Esdras 9:1 - Biblia Enxet

¹ Xama axta ekpenchásamaxko élánamáxche xa aqsok nak, elya'aweykteyk axta ko'o m'a apkelámha apmonye'e nak, peya etnehek heyának se'e: “Appáxaqxegkek aqsa israelitas tén han apkelmaxnéssesso Dios énxet'ák apagkok, tén han levitas se'e énxet'ák apheykha nak se'e apchókxa nak, cham'a cananeos, hititas, ferezeos, jebuseos, amonitas, moabitas, egipcios, tén han amorreos, neyseksa eykhe élmasagcha'a agko' apkeltémakxa melya'áseyak Dios.

Esdras 9:1 Iomraidhean Croise

Génesis 15:16

Apkelántépeykxeyk sa' agkok ma'a aptawán'ák neptámen ekwokmo enxoho cuatro apkelántépeykekxa, elmeyenták sa' makham se'e xapop nak, megkayagwánxa nak makham élmasagcha'a apkeltémakxa amorreos.

1 Reyes 11:1

Háwe axta wánxa xama faraón apketche apchásekhayo m'a wesse' apwányam Salomón, xámok axta han ma'a kelán'a éleñama nak mók apkelókxa: kelán'ák moabitas, edomitas, sidonias tén han ma'a kelán'ák nak hititas;

2 Crónicas 33:2

Axta eyke kaleklók apwáxok Wesse' egegkok ektémakxa aqsok apkelane m'a, hakte apkeláneyak axta han ekmaso aptémakxa ekhawo aptamheykegkaxa axta m'a énxet'ák, ektáha axta Wesse' egegkok apkelántekkesso nepyeseksa m'a israelitas:

2 Crónicas 8:7

Keñe m'a hititas, amorreos, heveos, ferezeos tén han jebuseos, apkeleymomap axta, metne axta israelitas,

Esdras 10:2

Keñe axta Secanías, Jehiel axta apketche, Elam axta aptáwen neptámen, aptáha apcháneya Esdras se'e: “Mólyaheykekxak negko'o m'a Dios egagkok, hakte nélmeykegkek nentamheykegko ennaqteyegka'a m'a kelán'a megkatnaha nak nempeywomo xamo', éleñama nak apheykegkaxa m'a énxet'ák melya'áseyak nak Dios. Yetneyk eykhe makham yaqwayam kólásekhekxohok ma'a israelitas.

Esdras 10:8

Keñe axta apkelámha apmonye'e tén han appasmeykha nak chá'a apkeltamheykha, apxéna kólyementók chá'a xapop ma'a apyókxoho mewayam nak chá'a ántánxo ekhem ma'a, keñe han kólántekkesek apheykegkaxa m'a apkelweykta axta makham kélnaqleykekxa megkatnahakxa apkelókxa.

Nehemías 13:23

Ekweteyak axta han nápakha judíos apkelmeykegko aptamheykegko apnaqteyegka'a m'a kelán'ák éleñama nak Asdod, Amón, tén han Moab, cháxa ekhem nak;

Nehemías 4:3

Apkenmáha axta han nápakha Tobías, apteme axta amonita. Axta aptáhak appaqmeta s'e: “Kóllano exnek meteymog kélhaxta apxátekháseykekxa, kawomhok máleg kayaqnegkesek eyánta enxoho xa.”

Nehemías 4:7

Xama axta apleg'a Sambalat, Tobías, tén han ma'a árabes, tén han ma'a apheykha nak Amón, tén han Asdod, apxegkesa aqsa apkeláneykekxa énxet'ák ma'a kélhaxtegkesso nak nepyáwa Jerusalén, tén han kélápeykxo m'a élyagqáxeykha nak, apkellókók apagko' axta,

Nehemías 9:2

apkelántekkek axta nepyeseksa m'a megkatnaha nak appeywomo xamo', apkelchampákxeyk axta néten, apkelxénchek axta ektémakxa melya'assáxma, tén han ma'a ektémakxa axta melya'assáxma m'a apyapmeyk nano'.

Salmos 106:35

Appaxqeykekxeyk axta aqsa m'a melya'áseyak nak Dios, aptamheykegkek axta han ma'a aptamheykegkaxa axta chá'a:

Éxodo 13:5

cháxa eyéméxko nahan chá'a kéxegke kóllának kélessawássessamo xa pelten nak, apkelya'asa sa' Wesse' egegkok ma'a yókxexma ényahamakxa nak weyke nagkeygmenek tén han ma'a yányawhéna' apyegmenek ektémól'a kanyehek yegmen, cham'a apkelókxa nak cananeos, hititas, amorreos, heveos tén han ma'a jebuseos, cham'a apkeltennassamakxa axta egkések kéxegke nanók axta m'a kélyapmeyk nano'.

Éxodo 23:23

Seyásenneykha sa' eyke exog apmonye' exchep, tén sa' eyentamok ma'a amorreos apchókxa, hititas, ferezeos, cananeos, heveos tén han ma'a jebuseos, cham'a yaqwánxa nak amasséssók apyókxoho.

