Éxodo 11:6 - Biblia Enxet

⁶ Kañexchek sa' éllekxagwomaxche m'a ekyókxoho nak kañe' Egipto, megkólweteya nak chá'a katnehek, megkólwetekxók sa' nahan chá'a katnekxa'.’

Éxodo 11:6 Iomraidhean Croise

Éxodo 11:7

Megkalpáwhek sa' semheg xama énxet essenhan aptósso enxoho m'a israelitas, yaqwayam sa' kólya'asagkohok kéxegke Wesse' egegkok apteméssesa megkólhémo egipcios kéxegke kéltáha nak israelitas.

Éxodo 12:30

Apxatakha'ak axta faraón xa axta'a nak, tén han ma'a apkeláneykha, tén han ma'a apyókxoho egipcios, legáxcheyk axta éllekxagwomáxche ekyawe agko' ma'a ekyókxoho kañe' Egipto. Méko axta nahan xama tegma enxoho magwet'akxa megyetsapma.

Éxodo 3:7

Apkelenxanakmók axta eyke aptáha apcháneya Wesse' egegkok se'e: —Naqsók agko' ko'o sekweteya ektémakxa apkellegeykegkoho énxet'ák ahagkok ma'a apheykencha'a nak Egipto. Eklegayak nahan ko'o ektémakxa apkelpaqméteykha apkelxeyenma élleklámeykegko aptamheykegkaxa m'a apkelámha apmonye'e apxegkessesso nak chá'a apkeltamheykha, ekya'ásegkók ektémakxa apkellegeykegkoho.

Éxodo 9:18

Saka sa' ko'o wának katyamok yegmen élyennaqte élyawe agko', megkótémaxko nak makham kaxhok ektéyam ma'a kañe' Egipto. Sa' kaxhok nahan se'e ekwánxa nak ekhem.

Proverbios 21:13

Énxet melyeheykekxa nak eltamhok epasmok ma'a meyke nak aqsok apagkok, méko sa' nahan keyxhok apkeltamho sa' nahan kólpasmok xa énxet nak.

Isaías 15:8

Weynchámeykha axta aqsa apkelpáxameykha énxet aptegyeykha ekpasmo m'a néxa xapop nak Moab; weykmók axta kéllekxagweykha m'a Eglaim tén han ma'a Beer-elim.

Isaías 19:16

Máxa kelán'a sa' etnahagkok egipcios xa ekhem nak; metwasha sa' yeyk apkelwet'a enxoho emáwhok ellegássesagkohok ma'a Wesse' ekha nak apyennaqte, elyegwáwhok apagko' sa' nahan.

Jeremías 31:15

Aptáhak Wesse' egegkok se'e: “Legáxcheyk ekpayheykha kélátog ma'a Ramá, kéllekxagweykha yetlo ekyentaxno agko' kélwáxok. Raquel ma'a, élekxagweyncha'a nak, eñama aptekyawa étchek, yámenyeyk nahan kóltaqmelchessásekxak awáxok, hakte apkeletsekkek étchek.”

Lamentaciones 3:8

élpáxameykha axta eykhe séltémo hepasmok, axta eyke yaháxenmok sélmaxnagko;

Amós 5:17

Kallekxagwaxchek sa' ekyókxoho émhakxa nak anmen yámet kélcheneykekxa, sekwa'akto sa' ko'o allegássesagkoho'.” Wesse' egegkok apxeyenma xa.

Sofonías 1:10

Keso aptáhakxa exchek appeywa Wesse' egegkok se'e: “Kañexchek sa' kélpáxameykha ektegyeykha ekpasmo xa ekhem nak eyeynamo m'a kéltéma nak Kelasma Átog agkok. Kalpayheykha sa' apatña'ák énxet'ák ma'a kéltéma nak Kaxwe Apheykegkaxa, kaxtegyók sa' ekyennaqte agko' apkelyaqnenma tegma m'a egkexe nak.