Ester 5:2 - Biblia Enxet

² Xama axta apwet'a wesse' apwányam énegwa'akto wesse' ekwányam Ester ma'a yókxexma nak, taqmeláha axta apwáxok apwet'a, apya'ássek axta ekpayhókxa énmágkaxa m'a sawo ekyátekto ekmomnáwa ekwenaqte apmeykha axta. Yepetchegwokmók axta m'a Ester, mágwokmek axta naw'a m'a sawo ekyátekto ekwenaqte ekmomnáwa apagkok nak.

Ester 5:2 Iomraidhean Croise

Génesis 32:28

Keñe axta énxet aptáha apcháneya s'e: —Kamaskok sa' kaxwók xép apteme apwesey Jacob. Israel sa' kaxwók xép etnehek apwesey, hakte apkelnápeykpek Dios, tén han ma'a énxet'ák, apyeykhássekmók han apyennaqte.

Nehemías 1:11

Wesse', éltamhók exchep yeyxhok sélmaxnagko, tén han apkelmaxneyéyak ma'a apkeláneykha, apkelmopmenyého nak chá'a etnehek apcháyo exchep. Éltamhók han hegkések yaqwayam katyapok ma'a aqsok sekmámenyého, yaqwayam enxoho kataqmalmakha apwáxok hélanok ko'o m'a wesse' apwányam.”

Ester 2:9

Leyawók agko' axta nahan apwáxok apkelano Hegai ma'a kelán'a étkok nak, apchápeyha axta, ekmanyehe agko' axta nahan apkeltamhók kóltexnássesagkok émpehek ma'a pánaqte ektaqmelchessamo nak egyempehek, apkeltamhók axta nahan kólagkok ma'a nento éltaqmalma agko' nak; apteméssessek axta nahan yaqwayam katnehek chá'a éláneykha m'a siete kelán'a étkók kélyéseykha axta, ekheykencha'a axta m'a kañe' tegma apyawe wesse' apwányam apxagkok nak, tén axta aphéssekmo m'a kañe' ektaqmelakxa agko' nak apwáxok tegma apyawe agkok ma'a kelán'ák yetlo m'a kelán'a étkók nak.

Ester 4:11

“Apyókxoho énxet ektáha nak chá'a apkeláneykha m'a wesse' apwányam, tén han ma'a apheykha nak ma'a apchókxa aptémakxa nak chá'a wesse', apkelya'ásegkók ekyetna xama segánamakxa kéltémo chá'a etekyewekxak apyókxoho énxet tén han kelán'a aptaxnegwayam enxoho m'a kañe' nak tegma apyawe yaqwayam emhagkok ma'a aphakxa nak wesse' megkatnaha enxoho chá'a apcháneyeykha. Wánxa eyke aqsa chá'a ewagkasakpok teyp apya'asa enxoho chá'a ekpayhókxa apkenmágkaxa énxet ma'a sawo ekyátekto ekmomnáwa ekwenaqte apagkok nak. Ko'o eyke treinta ekhem entáhak meltémo amhagkok ma'a aphakxa nak wesse' apwányam.”

Ester 8:4

Apya'ássek axta ekpayhókxa énmágkaxa Ester wesse' apwányam ma'a sawo ekyátekto ekmomnáwa ekwenaqte apagkok apmeykha axta chá'a. Kempákxeyk axta néten, kenmáha axta apmonye'.

Salmos 116:1

Wásekhohok chá'a ko'o Wesse' egegkok, hakte apháxenmok chá'a sekwóneykha,

Proverbios 21:1

Wesse' egegkok chá'a apkeláneseykegkoho élchetámeykha apwáxok ma'a wesse' apwányam, étlók chá'a m'a ektémól'a wátsam ekmeyeykekxexal'a chá'a yegmen, apkeltamhókxa enxoho chá'a m'a Wesse' egegkok.