Éxodo 13:21 - Biblia Enxet

²¹ Ekhem axta nahan chá'a apteméssessók apkelxegexma'a Wesse' egegkok ma'a xama yaphope, yaqwayam enxoho kaxekmósek chá'a m'a ámay; tén axta chá'a axta'a apkelyetlókassama m'a xama táxa eyáléwe, yaqwayam enxoho kalsássesek chá'a exma. Axta keñamak apkelmopwagko chá'a apkelxegama ekhem tén han axta'a.

Éxodo 13:21 Iomraidhean Croise

Nehemías 9:12

Apxegkessessegkek axta chá'a apmonye'e yaphope yaqwayam kapékessesagkok ámay, keñe axta axta'a xama táxa eyáléwe émha, yaqwayam enxoho kaltátchessesek chá'a m'a ámay yaqwánxa enxoho chá'a elyetlók.

Nehemías 9:19

axta eyke ekxakhagweykmok xép ma'a yókxexma meykexa nak énxet, eñama ekyawe apkelásekhayo. Axta han kayenseykmok chá'a ekhem ma'a yaphope émha nak, yaqwayam enxoho kapékessesagkok ámay, tén axta han táxa émha m'a axta'a, yaqwayam enxoho kaltátchessesek chá'a m'a ámay, yaqwánxa enxoho chá'a elyetlók.

Salmos 105:39

Appeykessegkek axta yaphope Dios yaqwayam kápok, tén han táxa yaqwayam kalsássesek exma axta'a.

Salmos 68:7

Oh Dios, xama axta apxegama exchep apmonye'e m'a énxet'ák apagkok, apyeykheykekxo m'a yókxexma meykexa nak aqsok,

Salmos 77:20

Máxa nepkések axta apteméssessók apnaqleykencha'a énxet'ák apagkok, apchásenneykekxo axta m'a Moisés, tén han Aarón.

Salmos 78:14

Yaphope axta chá'a apxegkessessók apmonye'e ekhem, keñe axta chá'a axta'a táxa eyápogwate.

Salmos 99:7

Elpaqhetchesek axta chá'a Dios ma'a kañe' yaphope, apkeláneykegkek axta chá'a m'a apkeltémókxa axta chá'a etnahagkok, tén han ma'a segánamakxa apmésso axta.

Éxodo 10:10

Keñe axta faraón aptáha apkeláneya s'e: —¡Negyekpelchawók kéxegke eyesagko yaqwánxa kóltéhek! ¿Naqsóya kéltemessásak kéxegke apmako etnehek apkelxegexma'a m'a Wesse' kélagkok, tén han peya ko'óxa wohok kólxog yetlo m'a sakcha'álétkók kélagkok?

Éxodo 16:10

Neyseksók apkelpaqhetchesso axta Aarón ma'a israelitas, apyókxoho axta apkelenmexawok ma'a ekpayhókxa axta m'a yókxexma meykexa énxet, apkelwet'ak axta nahan Wesse' egegkok élseyéxma apagkok ekxekmowásexkoho m'a neyseksa xama yaphope.

Éxodo 32:1

Xama axta apkelwet'a israelitas ekwegqa metyapma Moisés ma'a néten egkexe nak, apchaqnákxeyk axta apwakhegwákxo aphakxa m'a Aarón. Aptáhak axta apcháneya s'e: —Henlanés sa' negko'o dios egagkok yaqwayam sa' hennaqlawha chá'a, hakte magya'ásegkok negko'o ektáhakxa m'a Moisés, ektáha axta sẽlántekkesso m'a Egipto.

Cantares 3:6

¿Yaqsa ekxegakmo nak yókxexma meykexa énxet, ekxegakmo nak ekho éten ekpánma ekmeyeykekxa néten, ekxegakmo nak yetlo émpasso ekpaqneyam ma'a yámet ánek ekmátsa nak ekpaqneyam tén han ma'a aqsok ekmátsa nak ekpaqneyam éten agkok, tén han ma'a ekyókxoho mók ektémakxa nak chá'a sokmátsa?

Números 10:34

Xegamchek axta aqsa nahan apyetseksa'ák ekhem ma'a Wesse' egegkok yaphope apagkok, cham'a apkelxegákxo enxoho chá'a.

Números 14:14

kóltennasha sa' nahan ma'a énxet'ák apheykha nak apchókxa Canaán. Apkellegayak nahan amya'a aphama exchep nepyeseksa s'e énxet'ák nak, xép Wesse' egegkok, tén han apchahayo chá'a éta', tén han ekyetnama chá'a yaphope apagkok xép ma'a néten apyetseksa'ák nak, tén han ekxegama chá'a apmonye'e ekhem ma'a yaphope émha, keñe axta'a chá'a m'a táxa eyáléwe émha.

Deuteronomio 1:33

apxegama axta chá'a kélmonye'e yaqwayam elyéssesha m'a yaqwánxa enxoho chá'a kólpakxenwók. Táxa eyáléwe axta chá'a appekkenchessók ámay yaqwánxa enxoho chá'a kólyetlók axta'a, tén axta ekhem appekkenchessama chá'a m'a yaphope.

Deuteronomio 31:8

Wesse' egegkok apagko' sa' chá'a exog apmonye' exchep, apxegexma sa' chá'a etnehek; meyenyewek sa' chá'a apxakko', epasmok sa' chá'a; nágye aqsa, ná eyélaqtéssem apwáxok.”