Éxodo 11:8 - Biblia Enxet

⁸ Tén sa' elxegmak hey'áwak ko'o apyókxoho apkeláneykha nak xép se'e, eltekxeyagkok sa' aptapnák etnehek heyának se'e: ‘Kólxeg, xép tén han ma'a apyókxoho énxet'ák ektáha nak chá'a exchep apkelyetleykha.’ Sa' agkok katnahak xa, maxñehek sa' makham. Aplókók apagko' axta Moisés aptepa m'a aphakxa faraón.

Éxodo 11:8 Iomraidhean Croise

1 Reyes 20:10

keñe axta Ben-hadad apkeltamho kóltéhek kólának Ahab: “¡Heñássesagkohok sa' ko'o ekyentaxno agko' aqsok séláyókxa eyeyméxko enxoho ketsék xóp ánek ma'a Samaria, yaqwayam enxoho almésagkok chá'a m'a sélxegexma'a!”

2 Reyes 3:9

Apkelxegkek axta m'a kelwesse'e nak Israel, Judá tén han ma'a Edom. Meyke yegmen axta eyke temégweykmok yaqwayam énagkok sẽlpextétamo, tén han aqsok kélnaqtósso, hakte siete ekhem axta temék apkelhaxnegchámeykekxa apkelxega.

Nehemías 5:6

Eklókek axta ko'o sekleg'a apkelpaqméteykha apkelxéneykha ektémakxa.

Salmos 6:1

Wesse', náhetaqnow aqsa ko'o aplawa enxoho, ná heñássesagkoho aqsa ko'o setaqnawaya enxoho.

Éxodo 10:29

Tén axta Moisés aptáha apchátegmowágkokxo s'e: —Tásek aptáhakxa seyáneya, móteyekxók sa' chá'a.

Isaías 49:23

Sa' katnehek ekteme yapmeyk ma'a kelwesse'e apkelwányam nak keñe sa' ektaqmelchesso chá'a m'a kelwesse'e kelwán'ák nak. Eltekxeyagkok sa' chá'a aptapnák xóp amonye' exche', ekwokmoho apkeltekxeya nápaqta'a xóp ekweykekxoho m'a kelwesse'e kelwán'ák nak, awanhók agko' sa' katnehek apcháyo. Keñe sa' kay'asagkohok ko'o sekteme Wesse', kay'asagkohok sa' nahan memegqáyhek chá'a m'a ektáha nak ko'o mehey'ásseyam.”

Isaías 49:26

Wának sa' ko'o etawagkokxak aphápetek apancha'awók ma'a apsawhéssamo axta aqsok kélagkok, wának sa' kalnápekxak ma'a éma apagkok apagko' nak ektémól'a énagkok ma'a vino. Keñe sa' elya'asagkohok apyókxoho énxet ektáha ko'o sekwagkasso teyp, ko'o sektáha nak Wesse'; elya'asagkohok sa' sektáha sekmallahanchesso aqsok ekyentaxno, ko'o sektáha nak Jacob Wesse' apagkok ekha sekyennaqte.”

Ezequiel 3:14

Émpásekxeyk axta néten ma'a Dios apmopwána, etekkessek axta m'a, ekxegkek axta ko'o yetlo ekmayósa ewáxok tén han eklo, apmágkek axta ekyennaqte agko' émek ma'a Wesse' egegkok.

Daniel 3:19

Yexwasekxeyk axta nápat aplawa Nabucodonosor apkeltaqnaweygko m'a apqántánxo wokma'ák nak, apleg'a aptáhakxa apkelpeywa. Apkeltamhók axta kólyeykhássamhok agko' ekmexanma m'a táxa axagkok;

Números 12:3

Naqsók eyke apteme énxet meyke agko' eyeymáxkoho apwáxok Moisés ekyókxoho keso nélwanmeygkaxa, méko pók aphawo enxoho.

Deuteronomio 29:24

“Keñe sa' etnehek elmaxneyha apyókxoho énxet'ák se'e: ‘¿Yaqsa ektáha apteméssesa nak Wesse' egegkok xa apchókxa nak? ¿Yaqsa ektáha aplóko apagko' nak?’

Deuteronomio 32:24

eletsapok sa' meyk élnapma tén han negmasse; kamasséssók sa' negmasse ekmáske nak hentéhek; wahak sa' ko'o m'a aqsok nawha'ák éllo élleykha nak naxma tén han ma'a yéwa ekmáske nak hentakxek.

Jueces 4:10

Cham'a apkeláneyágkaxa axta han Barac Zabulón énxet'ák apagkok ma'a, tén han Neftalí, apchánchesákxeyk axta diez mil sẽlpextétamo, yaqwayam enxoho enaqlók. Yetlókek axta m'a Débora.

Jueces 8:5

Xama axta apkelwokmo m'a yókxexma Sucot, aptáhak axta Gedeón apkeláneya énxet'ák apheykha axta m'a: —Kólmésak hana aptéyak ektáha nak ko'o sélxegexma'a, hakte apkelyampa'awók apagko'. Nélamháha negko'o m'a apkelwesse'e apkelwányam madianitas, Zébah tén han Salmuná.