Ester 4:8 - Biblia Enxet

⁸ Apméssek axta nahan xama weykcha'áhak ektáxésamaxche ekxeyenma axta kélmáheyo kólmasséssók judíos élyetsátexko axta m'a Susa, yaqwayam egkések ma'a Ester, keñe kay'asagkohok ekyókxoho m'a ektáhakxa. Apkeltamhók axta nahan kay'ókxohok agko' kapaqhetchessekxak Ester ma'a wesse' apwányam tén han kalmaxnak yának megkólmasséssemek ma'a ekpeywomo xamo' nak.

Ester 4:8 Iomraidhean Croise

Ester 2:20

Axta eyke kaxeyenmak xama enxoho éñamakxa m'a Ester tén han ma'a námakkok enxoho, ekhawo m'a apkeltémókxa axta katnehek ma'a Mardoqueo, axta kalwátesseykmok ekteme m'a apkeltémókxa axta katnehek, cham'a aptémakxa axta aptaqmelchesso.

Ester 4:9

Aptaqháwók axta Hatac apkeltennásekxo Ester aptáhakxa apkeltennáseykha m'a Mardoqueo.

Ester 8:6

hakte ¡mowanchek ko'o alenmaxaxkohok ótak káhapwak aqsok ekmaso m'a sekpeywomo xamo' nak! ¡mowanchek nahan alanha kólmasséssók ma'a énámakkok ahancha'awo' nak!

Job 9:15

Naqsók eykhe sekteme meyke agko' sektémakxa', mowanchek eyke wátegmowagkok; cha'a apteme segyekpelchémo ahagkok ma'a, wánxa aqsa ewanchek almaxnak heyásekhekxohok ma'a.

Salmos 122:6

Kólteme kólmaxnak se'e: “Méko sa' katnehek ektáhakxa Jerusalén; tásek sa' katnehek apkelweynchámeykha m'a ektáha nak chá'a apchásekhayo.

Proverbios 21:1

Wesse' egegkok chá'a apkeláneseykegkoho élchetámeykha apwáxok ma'a wesse' apwányam, étlók chá'a m'a ektémól'a wátsam ekmeyeykekxexal'a chá'a yegmen, apkeltamhókxa enxoho chá'a m'a Wesse' egegkok.

Eclesiastés 10:4

Aptaqnókek agkok xép ma'a aptaqmelchesso nak apchókxa, nágkapekhe apwáxok; mampekhésamaxche' awanchek kamasseksek ma'a aqsok ekyawe nak magaqhémo.