Éxodo 15:1 - Biblia Enxet

¹ Tén axta Moisés apmeneykmasa yetlo israelitas se'e negmeneykmasso nak, apkelsawassásawo m'a Wesse' egegkok. Aptáhak axta apkelmeneykmasso s'e: “Anneykmássesek sa' ko'o Wesse' egegkok, cham'a apmallana axta nepyeseksa apkelenmexma apkelweykeságko kañe' wátsam ekwányam ma'a yátnáxeg tén han ma'a apheykha nak apkap'ák.

Éxodo 15:1 Iomraidhean Croise

Nehemías 9:11

Apmeykessáseykekxeyk axta apmonye'e wátsam ekwányam, keñe axta apkelyeykheykekxo neyseksa ekyamáyóxma m'a xapop, apkelweykáseykegkek axta eyke kañók agko' ma'a ektáha axta apmenxenma, ektémól'a meteymog katxek keytnamok ma'a kañók agko' nak yegmen.

Job 36:24

Apyókxoho énxet elxénmakha ektaqmela m'a aqsok apkelane; kaxén xépxa apwáxok eyéméxko elteméssesek éltaqmalma.

Salmos 105:43

Apkelántekkessegkek axta Dios énxet'ák apagkok ektáha axta apkelyéseykha, yetlo apkelwehéseykha élpayheykekxa apkelwáxok,

Salmos 106:12

Cháxa eyápaqhágwokmo axta melya'ásseyam ma'a appeywa axta apmésso Dios, apkelmeneykmássek axta nahan apkelpeykásawo.

Salmos 107:15

Kólmés ekxeyenma kélwáxok Wesse' egegkok, eñama segásekhayo, ¡tén han apkelánésso chá'a aqsok éltaqmalma appasmo m'a énxet'ák!

Salmos 107:8

Kólmés ekxeyenma kélwáxok Wesse' egegkok, eñama segásekhayo, ¡tén han apkelánésso chá'a aqsok éltaqmalma appasmo m'a énxet'ák!

Salmos 32:7

Xép apteme sekyexanmomakxa, heyeksek chá'a m'a aqsok ekmaso, kalmeneykmasaxchek chá'a neyáwa sekhakxa', eñama sewagkasso teyp.

Salmos 76:6

Xama axta apkelpaqhetchesa exchep ma'a yátnáxeg, tén han ma'a apkelyenyawasso nak, xép aptáha nak Jacob Dios apagkok, máxa életsapma axta tamhágkok.

Salmos 76:7

¡Yeykpohok xép! ¿Yaqsa katnemekxak xép apmonye' aplawa enxoho?

Éxodo 14:26

Keñe axta Wesse' egegkok aptáha apcháneya Moisés se'e: —Ey'és sa' apmek ekpayhókxa nak ma'a wátsam ekwányam, yaqwayam sa' keypetchekxak mók ma'a yegmen, kápekxak sa' nahan ma'a egipcios, tén han ma'a yátnáxeg apkelyenyawasso apagkok nak ekweykekxoho m'a apkelchánte nak yátnáxeg.

Éxodo 14:27

Apya'ássek axta apmek Moisés ekpayhókxa m'a wátsam ekwányam, keñe axta élsaka, ekyetnákxo makham yegmen ma'a ekyetnamakxa axta chá'a. Xama axta apmako yenyahagkok ma'a egipcios, chápeykxeyk axta m'a wátsam ekwányam. Apkelweykásegkek axta Wesse' egegkok xa énxet'ák nak.

Éxodo 15:21

Axta entáhak nahan éláneya neyseksa élmeneykmasso námakkok se'e: “Kólmeneykmásses Wesse' egegkok, cham'a apmallana axta nepyeseksa apkelenmexma, apkelweykeságko wátsam ekwányam ma'a yátnáxeg tén han ma'a apheykha nak apkap'ák.”

Éxodo 18:11

tén han neyseksók apkelwanyeykha axta. Ekya'ásegwokmek kaxwók ko'o Wesse' egegkok aptáha apwányam apagko' neyseksa m'a ekyókxoho aqsok kéláyókxa nak chá'a.

Proverbios 29:6

Neykhe kelhanma apagkok énxet ekmaso nak aptémakxa m'a mey'assáxma nak; kapayhekxak eyke chá'a apwáxok neyseksa apha m'a énxet meyke nak aptémakxa, yátsaha chá'a.

Isaías 42:10

Kólmeneykmásses Wesse' egegkok negmeneykmasso axnagkok; kólpeykesho kélheykha nak makhawók agko' keso náxop, cham'a kélxega nak chá'a neyseksa wátsam ekwányam tén han ma'a aqsok élleykha nak ma'a kañe', tén han ma'a apkelókxa ekhéyak nak neyáwa wátsam ekwányam yetlo m'a énxet'ák apheykha nak ma'a kañe'.

Jeremías 51:21

Xép chá'a wásenneykxak alyaqtennagkok ma'a yátnáxeg, tén han ma'a apheykha apkap'ák, tén han ma'a yátnáxeg apkelyenyawasso yetlo m'a apkelxegkesso nak chá'a.

Oseas 2:17

Kamaskok sa' kaxwók kalxének élwesey m'a Baales, megkalxénaxcheyk sa' nahan chá'a kaxwók xa.

Números 21:17

Tén axta israelitas aptéma apkelmeneykmassama s'e: “¡Katyep yegmen yámelchet! ¡Kólmeneykmásses yámelchet!