Éxodo 12:51 - Biblia Enxet

⁵¹ Cháxa ekhem apkelántekkesakxa axta nahan Wesse' egegkok Egipto m'a énxet'ák apxámokma nak israelitas.

Éxodo 12:51 Iomraidhean Croise

Génesis 50:24

Tén axta José aptáha apkeláneya apkelpepma s'e: “Ketók ko'o kaxwók sétsapmakxa', Dios sa' eyke epasmok kéxegke, elántekkesek sa' se'e apchókxa nak, yaqwayam enaqlakxak ma'a xapop apkeltennassamakxa axta Abraham, Isaac, tén han Jacob.”

1 Reyes 6:1

Apcheynamók axta apkelane Wesse' egegkok tegma appagkanamap apagkok Salomón, ekweykmo axta cuatro apyeyam apteme wesse' apwányam ma'a Israel, pelten éltamhomaxko axta Ziv, ektáhakxa axta apqánet pelten ma'a apyeyam, ekweykmo axta cuatrocientos ochenta apyeyam apkelánteyapma israelitas ma'a Egipto.

2 Crónicas 14:12

Tén axta Wesse' egegkok apmallahanchesa m'a Asá yetlo énxet'ák Judá, nepyeseksa m'a etiopes; apkenyahágkek axta m'a.

Salmos 114:1

Xama axta apkelánteyapma énxet'ák Israel Egipto, apkelánteyapma axta Jacob aptawán'ák neptámen ma'a megkatnahakxa nak apkelókxa,

Salmos 136:11

Apkelántekkessama axta Egipto m'a israelitas, hakte megkamassegwomek chá'a segásekhayo;

Éxodo 12:41

Cháxa ekhem nak, apwokmo axta cuatrocientos treinta apyeyam, apkelántekkek axta apyókxoho Wesse' egegkok sẽlpextétamo apagkok ma'a apkelókxa nak.

Éxodo 12:50

Apkelánegkek axta nahan israelitas ma'a ekyókxoho apkeltémókxa axta etnahagkok Wesse' egegkok ma'a Moisés tén han Aarón.

Éxodo 13:1

Appaqhetchessek axta Wesse' egegkok ma'a Moisés. Aptáhak axta apcháneya s'e:

Éxodo 16:1

Apyókxoho israelitas axta apkelánteyapmak apkeleñama m'a yókxexma Elim, apkelwokmek axta m'a meykexa énxet ekwesey nak Sin, teyp nak yókxexma Elim halep nak Sinaí. Ekhem quince axta nahan chaqhawo', ektáhakxa axta apqánet pelten, natámen axta apkelánteyapma m'a Egipto.

Éxodo 19:1

Apkelwokmek axta israelitas yókxexma meykexa nak énxet Sinaí natámen axta ekwayam apqántánxo pelten apkelánteyapma m'a Egipto.

Éxodo 3:8

Cháxa keñamak sekweywento nak ko'o, yaqwayam alwagkasek teyp neyseksa apkelma m'a egipcios; alántekkesek sa' ko'o s'e apkelókxa nak, alya'aksek sa' ma'a xama xapop ekyawe agko' nak tén han ektaqmalma, cham'a ényahamakxa nak weyke nagkeygmenek, tén han yányawhéna' apyegmenek ektémól'a kanyehek ma'a yegmen, cham'a apchókxa apheykegkaxa nak ma'a cananeos, hititas, amorreos, ferezeos, heveos tén han ma'a jebuseos.

Éxodo 6:26

Cháxa apkelpaqhetchessama axta nahan Wesse' egegkok apkeltémo elántekkesek israelitas Egipto xa Aarón nak tén han ma'a Moisés, apteméssessama axta m'a aptémól'a sẽlpextétamo ey'ammok ma'a kempakhakma.

Éxodo 6:6

Cháxa keñamak séltamho nak ko'o exog eltennaksek israelitas sekmako almallahanchesek ko'o ektémakxa nak kélásenneykha naqsa tén han ektémakxa nak ekyentaxno apkeltamheykha apmésso chá'a m'a egipcios, ko'o sektáha nak Wesse' kélagkok. Axekmósek sa' ko'o sekmowána. Alwagkasek sa' nahan teyp ekyetlómo sélane ekwányam agko' sellegassáseykegkoho ekwokmoho sélántekkesa.

Éxodo 7:4

Melyahakxeyk sa' nahan kéxegke m'a faraón, ayánchesagkok sa' eyke ko'o sekyenyeykenta sekmowána m'a kañe' Egipto. Ekyetlómo sélane ekwányam agko' sélyekpelchássessamo sa' ko'o atnehek alántekkesek sẽlpextétamo ahagkok ma'a, cham'a énxet'ák ahagkok israelitas.

Levítico 23:43

yaqwayam sa' elya'asagkohok apyókxoho kéltawán'ák kélnentámen nak, sélántekessama axta ko'o Egipto m'a israelitas, séltémo exmakha kóneg yámet aktegák étkók kélpakxanma. Ko'o sekteme Dios Wesse' kélagkok.”

Amós 2:10

Élántekkessegkek axta eyke ko'o kéxegke m'a Egipto, eknaqleykha axta ekweykmoho cuarenta apyeyam ma'a yókxexma meykexa nak énxet, yaqwayam enxoho agkések kéxegke xapop apagkok nak ma'a énxet'ák nak.

Miqueas 6:4

Élántekkesegkek axta ko'o kéxegke m'a Egipto, sélmallahanchessama m'a ektémakxa axta kélteme kélásenneykha naqsa. Eyáphássessegkek axta ko'o yaqwayam enaqlawha m'a Moisés, Aarón, tén han María.

Números 23:22

Aphéssamók nahan weyke kennawók kepet'ák ma'a Dios, apkelántekkesso axta m'a Egipto.

Números 26:4

kólnaqtáxésagkok apkelwesey weykcha'áhak apyókxoho m'a ekwayam nak chá'a veinte apyeyam apagkok néten, apkeltamhókxa axta etnehek Wesse' egegkok ma'a Moisés. Keso israelitas apkelánteyapma axta Egipto s'e:

Números 33:1

Keso ektémakxa axta apkelxega israelitas, sekxók apkelánteyapma axta m'a Egipto, yetlo apkelyaqyehéyak apkelxega aptémól'a sẽlpextétamo, apnaqleykha axta m'a Moisés tén han Aarón.

Deuteronomio 16:1

“Wákxeyk sa' agkok chá'a m'a pelten Abib, kóllána sa' chá'a m'a élánamáxchexa nak chá'a megkólwagqayam Pascua eñama m'a Wesse' kélagkok, hakte cháxa pelten, apkelántekkessamakxa axta kéxegke Dios Wesse' kélagkok axta'a m'a Egipto.

Deuteronomio 4:37

Apkelásekhayók axta kélyapmeyk nano' axta kéxegke m'a, apkelyéseykha axta nahan ma'a aptawán'ák neptámen nak, apkelántekkessegkek axta Egipto eñama ekyawe apmopwána.

Josué 24:5

Tén axta ko'o seyáphassama m'a Moisés tén han Aarón, éllegassáseykegkók axta ko'o ekyentaxno agko' ma'a énxet'ák Egipto, ekwokmoho sélántekkesa ko'o kéxegke m'a.