1 Samuel 16:4 - Biblia Enxet

⁴ Aptemék axta han Samuel ma'a apkeltamhókxa axta etnehek Wesse' egegkok. Xama axta apwokmo m'a Belén, apkelanyexakmek axta apma takha' m'a apkelámha apmonye'e nak tegma apwányam, yetlo éltamheykha apkelwáxok, axta aptáhak apkelmaxneyáncha'a s'e: —¿Mékoya ektáhakxa apwáxok apwa'a?

1 Samuel 16:4 Iomraidhean Croise

1 Reyes 2:13

Apya'aweykxeyk axta Betsabé m'a Adonías, Haguit axta étche, cham'a Salomón egken. Kelmaxneyáha axta m'a: —¿Ya eláwak apmeyánto s'e? —Éhay —axta aptáhak apchátegmowágko.

2 Reyes 9:22

Xama axta apwet'a Joram ma'a Jehú, axta aptáhak apcháneya s'e: —¡Jehú! ¿Ya eláwak apxegakmo? Apchátegmowágkek axta Jehú: —¿Háxko katnehek ko'o malwehek élenxanmégkoho enxoho ektémakxa megkamasexta élpeykessamo kéleykmássesso m'a Jezabel, egken nak, tén han ekxámokma ekteme yohóxma?

1 Samuel 21:1

Apmahágkek David yókxexma Nob apya'aweykxo apkelmaxnéssesso Dios énxet'ák apagkok Ahimélec. Apyegwakkek axta han apwet'a, keñe aptáha apcháneya s'e: —¿Yaqsa ektáha apwa'a nak apxakko' meyke apxegexma?

1 Reyes 17:18

Keñe axta kelán'a tampe' ektáha eyáneya m'a Elías: —¡Yaqsa ektáha setnéssesa nak xeyep xa ektáha nak, xép apteme nak Dios énxet apagkok! ¡Apxegeykmek enxeykel'a exchep yaqwayam hey'assásegwakxohok may'assáxma tén han yának yetsapok ma'a hatte!

Oseas 11:10

Enaqlakxak sa' Wesse' egegkok ma'a, keñe sa' éxwéwha m'a ektémól'a méwa. Éxwéwha sa', keñe sa' elyo'ótak yetlo apkelaye m'a ektáha nak énxet'ák apagkok, apkeleñama m'a ektaxnegwánxa ekhem.

Oseas 6:5

Cháxa keñamak sekteméssesa nak kélnápakha'a kélketkók, eñama seyásenneykekxa m'a énxet'ák apkellegasso nak sekpeywa, sekpeywa keñamak sélnapma. Máxa élseyéxmal'a temék ekteyapma m'a ektémakxa nak ekpéwomo sektémakxa.

2 Samuel 6:9

Awanhek axta apkeye David nápaqtók Wesse' egegkok xa ekhem nak, keñe aptáha appeywa s'e: “¡Masakxeyk sa' Wesse' egegkok yántéseksek apagkok!”

Génesis 48:7

Xama axta séxyeykmo ko'o séñama m'a Padán-aram, ketsapwa'akteyk axta egken Raquel ma'a Canaán, keto' negweyktamxa nak Efrata; eyátawanyegwa'akteyk axta m'a ámay nak Efrata, ektéma nak kaxwók Belén.

Génesis 35:19

Ketsekkek axta m'a Raquel, kélátawanyeyk axta m'a ámay nak Efrata, ekwesey nak kaxwók Belén.