Daniel 12:1 - Biblia Enxet

¹ “Ewaták sa' Miguel, apteme nak Dios apchásenneykha apyennaqte, apkelmasma nak xép énxet'ák apagkok. “Yentexek sa' katnehek xa ekhem nak, megkótémaxko axta katnehek ma'a sekxók axta eyeynamókxa ekteyapma m'a apheykegkaxa énxet. Wokmek sa' agkok xa ekhem nak, elwagkasakpok sa' teyp apyókxoho énxet'ák apagkok eknaqtáxésamaxche nak apkelwesey weykcha'áhak.

Daniel 12:1 Iomraidhean Croise

Salmos 56:8

Apya'ásegkok xép sélyexanmeykencha'a; apkelyetsáteykegkek xép ekwánxa ahaqta'ák égmen'ák. ¿Ya etáxéssók xép weykcha'áhak apagkok xa?

Salmos 69:28

¡Emassés apkelwesey m'a weykcha'áhak eknaqtáxésamaxchexa nak apkelwesey m'a élyennaqte nak apnegya'ák! ¡Ná enaqtáxéssesák apkelwesey m'a ekheykegkaxa nak apkelwesey m'a énxet'ák apkelpéwomo!

Isaías 4:3

Eltamhakpok sa' “apkelpagkanchásamap Wesse' egegkok ma'a” énxet'ák apkeleymomap nak meletsapma m'a Sión, cham'a apkelwayam nak teyp ma'a Jerusalén apkelxawéyak nak yaqwayam exmakha m'a.

Isaías 9:7

Exek sa' ma'a néten nak David aptaháno ekyawe ektaqmalma; kasawhekxohok sa' apteme Wesse' apwányam ekyókxoho yókxexma, megkamassegwomek sa' ma'a meyke ektáhakxa nak negha; tásek sa' katnehek ekyetno m'a aptémakxa nak Wesse' apwányam, sa' katnehek ekyennaqtésso m'a aptaqmelchessáseykekxa nak chá'a apheykha énxet'ák tén han ma'a ekpayhawo nak chá'a elána', keso kaxwo' nak tén han megkatnégwayam néxa. Elának sa' Dios ekha nak apyennaqte xa, eñama ekyawe agko' segásekhayo.

Jeremías 30:10

“Ektáhak ko'o sekpeywa s'e, sektáha nak Wesse': Jacob énxet'ák apagkok, apteme nak séláneykha, nágkóle'; Israel, ná égwe', hakte atekkesek sa' ko'o exchep se'e apchókxa makhawók agko', kélchexakhagweykenxa axta kélántekkessama yetlo aptawán'ák neptámen. Meyke ektáhakxa kélheykha sa' katnekxak makham, tén han ektaqmalma, meyke xama aqsok enxoho yaqwayam kalyegwakkasha.

Jeremías 30:7

¡Chágketwa'ak ekhem ekmaso, xama ekhem megkaxnémo nak ma'a mók ekhem nak! Katnehek sa' ekhem éllegeykegkaxa apkelwáxok ma'a Jacob énxet'ák apagkok, alwagkasek sa' eyke ko'o teyp.

Ezequiel 13:9

Allegássesagkohok sa' ko'o m'a apkellegasso nak chá'a amya'a ekmowána amya'a, cham'a apkelwete nak chá'a aqsok megkamámnaqsoho, ekmowána amya'a nak chá'a m'a apkelxeyenma yaqwánxa katnehek egmonye'. Mopwanchek sa' elántaxnegwók epasmok apchaqneykekxa m'a énxet'ák ahagkok Israel; megkanaqtáxésaxcheyk sa' apkelwesey nepyeseksa m'a israelitas, melántexek sa' ma'a kañe' xapop Israel. Keñe sa' kólya'ásegwók kéxegke, sektáha ko'o Wesse'.’

Ezequiel 34:24

Keñe sa' ko'o, sektáha nak Wesse', etnehek Dios apagkok, keñe sa' ma'a séláneykha David etnehek apkemha apmonye' apagkok. Ekxénchek ko'o xa, sektáha nak Wesse'.

Ezequiel 5:9

cham'a maláneya axta m'a nanók axta, malánekxók sa' nahan chá'a. Asagkók agkók ekyókxoho m'a aqsok élane.

Daniel 10:13

Veintiún ekhem axta ko'o sélnápomáxche m'a aqsok éláneykha nak ma'a apchókxa nak Persia; epásegwa'ak axta eyke ko'o m'a Miguel, apteme axta xama m'a Dios apkelásenneykha ekyawe kéláyo, hakte exakkók axta eyeymomáxchek sélenmexma m'a apkelwesse'e apkelwányam nak Persia.

Daniel 10:21

Altennaksek sa' ko'o kaxwók xép ma'a ektémakxa nak eknaqtáxésamaxche weykcha'áhak ekmámnaqsoho: Wánxa ko'o sekxegexma sélnápomáxche m'a Miguel, Dios apchásenneykha apkemha apmonye' apkeláneykha nak ma'a Israel.

Daniel 11:45

Yának sa' kólpekkenchessók appakxanma wesse' apwányam halep nak wátsam ekwányam, teyp nak egkexe ekpagkanamaxche Ektaqmalma. Sa' eyke yetsapwók ma'a, méko sa' han kapasmok.

Daniel 7:10

máxa yegmen axta táhak ektepa táxa eyáléwe m'a apmonye' nak. Apxámok axta énxet apkeltemessáseykha, apxámok apagko' axta han apchaqneykha m'a aphakxa nak. Apcheynawók axta apmáheyo elyekpelkohok énxet'ák ma'a segyekpelchémo. Kélmeykeságkokxeyk axta weykcha'áhak.

Daniel 9:12

Apkeláneyak xeyep ma'a apxeyenmakxa axta henteméssesek, segaphássesa m'a néllegeykegkoho ekmaso agko', ekweykekxoho m'a senláneykha nak chá'a negko'o; hakte axta kótémaxchek chá'a katnehek xama enxoho ekhawo ektémakxa axta kéllegassásegkoho eyáhapwe m'a Jerusalén.

Joel 2:2

ekhem ekyáqtésso exma tén han ekho axta'a, yaphope ekyentaxno ekho pessesse. Apsawhawók sẽlpextétamo apkelyennaqte, tén han apxámokma m'a néten egkexe nak, máxa aptáhak ma'a ektémól'a ekyetcheyam la'a amonye' élseye. Megkótémaxchek chá'a katnehek nanók axta xa ektéma nak, megkólwetekxók sa' nahan chá'a katnekxa'.

Malaquías 3:16

(Keñe axta apkelpaqhetchásekpoho m'a apkeláyo nak chá'a Dios, aptaqmelchásawók axta nahan apháxenmo Wesse' egegkok ma'a aqsok apkelxeyenma. Táxésáxcheyk axta nahan weykcha'áhak nápaqtók Wesse' egegkok, yaqwayam enxoho kaxénwakxohok chá'a kélwáxok ma'a énxet'ák apcháyo nak chá'a Wesse' egegkok, tén han melwagqayam nak chá'a.)