Éxodo 12:6 - Biblia Enxet

⁶ Kóltaqmelchesek sa' ekweykmoho ekhem catorce keso pelten nak se'e, tén sa' xa ekhem nak, apyókxoho énxet'ák Israel sa' chá'a elnápok ma'a amonye' ektaxnól'a ekhem.

Éxodo 12:6 Iomraidhean Croise

2 Crónicas 35:1

Apkelsawassásawok axta ekhem Pascua Josías ma'a Jerusalén, apkelánésa m'a Wesse' egegkok: Aptekyókek axta nepkések apketkók yaqwayam kólmaha kélessawássessamo ekhem catorce, apkemha apmonye' pelten la'a apyeyam.

Esdras 6:19

Apkelánegkek axta han ekhem melwagqayam Pascua m'a kélnaqleykekxa axta megkatnahakxa apkelókxa, ekhem catorce, apkemha apmonye' pelten.

Éxodo 12:14

Cháxa ekhem nak, eyéméxko chá'a kéxegke kaxénwakxohok kélwáxok tén han kóllának chá'a xama kélessawássessamo ekwányam agko' eñama Wesse' egegkok. Kóllának sa' chá'a kéxegke meyke néxa xa yaqwayam sa' kawakxohok apkelánéyak ma'a kélketchek tén han ma'a aptawán'ák nak.

Éxodo 12:17

Kéméxcheyk chá'a kéxegke kólessawásseshok ma'a kelpasmaga meyke kempáseyak, hakte cháxa ekhem nak sélantekkesakxa axta ko'o kéxegke kélyókxoho m'a Egipto. Kóllának sa' chá'a kéxegke meyke néxa xa yaqwayam sa' kawakxohok apkelánéyak ma'a kélketchek tén han ma'a aptawán'ák nak.

Éxodo 12:18

Kóltawagkok sa' kelpasmaga meyke kempáseyak eyeynamo m'a ekhem catorce taxnám apkemha apmonye' pelten nak, ekweykmoho ekhem veintiuno taxnám ekhawo nahan se'e pelten nak.

Éxodo 12:47

Sa' etnahagkok apyókxoho israelitas xa.

Éxodo 16:1

Apyókxoho israelitas axta apkelánteyapmak apkeleñama m'a yókxexma Elim, apkelwokmek axta m'a meykexa énxet ekwesey nak Sin, teyp nak yókxexma Elim halep nak Sinaí. Ekhem quince axta nahan chaqhawo', ektáhakxa axta apqánet pelten, natámen axta apkelánteyapma m'a Egipto.

Éxodo 16:12

—Eklegayók chá'a ko'o apkelpaqméteykha ekmaso sexeyenma m'a israelitas. Elpaqhetches sa' xép ma'a. Sa' etnehek elának se'e: ‘Taxnakmek sa' agkok, kóltawagkok sa' kéxegke m'a ápetek, tén sa' ma'a saka kóltawagkok ma'a kelpasmaga ekwokmoho kélyaqkanakmo. Tén sa' kólya'ásegwók ko'o sektáha Wesse' Dios kélagkok.’

Éxodo 19:1

Apkelwokmek axta israelitas yókxexma meykexa nak énxet Sinaí natámen axta ekwayam apqántánxo pelten apkelánteyapma m'a Egipto.

Éxodo 29:39

Axto'ók sa' nahan kólmések ma'a xama nak, keñe sa' taxnám ma'a pók nak.

Éxodo 29:41

Sa' nahan etnéssesek amonye' ektaxno ekhem ma'a pók nepkések apketkok nak, yetlo m'a aqsok sélmésso naqsa nak ko'o hótáhap tén han ma'a anmen yámet égmenek, aqsok sélmésso naqsa ekwatnamáxche' ekmátsa nak ekpaqneyam atekhánek, ko'o sektáha nak Wesse' kélagkok.

Isaías 53:6

Nélxegáneykmek negko'o negyókxoho, máxa nepkések nentamheykegkok, nentamheykegkek chá'a enxama m'a negmáheyókxa egagko' nak chá'a antéhek. Apmeyáseykekxeyk eyke Wesse' egegkok ekyókxoho m'a nentémakxa élmasagcha'a nak negko'o.

Ezequiel 45:21

Kóleynhok sa' kéxegke kéllane kélessawássessamo ekhem Pascua m'a ekhem catorce apkemha apmonye' pelten nak, kóltawagkok sa' kelpasmaga meyke kempáseyak ekweykmoho siete ekhem.

Levítico 23:5

“Kalanaxchek sa' chá'a ekhem Pascua megkólwagqayam Wesse' egegkok, ekhem catorce, apkemha apmonye' pelten.

Números 28:16

“Kóllanaksek sa' chá'a megkólwagqayam Wesse' egegkok ekhem Pascua m'a ekhem catorce, apkemha apmonyel'a pelten ma'a apyeyam,

Números 28:18

Kalanaxchek sa' kélaqneykekxa kélpeykessamókxa Wesse' egegkok xa eyeynókxa nak ekxega ekhem siete. Megkóllanyek sa' kéxegke kéltamheykha xama enxoho xa ekhem nak.

Números 9:11

elanagkok sa' chá'a m'a ekhem catorce, aptáhakxa nak apqánet pelten, taxnámla'a. Etawagkok sa' chá'a nepkések apketkok aphápetek, yetlo m'a yámet áwa' ekmáske, tén han kelpasmaga meyke nak kempáseyak,

Josué 5:10

Apkelpakxenwokmek axta énxet'ák Israel ma'a yókxexma Guilgal, taxnakmók axta apkelánegko m'a ekhem melwagqayam kéltéma nak Pascua, cham'a ekhem catorce, pelten nak. Axta payhók ma'a ekpayhegweykenxa nak xapop ma'a Jericó.