Ester 3:12 - Biblia Enxet

¹² Kéláneyáha axta énxet'ák ektáha axta chá'a apnaqtáxésso appeywa wesse' apwányam, cham'a ekhem trece aptáhakxa axta apkemha apmonye' pelten ma'a apyeyam, apnaqtáxésagkek axta m'a aptáhakxa axta appeywa Amán apkeltamhókxa chá'a katnehek, apkeláphássessek axta m'a apkeltaqmelchesso nak chá'a xama apchókxa tén han ma'a apheykegkaxa nak chá'a, tén han ma'a apkelámha apmonye'e nak chá'a xama apheykegkaxa énxet. Naqtáxésáxcheyk axta nahan ektémakxa axta chá'a eknaqtáxésamaxche apkelpeywa tén han apkelpeywa apagko' xama apheykegkaxa, yaqwánxa axta chá'a kóláphaksek xa amya'a nak, yetlo wesse' apwányam Asuero apwesey tén han kélqahasso m'a wesse' apkelqahasso nak chá'a weykcha'áhak,

Ester 3:12 Iomraidhean Croise

1 Reyes 21:8

Yetlókok axta ektáxésso weykcha'áhak ektáxéssesa appeywa m'a Ahab, yepetchessek axta han ma'a wesse' apwányam apkelqahasso; tén axta éláphássesa m'a apkelwányam nak, tén han ma'a apkelámha apmonye'e apheykencha'a axta aphakxa m'a Nabot.

Esdras 8:36

Keñe axta kélmésa wesse' apwányam aptáxésso apkeltémókxa axta katnehek ma'a apkelámha apmonye'e nak ma'a apchókxa, tén han ma'a apkeltaqmelchesso nak chá'a apkelókxa, apheykha nak ma'a yókxexma teyp wátsam Éufrates, ekpayho nak ektaxnegwánxa ekhem, appasmo axta m'a énxet'ák, tén han ma'a Dios tegma appagkanamap apagkok.

Ester 1:22

Apkeláphássek axta weykcha'áhak apnaqtáxésso m'a ekyókxoho kañe' apchókxa. Apkelpeywa apagko' axta nahan chá'a apnaqtáxessásegkok tén han ma'a ektémakxa axta chá'a eknaqtáxésamaxche apkelpeywa m'a xama apheykegkaxa tén han apchókxa aptémakxa nak chá'a wesse' apwányam, apkeltamho etnahagkok chá'a apkelámha apmonye'e apxanák ma'a apkelennay'a nak tén han kólyahakxohok chá'a m'a aptáhakxa enxoho chá'a apkelpeywa.

Ester 3:11

Aptáhak axta apcháneya s'e: —Etne sa' aqsa apagkok xa sawo élmope élmomnáwa nak, keñe sa' ma'a énxet'ák nak, etnéssesek sa' ma'a apmakókxa enxoho etnéssesek.

Ester 8:2

Tén axta wesse' apwányam apleya m'a kélatchesso kélaphék apyementameykekxa axta m'a Amán apmésa m'a Mardoqueo. Teméssessek axta nahan Ester apkeltaqmelchesso ekyókxoho aqsok ma'a Mardoqueo, ektáha axta apagkok ma'a Amán.

Daniel 3:10

Apkeltamhók xeyk xép wesse' eltekxeyagkok aptapnák apyókxoho énxet'ák, tén han elpeykeshok ma'a kéleykmássesso sawo ekyátekto ekmomnáwa, eklegáxko enxoho élpáwa m'a kélpáwasso nak,

Daniel 6:12

Yahamok axta han apkelya'aweykxo m'a wesse' apwányam, peya exének ma'a segánamakxa, aptáhak axta apcháneya s'e: —Apkelanak axta exchep xama segánamakxa wesse', ekxeyenma nak ekmeyámáxche ólpeykeshok aqsok kéláyókxa, essenhan énxet, ekweykmoho treinta ekhem, metnaha enxoho exchep wesse', xénáxcheyk axta kólyenyók máxek élyáqtamakxa nak yámakméwa, ¿naqsóya? —Naqso' —axta aptáhak apchátegmowágko wesse' apwányam—. Kéméxcheyk kalanaxchek ma'a segánamakxa nak, ekhawo ektéma nak segánamakxa apagkok ma'a énxet'ák medos tén han persas, megkólmowána nak kólmasseksek.

Daniel 6:15

apkelya'aweykteyk axta eyke makham wesse' apwányam xa énxet'ák nak, aptáhak axta apcháneya s'e: —Apya'ásegkok xép wesse', énxet'ák medos segánamakxa apagkok tén han persas, megkólwanchek kólmasseksek ma'a aqsok ekmeyámáxche nak, tén han segánamakxa, aptáxésso enxoho m'a wesse' apwányam.

Daniel 6:25

Tén axta wesse' apwányam Darío apnaqtáxessásegko weykcha'áhak ma'a apyókxoho énxet'ák, tén han ektémakxa axta chá'a apkelpeywa m'a apchókxa', aptáha apkeláneya s'e: “Émenyeyk ko'o katnehek meyke ektáhakxa kélheykha kéxegke tén han ektaqmalma,

Daniel 6:8

Yána kaxwók kalanaxchek xa segánamakxa nak wesse', etaxés apwesey yaqwayam sa' megkólyaqmagkasek mók, ektéma nak segánamakxa apagkok ma'a énxet'ák medos tén han persas, megkólmowána nak kólmasseksek.