Éxodo 1:13 - Biblia Enxet

¹³ Apkeltemessáseykha axta chá'a egipcios ma'a israelitas ekyetlómo apnaqtawáseykegkoho.

Éxodo 1:13 Iomraidhean Croise

Génesis 15:13

Tén axta Wesse' egegkok aptáha apcháneya s'e: —Kéméxcheyk ey'asagkohok xép peya exmakha aptawán'ák neptámen ma'a megkatnahakxa nak apchókxa, sa' etnahagkok kélásenneykha naqsa m'a, cuatrocientos apyeyam sa' kammok kélnaqtawáseykegkoho.

1 Reyes 12:14

axta aqsa aptáhak apkeláneya m'a apkeltamhókxa axta etnehek ma'a wokma'ák, aptáha axta apcháneya s'e: “Yentexek axta apteméssessamakxa m'a apyáp axta, sa' ekyágwánxa agkok ekyentaxno apteméssesakxa m'a apketche, táma axta apkelyekpexcheteykegkok ma'a apyáp axta, kelyekpexchetma hópenyámet naw'ék sa' eyke elyekpexchetagkok ma'a apketche nak.

2 Crónicas 10:11

yentexek axta apteméssessamakxa m'a táta, ko'o sa' eyke ayánchessamhok ekyentaxno sekteméssesakxa'; táma axta apkelyekpexcheteykegkok chá'a m'a, keñe sa' ko'o alyekpexchetagkok ma'a kelyekpexchetma hópenyámet naw'ék.’

Salmos 105:25

Apkeltémok axta elenmexek egipcios ma'a énxet'ák apagkok, tén han elyexanchesha m'a Dios apkeláneykha nak.

Éxodo 1:14

Apkelméssegkek axta élmáske agko' apyempe'ék apkeltemessáseykencha'a ekyentaxno agko' apyelpagkasso m'a yelpa', tén han apkelánéyák ma'a yátaphémekcha'ák apwetek, tén han ma'a ekyókxoho ektémakxa nak apkeltamheykha ekyentaxno m'a yókxexma. Kélnaqtawáseykegkók axta chá'a m'a israelitas.

Proverbios 28:15

Énxet ekmaso aptémakxa apteme nak apkemha apmonye' nepyeseksa énxet'ák meyke aqsok apagkok, aphawók ma'a yámakméwa ekyexwéweykhal'a essenhan ma'a aqsok nawhak eklo nak.

Levítico 25:43

Ná énnaqtésha apyempehek enaqtawasagkoho'; exekmós apcháyo Dios apagkok.

Deuteronomio 4:20

Keñe kéxegke apkelmoma m'a Wesse' egegkok, apkelhaxyawásseykekxeyk axta m'a kañe' táxa axagkok kélpeykáseykekxa axta chá'a m'a sawo, Egipto xa, keñe apteméssessama ekhawo nak kéltémakxa s'e kaxwo' nak: énxet'ák apagkok apagko'.