Éxodo 1:22 - Biblia Enxet

²² Tén axta faraón aptáha apkeláneya apyókxoho apkeláneykha s'e: “Kólchexa sa' wátsam ma'a apyókxoho hebreo wokma'ák apketkók nak, keñe sa' ma'a kelwán'ák étkók nak, kólho sa' aqsa kalweynchamha.”

Éxodo 1:22 Iomraidhean Croise

Génesis 41:1

Apqánet apyeyam axta temék ekyeykhe. Wanméssek axta apkenmeyncha'a faraón neyáwa wátsam Nilo,

Salmos 105:25

Apkeltémok axta elenmexek egipcios ma'a énxet'ák apagkok, tén han elyexanchesha m'a Dios apkeláneykha nak.

Éxodo 1:16

—Kélláneyha sa' agkok chá'a xama hebreo kelán'a kamáwho katnehek naqláwa, kóllano sa' chá'a m'a étche ektéyámxohol'a. Kelwána sa' agkok ma'a, kólho sa' aqsa kawana', apkenna sa' agkok ma'a, ¡kólaqha sa'! —axta aptáhak apkeláneya.

Éxodo 2:6

Xama axta ekmeykesa m'a hówenaq apxagkok étkok nak, wet'ak axta xama sakcha'a apyetna apwana m'a kañe', apyósek axta élano m'a faraón apketche. Tén axta ektáha s'e: —Hebreo sakcha'a s'e.

Proverbios 1:16

hakte yahamók chá'a elanagkok aqsok ekmaso m'a; ¡yahamók chá'a keytek apkelyógkexma'!

Proverbios 27:4

Asagkek ma'a nenlo nak chá'a, hentawasha m'a nennatheyáseykha nak, eyke ekyagwánxa agkok aplo m'a énxet apkelmeyeykha nak chá'a aptáwa'.

Proverbios 4:16

hakte menaqtének chá'a axta'a melánegko enxoho aqsok ekmaso m'a; megkalnáphek tén ma'a metnéssessekmoho enxoho chá'a exma ekmaso xama énxet.