Ester 8:2 - Biblia Enxet

² Tén axta wesse' apwányam apleya m'a kélatchesso kélaphék apyementameykekxa axta m'a Amán apmésa m'a Mardoqueo. Teméssessek axta nahan Ester apkeltaqmelchesso ekyókxoho aqsok ma'a Mardoqueo, ektáha axta apagkok ma'a Amán.

Ester 8:2 Iomraidhean Croise

Génesis 41:42

Aplekkek axta apketchesso apophék faraón apmeykha axta chá'a apkelqahasso, apketchessessek axta apophék ma'a José. Keñe axta apkeltamho kólántaxneyásekxak apáwa apkelexyawe apkeltaqmalma, tén han kólnatmeyásekxak ma'a apnatanma sawo ekyátekto ekmomnáwa.

Ester 10:2

Yetnegkek axta ektáxésamaxche weykcha'áhak kélnaqtáxessamakxa axta chá'a ekyókxoho ektémakxa apchókxa Media tén han Persia m'a ektémakxa axta chá'a aqsok apkelane yetlo apyennaqte tén han apmopwána, tén han ma'a ektémakxa axta apméssama néten agko' kéláyo m'a Mardoqueo.

Ester 3:10

Tén axta wesse' apwányam apleya apketchesso apophék apmésa m'a Amán, apkelenmexma axta m'a judíos.

Ester 8:3

Paqhetchásekxeyk axta makham wesse' apwányam ma'a Ester, kelpólénteyk axta ekpayhókxa aphakxa yetlo élekxagweykha, éltamho emasséssók ma'a ekmaso agko' apkeltémo axta kalanaxchek ma'a Amán, éltamho nahan megkalanaxcheyk ma'a aptáhakxa axta apkeláneykekxa amya'a apmakókxa etnéssesek ma'a judíos.

Salmos 37:34

Nágkólya'ássem kéxegke Wesse' egegkok, kólyahakxoho nahan, hakte sa' etnéssesek ekha kéláyo kéxegke m'a, tén han egkések yaqwayam kóltéhek kélagkok apchókxa. ¡Kéxegke kélagko' sa' han kólwetagkohok kólmasséssók ma'a élmasagcha'a nak apkeltémakxa!

Daniel 2:48

Tén axta wesse' apwányam apteméssesa ekyawe kéláyo m'a Daniel, apkelméssek axta ekxámokma agko' aqsok apkelmésso naqsa éltaqmalma; apteméssessek axta han apkeláneykha apchókxa m'a Babilonia, keñe han apkemha apmonye' nepyeseksa apyókxoho ekha nak apkelmopwancha'a xa apchókxa nak.