Daniel 2:14 - Biblia Enxet

¹⁴ Tén axta Daniel appaqhetchessákxo yetlo apkeláneykegkoho aptáhakxa appeywa m'a Arioc, apkemha apmonye' apagkok axta m'a wesse' apwányam, appenchesa axta aptáhakxa yaqwayam elnápekxak ma'a ekha nak apkelmopwancha'a.

Daniel 2:14 Iomraidhean Croise

Génesis 37:36

Apyenyeykekxeyk axta han ekha ekyánmaga madianitas José m'a Egipto, apméssama xama énxet apwesey axta Potifar, apteme axta faraón apkeláneykha, wesse' apwányam nak Egipto, apteme axta sẽlpextétamo apkemha apmonye' apagkok.

Jeremías 39:9

Keñe axta Nebuzaradán apteme nak sẽlpextétamo apkemha apmonye' apagkok ma'a wesse' apwányam, apnaqlákxo Babilonia m'a apkeleymomap axta tegma apwányam, appaxqeykekxa axta m'a caldeos; cham'a apyókxoho nak.

Jeremías 52:12

Apwokmek axta Jerusalén ma'a Nebuzaradán, apteme axta wesse' apwányam apkeláneykha tén han apkemha apmonye' sẽlpextétamo apagkok, ekhem diez pelten cinco, cham'a ekweykmo axta diecinueve apyeyam apteme wesse' apwányam ma'a Nabucodonosor, wesse' apwányam axta m'a Babilonia,

Jeremías 52:14

keñe axta m'a sẽlpextétamo caldeos apkelxegexma'a axta, apkelyaqnegkesa m'a kélhaxtegkesso axta m'a Jerusalén.

Daniel 2:15

Aptáhak axta apkelmaxneyáncha'a s'e: —¿Yaqsa kexa ektáha aptáha nak appeywa wesse' apwányam apkeltamho katnehek xa aqsok ekyentaxno nak? Apkeltennásekxók axta Arioc ektáhakxa.

Daniel 2:24

Keñe axta apya'aweykxo Daniel ma'a Arioc, natámen xa, cham'a apkeltamho axta elnápekxak wesse' apwányam ma'a ekha nak apkelmopwancha'a apheykha nak Babilonia. Aptáhak axta apcháneya s'e: —Ná elnáhap aqsa sekxók ekha nak apkelmopwancha'a. Héntemekxa sa' ko'o m'a aphakxa nak wesse' apwányam, altennaksek sa' ko'o ektémakxa m'a apwanmagko.