Ester 4:1 - Biblia Enxet

¹ Xama axta apleg'a Mardoqueo ekyókxoho m'a ektáhakxa axta, apkelyepteyk axta apkelnaqta magkenatchesso aplegágkoho ekyentaxno apwáxok, apkelántaxneykxeyk axta m'a apáwa sẽlwáxaqxamól'a, apkexpaqha'ak axta apqátek táhap tén axta apweynchámeyncha'a m'a tegma apwányam, axta yeyságkohok apkelekxagweyncha'a.

Ester 4:1 Iomraidhean Croise

Génesis 27:34

Xama axta apleg'a Esaú aptáhakxa appeywa apyáp, axta yeyságkohok apwana, aptáhak axta apkelpáxameyncha'a s'e: —¡Táta, hélmaxnésses ko'óxa aqsok éltaqmela!

Génesis 37:34

Keñe axta Jacob apkelyepta aptaxno, aptaxneykxeyk axta m'a apáwa nentaxneykekxohol'a apketsapma egmók, ahóxek axta apkelekxagweykha eñama apketsapma apketche.

2 Samuel 1:11

Keñe axta David tén han ma'a apkelxegexma'a nak, apkelyepteygko apkelnaqta magkenatchesso éllapwámegko,

2 Samuel 13:19

kexpaqha'ak axta apqátek táhap, kelyepteyk axta ektaxno apwenaqte ektaxneykekxa', kelekxagweygkokxeyk axta ámay ekpathetágkokxo apqátek.

Ester 4:2

Apkenegwákxeyk axta m'a átog nentaxnamakxa nak wesse' tegma apyawe apagkok, hakte megkólmenyeyk axta etxek xama énxet apkelántaxneykekxa enxoho xa aptéma nak apáwa.

Ester 4:3

Tekkek axta ekwányam agkók éllegeykegkoho apkelwáxok nepyeseksa judíos ekyókxoho yókxexma ekweykenxa axta chá'a segánamakxa tén han appeywa m'a wesse' apwányam. Axta kalmayháseykegkok aptéyak ma'a élmayóseka apkelwáxok, tén han apkellekxagweykha tén han éllapwáméyak. Apxámok axta nahan chá'a aphéyak ma'a néten táhap tén han apkelántaxneykekxa chá'a m'a apáwa sẽlwáxaqxamól'a.

Job 1:20

Tén axta apchampákxo néten Job, apkelyepteyk axta aptaxno aplegágkoho ekyentaxno apwáxok, apmópesawók axta apqátek aptegya'a apyese, keñe apháxahánto apkelpeykásawo m'a Dios.

Job 2:8

Tén axta apxega Job aphakmo m'a nekha nak kélchexakhamakxa aqsok apák, apmeyk axta xama weygke appaqxo yaqwayam elyensekkesek chá'a apyempehek.

Job 42:6

Cháxa keñamak sekmegqágwokmo nak ko'o eñama m'a sektémakxa axta chá'a sekpeywa, tén han sekhama náxop tén han neyseksa táhap.

Isaías 15:4

Apkelpáxamáha axta nahan ekyennaqte agko' aptegyágko ekpasmo m'a énxet'ák Hesbón tén han ma'a Elalé; wokmók axta eklegamaxkoho apkelpáxameykha m'a Jahas. Axta keñamak apkeleygwokmo m'a kempakhakma yapmeyk nak Moab, apkelyegwakkók apagko' axta.

Isaías 22:4

Cháxa keñamak sektáha nak sekpeywa s'e: Hélyenyow exakko', peyk ko'o alekxagwaha; nágkóllenxánem aqsa hélpeykessásekxak ewáxok eñama ekmaso ektáhakxa m'a énxet'ák ahagkok.

Isaías 37:1

Xama axta apleg'a wesse' apwányam Ezequías xa amya'a nak, apkelyepteyk axta apkelnaqta, apkelántaxnékxeyk axta m'a apáwa sẽlwáxaqxamól'a magkenatchesso élapwokmo, apmeyákxeyk axta m'a Wesse' egegkok tegma appagkanamap apagkok.

Isaías 37:2

Tén axta apkeláphasa, cham'a Eliaquim apkemha apmonye' axta m'a tegma apyawe aptaqmalma yetlo Sebná apnaqtáxéseyak axta chá'a weykcha'áhak tén han ma'a apkelmaxnéssesso Dios énxet'ák apagkok apkelwányamo nak, yetlo apkelántaxneykekxa m'a apáwa sẽlwáxaqxamo magkenatchesso éllapwámeygko elyo'ókxak ma'a Dios appeywa aplegasso Isaías, Amós axta apketche,

Isaías 58:5

¿Kélanagkamcheya kaleklamók ko'o ewáxok manto nak nento keypetchak ma'a néllegassásamaxche nak, tén han neghaxe nak ektémól'a kalháxahagkok ma'a ekho', tén han negyetno nak néten apáwa sẽlwáxaqxamól'a tén han ma'a néten táhap? ¿Keyaxa kéltéma nak chá'a kéxegke ‘mantamakxa nento xa, tén han ‘ekhem ekleklamókxa apwáxok ma'a Wesse' egegkok’?

Ezequiel 21:11

kélyenmásekxeyk yaqwayam emha xama énxet. Kélmaxneyákxeyk sókwenaqte; kélyenmásekxeyk yaqwayam emha tekyawa yáp.

Ezequiel 21:6

“Elekxagwaha ekyennaqte agko' yetlo ekmaso agko' apwáxok, xép aptáha nak énxet; elekxagwaha nápaqta'awók énxet'ák.

Daniel 9:3

Élmaxnakkek axta ko'o Dios Wesse' egegkok séltamho hepasmok, yetlo sélántaxneykekxa m'a apáwa sẽlwáxaqxamo nak, néten táhap axta han ekhak.

Miqueas 1:8

Cháxa keñamak peya nak ko'o awónek yetlo ekyawe agko' sélapwayam; cháxa keñamak peya nak aweynchamha meyke sélatchesso emagkok tén han meyke sektaxno, awónchesha sa' ektémól'a semheg nawhak, kaxñaha sa' egkenyek aptémól'a xápen epáwha.

Sofonías 1:14

¡Chágketwa'ak ekhem ekyawe apagkok Wesse' egegkok! ¡Ketók kaxwo', pekhésawók ekxegáyam! Asagkek sa' katnehek ekwa'a enxoho m'a éxtegyawà Wesse' egegkok ekhem apagkok: ¡kawomhok sa' élpayheykha apatña'ák ma'a énxet'ák megyeye nak chá'a elmahagkok eyesagkexa'!

Josué 7:6

Keñe m'a Josué tén han ma'a apkelámha apmonye'e nak énxet'ák Israel, apkelyeptégkek axta apkelántaxno, apnegkenágkek axta han néten apqatkok ma'a xapop ánek magkenatchesso ekyetna ekyentaxno agko' éllapwámeyak; keñe axta apkelháxahágko ekyetnakxa m'a yántéseksek apagkok nak Wesse' egegkok, apkeltekxeyágkek axta nápaqta'a xapop ekwokmoho ektaxnakmo.