Éxodo 33:16

Hakte agkok xeyep hẽlyetláwak, ¿háxko katnehek kólya'asagkohok ekyetnama exchep apkelásekhayo énxet'ák apagkok tén han ko'o xa? Hakte cháxa wánxa kélwanchek kólyekpelkohok énxet'ák apagkok tén han ko'o xa maghémo nepyeseksa m'a apyókxoho énxet'ák nak keso náxop.

Isaías 52:11

¡Kólántép kaxwók Babilonia, kólántép, nágkólpaknegwomho kaxwók xama aqsok ekmanyása, kólántép kaxwók Babilonia! ¡Kólmópesaxkoho kaxwo' kélseykha nak chá'a m'a aqsok kélmeykegkaxa apagkok nak ma'a Wesse' egegkok!

Jeremías 26:10

Xama axta apkelleg'a ektáhakxa m'a apkelámha apmonye'e nak Judá, apkelántekkek axta m'a wesse' apwányam apxagkok, apkelmeyákxo m'a tegma appagkanamap, apkelhakmek axta m'a éltamhomaxchexa nak Átog Axnagkok.

Jeremías 26:16

Keñe axta m'a apkelámha apmonye'e, tén han énxet'ák aptáha apkeláneya apkelmaxnéssesso Dios énxet'ák apagkok, tén han apkellegasso nak Dios appeywa s'e: “Mogwanchek agának emátog se'e énxet nak; Dios Wesse' egegkok appeywa ẽltennásak.”

Levítico 18:3

“Nágkólteme aqsa aptamheykegkaxa axta chá'a m'a énxet'ák Egipto, cham'a apchókxa kélheykegkaxa axta kéxegke. “Nágkólteme aqsa han aptamheykegkaxa nak ma'a énxet'ák Canaán, cham'a apchókxa yaqwánxa nak alya'aksek, nágkólteme m'a ektémakxa nak segánamakxa apagkok.

Malaquías 2:11

Apyamasmeyk apyetleykha Dios ma'a énxet'ák Judá, apkeláneykegkek aqsok ekmaso agko' ma'a Jerusalén, tén han ma'a Israel. Aptawáseykha énxet'ák Judá m'a ektémakxa nak appagkanamap ma'a tegma appagkanamap apchásekhayo nak ma'a Wesse' egegkok, apkelmeykegkek nahan énxet'ák Judá aptamheykegko apnaqteyegka'a m'a kelán'ák élpeykessamo nak aqsok kéláyókxa éleñama mók nekha.

Números 23:9

Ekwet'ak ko'o neyseksa sénmeykha s'e netnók meteymog ekwenaqte nak, élanawók neyseksa sénmeykha s'e néten egkexe étseksek nak: apteme énxet'ák apheykha apxakcha'awo', megkólpáxaqtésso m'a pók énxet'ák nak.

Números 25:6

Apyentamákxeyk axta nahan xama israelitas kelán'a madianita, nápaqtók Moisés, tén han ma'a apyókxoho israelitas apchaqnákxo axta m'a, neyseksa apkellekxagweykha axta m'a átog nentaxnamakxa nak kélpakxanma apchaqneykekxexa nak chá'a énxet'ák.

Deuteronomio 18:9

“Kélántaxneyk sa' agkok kéxegke m'a apchókxa apmáheyókxa nak egkések ma'a Dios Wesse' kélagkok, nágkóleykmasha aqsa aptamheykegkaxa élmasagcha'a nak ma'a énxet'ák nak.

Deuteronomio 23:8

apwanchek sa' chá'a etnahagkok Wesse' egegkok énxet'ák apagkok ma'a aptawán'ák nak.

Deuteronomio 7:1

“Elántaxnések sa' Wesse' egegkok, Dios kélagkok nak kéxegke m'a apchókxa kélmaheyókxa nak kólmok kóltéhek kélagkok, elántekkesek sa' kélmonye'e m'a siete pók aptémakxa énxet'ák apxámokma nak tén han apkelyennaqte megkólhawo nak kéxegke: cham'a hititas, gergeseos, amorreos, cananeos, ferezeos, heveos tén han ma'a jebuseos.

Josué 23:12

Hakte éltamhók ko'o kólya'asagkohok se'e: kélyetnakhássek sa' agkok Dios, kélpáxaqwokmek sa' agkok énxet'ák apheykha nak makham kélnepyeseksa kéxegke, kélmágko enxoho kóltamhagkok kélnaqteyegka'a m'a kelwán'ák nak, melántekkesek sa' kélmonye'e kéxegke Dios Wesse' kélagkok xa énxet'ák nak, máxa yám'én sa' aqsa etnéssesagkok tén han kelhanma, yaqwayam sa' kalmok chá'a kéxegke, máxa kelyekpexchetma sa' etnéssesagkok elyensássesek kélkap'ák, máxa am'ák sa' etnéssesagkok elyetxeygkok kélaqta'ák, ekwokmoho kélsawhéxkoho kélagko' kéxegke s'e xapop ektaqmalma, apmésso axta m'a Dios Wesse' kélagkok.