Éxodo 10:13 - Biblia Enxet

¹³ Apya'ássek axta apmek ekpayhókxa Egipto m'a Moisés, tén axta Wesse' egegkok aptekkesa éxchahayam eñama m'a ekteyapmakxa ekhem, kexchahakmek axta nahan xama ekhem tén han xama axta'a m'a apchókxa nak. Mók ekhem axta nahan entáhak, élwagkassa'a sawa' xa éxchahayam nak,

Éxodo 10:13 Iomraidhean Croise

Génesis 41:6

Keñe axta makham neptámen élántépeykxo siete hótáhap apyexna apkelyamaye, éxchahayam ekmexanma élwatno,

Salmos 105:34

Appaqmeyesmeyk axta Dios, keñe axta apkelwaya sawa'; ¡apxámok apagko' axta m'a, mogwanchek axta ólyetsetek!

Salmos 148:8

¡Takha' apkelyenma, tén han yegmen élyennaqte, yeyam appok, tén han téyáméten! ¡Éxchahayam ekyennaqte, élyeheykekxoho nak chá'a apchánamakxa katnehek!

Salmos 78:26

Teyapmakxa ekhem axta keñamak aptekkessama éxchahayam, tén han nepyeyam, kexchaheykmek axta néten; ¡Dios axta aptekkesso yetlo apmopwána!

Salmos 78:46

apkeltémók axta etawagkok sawa' m'a aqsok kélcheneykekxa, apkeneykekxa axta m'a énxet'ák nak.

Éxodo 14:21

Apya'ássek axta apmék ekpayhókxa neyseksa wátsam ekwányam ma'a Moisés, tén axta Wesse' egegkok apcháphasa éxchahayam ekyennaqte agko' eñama m'a ekteyapmakxa ekhem, kexchahakmek axta nahan yókxoho axta'a m'a, tén axta ekmeykásekxo neyseksa élana ánet nekhaw'ék ma'a wátsam ekwányam nak. Xapop agko' axta aptemessásekxak Wesse' egegkok ma'a neyseksa wátsam ekwányam,

Proverbios 30:27

sawa' méko eykhe etnehek wesse' apagkok, kaxhok eyke mók apkelxega;

Jonás 1:4

Aptekkessek axta eyke éxchahayam ekyennaqte agko' Wesse' egegkok ma'a neysekso nak wátsam ekwányam, yetlo élyaqyahayam élyawe agko' yegmen. Máxa axta entáhak peya enxoho katnéssesek nekha'a étkók yántakpayhe.

Jonás 4:8

Xama axta ekwa'a néten ekhem, apkeltamhók axta kaxchahák Dios ekmexanma eñama m'a ekteyapmakxa ekhem, apwetágkok axta peya kápok ma'a Jonás hakte payhawók axta ekmexanma m'a aphakxa, apkeltamhók axta yetsapok. —Tásek ko'o watsapok, kaxnók aweynchamha chá'a— axta aptáhak.