkok, apkeltémókxa axta etnehek ma'a Moisés, apteme axta apchásenneykha, apxeyenma egkések kéxegke s'e ekyókxoho apheykegkaxa nak, tén han emasséssók ma'a apyókxoho ektáha nak apheykha s'e,

Josué 9:9

Keñe axta apkelátegmowágko m'a: —Tayépek negko'o néleñamakxa, hakte payheykekxeyk apwesey aptémakxa m'a Wesse' kélagkok nak Dios. Negya'ásegkók han negko'o ekyókxoho apteméssessamakxa axta m'a Egipto,

1 Samuel 4:7

yetlókok axta apkelaye, keñe aptáha apkelpaqmeta s'e: “¡Dios hek apwa'ak ma'a apkelpakxeneykegkaxa nak! ¡Negko'o la'aye, hakte magweték chá'a negko'o katnehek xa ektáhakxa nak!

1 Samuel 4:8

¡Negko'o la'aye! ¿Yaqsa sa' hẽlmallahanchesek negko'o hegaksek hẽlmok xa Dios apyennaqte apagko' nak? ¡Axta apmassésseyam egipcios ma'a yókxexma meykexa nak énxet, apchahaya chá'a mók ektémakxa aqsok élmasagcha'a!