Éxodo 1:17 - Biblia Enxet

¹⁷ Maxta eyke katneheykegkok apkeltémókxa axta chá'a katnahagkok wesse' Egipto xa kelán'ák nak, hakte keláyak axta m'a Dios, chahayók axta aqsa chá'a aptéyeykmo m'a sakcha'a apkenna nak.

Éxodo 1:17 Iomraidhean Croise

Génesis 20:11

Keñe axta Abraham aptáha apchátegmowágko s'e: —Éneykek axta eyke ko'o méko eyáyo enxoho Dios se'e yókxexma nak, xénchek axta ewáxok amátog eñama sesexnenagko m'a etáwa'.

Génesis 42:18

tén axta ektáha ántánxo ekhem aptáha apkeláneya s'e: —Ko'o sekteme seyáyo Dios. Kólteme sa' se'e, keñe sa' megkóletsepe':

2 Samuel 24:4

Appenchessek axta eyke apkeltamhókxa etnehek wesse' apwányam ma'a Joab, tén han ma'a apkelámha apmonye'e nak sẽlpextétamo, yetlókok axta apteyapma Joab ma'a aphakxa nak wesse' apwányam, tén han ma'a apyókxoho apkelámha apmonye'e sẽlpextétamo, yaqwayam enaqtáxésagkok apkelwesey m'a énxet'ák Israel.

Nehemías 5:15

Axta etnaheykegkok ma'a apkeltaqmelchesso apkelókxa apmonye'e axta aptamhéyak, matnamakxa axta ko'o, apyentaxnéssessegkek axta apheykha énxet'ák, hakte yókxoho ekhem axta apkelméyak chá'a cuarenta sawo selyaqye élmope, yaqwayam etegyagkok aptéyak, tén han vino. Apnaqtawáseykegkók axta han énxet'ák ma'a apkeláneykha nak, makke ko'o atneyk xa ektáha nak, eñama seyáyo m'a Dios.

Ester 3:3

Keñe axta m'a wesse' apkeláneykha apkelmaxneyáncha'a m'a Mardoqueo yaqsa ektéma melyeheykekxoho nak ma'a apkeltémókxa axta chá'a etnahagkok ma'a wesse' apwányam.

Salmos 31:19

¡Awanhek xép ektaqmeleykha apwáxok elanok ma'a ektáha nak chá'a apcháyo exchep! Apteméssessama nak máxa aqsok ekmomnáwa aptaqmelchessama apkelmeyáseykegkoho nak chá'a nápaqta'awók énxet'ák ma'a aptáha nak chá'a exchep mey'ásseyam.

Éxodo 1:18

Tén axta m'a wesse' apwányam Egipto, apkeltamho kólnaqlósawakxa'. Aptáhak axta apkeláneya s'e: ¿Yaqsa ektéma kélhayo nak aqsa chá'a kéxegke aptéyeykmo m'a sakcha'a apkenna nak?

Proverbios 16:6

Kólmasseksohok chá'a nentémakxa magya'assáxma m'a negásekha'awo enxoho Wesse' egegkok yetlo magyenyaweykha; nentemék agkok negáyo Wesse' egegkok, cháxa negyenyékxo aqsok ekmaso xa.

Proverbios 8:13

Negáyo Wesse' egegkok, nenteme nentaqnagko aqsok ekmaso. Ataqnawhok ko'o m'a eyeymáxkoho nak egwáxok tén han magésso nak ageyxkoho', ekmaso nentémakxa tén han negmowána amya'a.

Eclesiastés 12:13

Wánxa amya'a kéllegasso. Penchásexcheyk kaxwók ekxénamaxche aqsok. Etne apcháyo Dios, elána' m'a apkeltémókxa nak antéhek, hakte cháxa yaqwayam chá'a elanagkok énxet xa.

Eclesiastés 8:12

¡Cháxa ektémakxa nak chá'a m'a énxet apkelane nak aqsok ekmaso, cham'a apkelenxanmeykegkoho nak chá'a apkelane aqsok ekmaso, kawegqohok chá'a apha! (Ekya'áseykegkók eyke ko'o m'a énxet'ák apkeláyo nak chá'a Dios, tén han ma'a apkelyeheykekxoho nak chá'a, tásek héxta chá'a katnehek apheykha;

Daniel 6:13

Tén axta aptáha makham apkelpaqmeta s'e: —Xama énxet Judá, cham'a Daniel, kélyentameykenta axta apmomap se'e, megyáyók xép wesse', tén han ma'a segánamakxa apagkok apkelane axta exchep, negweteyak chá'a negko'o aptéma ántánxo apkelmaxnagko xama ekhem.

Oseas 5:11

Mékoho kélteméssessók ma'a énxet'ák nak Efraín, massegkek kélháxenmo m'a ektémakxa nak chá'a ekpayhémo ekha xapop apagkok, hakte apmenyeyk chá'a elyetlakxak ma'a aqsok kéláyókxa élmowancha'a amya'a nak.

Miqueas 6:16

Hakte apyetlamchek xép aptémakxa axta m'a Omrí, apkeláneyak ma'a aptamheykegkaxa axta m'a Ahab apnámakkok, aptemegkek ma'a aptamheykegkaxa axta. Cháxa keñamak peya nak atnéssesek xép aqsok eyeymáxkohol'a kóllano' tén han apkesmésamap yetlo m'a énxet'ák apagkok, kápekxak sa' xép apkelmegqakto m'a énxet'ák ahagkok.”

1 Samuel 22:17

Yetlókok axta han apteme apkenagko wesse' apwányam sẽlpextétamo apagkok apha axta chá'a xamo' se'e: —¡Elnáhap sa' Wesse' egegkok énxet'ák apagkok apkelmaxnéssesso nak chá'a Dios énxet'ák apagkok! Hakte David han apkelxegexma'a xa, apkelya'ásegkók axta eykhe m'a apxegánekmo axta chá'a, makke ko'o héltennássók. Axta eyke emakók elnápok apkelmaxnéssesso Dios énxet'ák apagkok ma'a wesse' apwányam nak sẽlpextétamo apagkok.